رابطة اللي ماخذين ابرة تفجيريه ( تفائل جديد) تعالوووو.......!!

[LoOoZa]

بسم الله الرحمن الرحيم



الموضوع باين من عنوانه اللي ماخذه ابرة تفجيريه تشاركنا :krkrkr:
نبي نعرف اثارها وهل الحمل يصير من اول الكورس ولا لازم 3 شهور مثل ماسمعت نبي تفائل :eh_s(1):

وانا بجاوب اول وحده انا اول مره اخذها الشهر اللي فات وانزلت لي بويضتين وحده 18 والثانيه 13 بس انزلت العروس ما تتصورون حالتي لما انزلت علي اشلون بكيت :0bee2e8d89:
بس الحمد الله قدر الله وما شاء فعل
الحين اليوم الثاني وانا اليوم اكلت كلوميد ....
الحمدلله وزوجي ميه ميه ولا فراخ الجمعيه _03BA:

بس الدكتورة اعطتني كلوميد الشهراللي فات وبعد ما سويت سونار داخلي وشافت التبويض والتحليل الدم 21 الدوره اللي فاتت قررت اني يوم 13 اضرب الابره التفجيريه وقالت جماع بعد 24 ساعه بس لظروف ما صار الجماع بعد 36 ساعه وقالت طبعا لمدة 3 ايام وصار انا يوم وترك يعني مو 3 ايام وطبعا اوصفت لي حبوب ديفستون وفوليك وقالت لمدة 15 يوم اكليهم اذا جاتج وقفيهم بس انزلت الشيخه

وانا ناطره الحين اخلص من الكلوميد واروح 12 الدوره للدكتوره عشان تشوف التبويض وبعدين تعطيني ابره التفجيريه مره الثانيه ........ وانشالله الله يرزقني هالمره ويرزقكم معاي

بنوتات يالله كل وحده تقول وش حست خلونا نتفائل واللي مرووو بهالتجربه وكانت ايجابيه ياليت يشركونا :gathering:

أدعو لي احمل في هذا الشهر بتؤم نفسي بنت ولد يارب تعطيني على قد نيتي

 

["*آآآنؤؤؤقهـ*"]

عسى الله يرزقج بالتؤم الصالح

ويرزقني معاااااااااااااااااااااج


للرفع

 

[LoOoZa]

آمييييييييييييييييييييييييييييييين يارب

 

[أحلى بسكونة]

موضوع حلوو
بالنسبة لي الشهر الياي باخذ كلوميد ان شاء الله
عندي ضعف تبويض هالشهر اخذت حبوب لان فيني كيس ولازم ينزل علشان يعطيني كلوميد
وان شاء الله ينزل
والله يرزقج التوأم يالووزة

 

[همسة دلال]

هلا حياتي

انا متزوجه من سنه وشهرين وما صار حمل
وعملنا فحوصات ثلاث مرات بعيادات مختلفة والحمدلله كل التحاليل طبيعية عندي وعند زوجي بس الله ما اراد
من شهر تقريبا اادكتورة اعطتني كلوميد و اخذت ابر تفجيرية وطبعا كنت اخذ الفوليك قبلها ب3 اشهر بس
ما صار حمل
وبداية هالشهر اخذت كلوميد باليوم الاول للدورة لمدة 5 ايام كل يوم حبة
وبعدها باليوم 13 اخذت الابر التفجيرية وخبرتني اخذ دفاستون باليوم 15حبتين باليوم
وحبوب فوليك
بس بعدما اخذت كلومبد الشهر الماضي واحيانا تجيني نغزات قوية باسفل البطن الجهة اليسار..الدكتورة عملتلي فحوصات وتقول ما فيني شي

المفروض الدورة تجي بداية شهر اغسطس والحين جالسة ادعي انها ما تجي هالشهر واحمل
واحاول كل يومين اقرا البقرة وادعي
ادعولي احمل ويارب يرزقنا كلنا بالذرية الصالحة

 

[ام جناتي]

الله يرزق الجميع انشالله ولايحرمنا من هالنعمة

 

[mosta7eel]

الله يرزقج ياقلبي وكل وحده تتمنى الحمال انا جربتها يمكن 3 مرات
بدون كلوميد بس لله الحمد ماصار حمل بس اهي ماتنشط المبايض
اهي بس تنزل البويضه بوقت تعرفينه علشان يصير جماع
الكلوميد اهو الي ينشط وينزل اكثر من بويضه
وبالتوفيق يالغلا

 

[Joody]

الله يرزقج انشالله بالذرية ويرزقنا كلنا انا الشهر اللي طاف اخذت ابرتنشيط لمدة 8أيام مع اني سليمه انا وريلي وطلعوا 7 بويضات كلهم حجمهم فوق 20 وبعدها ابر تفجيرية بس الحمدلله على كل حال ماحملت ونزلت الدورة مبجر تاريخ 20/6 بس ماني عارفة هالشهر متى لازم تنزل؟؟

 

[شي حلو 22]

شلونكم بنات
انا الحمدللة حامل والفال لكم انشاءالله
اول شي انا اراجع عند الدكتورة ماجدة اليتامى
وعطتني كلوميد ولعدين ابرة تفجير اليويضات وقالتلي لازم زوجج يعاشرج بهل الوقت
المهم وقالتلي بعد 21 يوم حللي
بعد ال21 يوم حلتت وطلعت حامل الف الحمدلله والشكر يارب

 

[شانييل]

ألف مبروووووووووووووووووووووووووك والفال لنا بنات
أنا خذيت كلوميد واليوم أبرة منشطة والجماع بعدها بيوم, مع حبوب لمدة 16 يوم نوعين بالاضافة لجل يوضع داخل الرحم قالت الدكتورة إنخ يقوي البطانة
والله يستر....................
أنا بعيادة ماجدة اليتامى الدكتورة دميانة خوش دكتورة والله يكتب الي فيه الخير ويطمن قلوبنا قولوا امييييييييييييين

 

[LoOoZa]

جيل يوضع داخل الرحم ! غريبه بس الحين ادويه اشكال والوان
بس الدكتوره قالت لي تحاميل ولا حبوب ديفستون ما عطتني جيل
دكتوه ماجده سمعت عنها حلوه والله




الله يرزقكم ويرزقني معاكم ويارب يارب يارب تبشروني وابشركم بالحمل

يارب يارب ويارب ياسميع الدعاء

 

[غاليه 2000]

الله يرزق كل محرومه ان شاء الله

 

[الفرفورةرفرف]

عن نفسي انطر اليوم او باجر اتييني العادة
وانشالله ما تييني الا بعد النفاس:yaaaaaarb:
واكون حامل
واذا لاسمح الله نزلت:0bee2e8d89: الدكتورة عطتني كلوميد من ثاني يوم وابرة تفجيرية في اليوم العاشر
والله كريم
ومبروك للبنات اللي حملو:ggdw:
وانشالله الفال اللي ما حملو:yaaaaaarb:

 

[om-shaheeno]

الله يرزقنا جميعا ....
ومبروووك للي حامل..والله ت حملهم يا رب...
حبيباتي بغيت اسال وين عيادتها دكتوره ماجده اليتامى ؟؟؟

 

[LoOoZa]

مبروك يا قلبي الله يثبت حملج وتجيبن على خير وتفرحين فيه ولا فيها ويرزقنا نفسج يا رب
ويا الفرفورة فرف بشريني انشالله حامل

وعيادة ماجده تلقينها بالجريده الانباء العاده يكتبون العيادات انا ما ادلها انشالله يفيدونج يا عمري البنات

انا اليوم بقى لي يومين واخلص الكلوميد يارب تتممل لي هالمره على خير وتضبط معاي الابره التفجيريه

 

[LoOoZa]

مبروك يا قلبي الله يثبت حملج وتجيبن على خير وتفرحين فيه ولا فيها ويرزقنا نفسج يا رب
ويا الفرفورة فرف بشريني انشالله حامل

وعيادة ماجده تلقينها بالجريده الانباء العاده يكتبون العيادات انا ما ادلها انشالله يفيدونج يا عمري البنات

انا اليوم بقى لي يومين واخلص الكلوميد يارب تتممل لي هالمره على خير وتضبط معاي الابره التفجيريه

 

[ملكه الحطب]

انا اليوم الرابع من الدوره رحت للدكتوره وسوت لي سونار وصرفتلي حبوب الدفستون 3 مرات لمده 5 تيام وبعد الدوره ب3 تيام رحت لها لانها قالت لي تعالي وشافت التبويض وعطتني ابره التفجير وبعدها ماعطتني شي اخذه وقالت لي جماع بكره وبعد بكره مهم على قولتها واول مره اخذ الابره وياليت يابنات تخلوني اتفاءل لاني خايفه منها شجعوني عليها لانه قالت لي اذا ماصار حمل نبدا تنشيط مره ثانيه

الله يرزقنا يابنات ان شاء الله يااااااااااارب

 

[غيـ الناس ـر]

انا اخذت الابره التفجيريه من اول مره حملت الحمدالله


وعقبالكم كلكم يااااااا رب

 

[giuo]

مبروك للى احملوا والفال لللى ما احملوا ربي يثبت حملهم ويرزق كل محرومه يا رب

 

[وجع راس]

ما أبي أكون متشائمه بس صار لي اخذ الأبره تسع أشهر وما كتب الله أحمل هالشهر غيرت الدكتوره ورحت للدكتوره أمل عبدالعزيز يمدحونها وإن شاء الله يكتب لي الحمل ويرزقكم الله