بنات اااااه اكتبلكم و بقلبي حسرة والله لا يبلاكم في ما بلاني والله يعطي كل وحدة اللي في قلبها و راح ادعيلها ليل و نهار اللي تدلني على حل لمشكلتي وبس بليز بلا طنازة
انا صارلي 17 سنه اعاني من هالمشكلة و ماني عارفة لها حل ... اي نعم لا تستغربون .. من كان عمري 14 سنة وانا فيني هالمشكلة و ماني عارفة شسوي ؟؟:0bee2e8d89::0bee2e8d89:
والحيين انا متزوجة و ماتتخيلون العذاب اللي انا عايشة فيه ماقدر اقعد يم ريلي الا تارسة حلجي بهالعلوج والحلاو .. والله مرات بنات تقلب جبدي بس شسوي اذا خليت نفسي احس ريجي ينشف و تزيد الريحة و طبعا لا تشوفوني برمضان شلون احاول اتفاداه و ماحاجية والله حتى لما نقعد بالسيارة اظل ساكتة و قلبي يقرقع بسولف .. بس ماقدر اخاف ... واهو يحاجيني وانا ساكتة و اهو يقول انتي شفيج زعلانة ... وانا هز راسي لا مافيني شي و بس ماقدر اعبر
المواقف المحرجة واااايدة يا بنات على مر 17 سنة و ياما ناس قطو كلام و نقزات ما يدرون ان انا عارفة و كاتمة وسعيت كثر ما اقدر لكن ليلحين ما لقيت الحل واكثر موقف محرج شفته بولادتي لان خلوني صايمة و مو راضين يعطوني حتى شربة ماي والسستر يات تحاجيني جن تقول حق اللي معاها هذي اكيد مرتفع سكرها لان في ريحة قوية و تخيلوا انا مافيني سكر و يصير الموقف جدام ريلي و كل شوي يقيسون السكر و يطلع اوكي والسستر مصممة تقول بس في ريحة في ريحة ... والله هم يضحك و يبجي
لا تقولولي فرشي و استعملي خيط و مضمضات و فرشاة اسنان لاني راح اقوللكم سويت كل هذا و اكثر و هم ماكو فايدة و عيزت اروح اطباء اسنان و اسوي تنظيف عندهم وعلاج و كلهم مافادوني بشي و ما تنبط جبدي اللا لما يقولولي واااو اسنانك روعة اكيد اهتمامج فيهم بيرفكت وانا اقولهم ادري بس عطوني حل و محد ليلحين قدر يتوصل للمشكلة ...
نسيت اقولكم ان امي قبلي كانت تعاني من هالمشكلة يمكن 20 سنة و كانت مواظبة على التنظبف و علاج السوس و الجير لكن ماكانت تروح الريحة الا ان طاحوا ضروسها من الكبر والحين ما فيها ريحة ... حتى لو صايمة مافيها الا العافية
و بنات انا مابي انطر العمر كله لين تطيح ضروسي يالله اتعالج انا ابي دكتور شااااااااطر يكتشف مشكلتي و يحلها
و وعد مني راح ادعيلكم بكل صلاة ...الله يفرج همكم و يعطيكم اللي في بالكم :tek:
انا صارلي 17 سنه اعاني من هالمشكلة و ماني عارفة لها حل ... اي نعم لا تستغربون .. من كان عمري 14 سنة وانا فيني هالمشكلة و ماني عارفة شسوي ؟؟:0bee2e8d89::0bee2e8d89:
والحيين انا متزوجة و ماتتخيلون العذاب اللي انا عايشة فيه ماقدر اقعد يم ريلي الا تارسة حلجي بهالعلوج والحلاو .. والله مرات بنات تقلب جبدي بس شسوي اذا خليت نفسي احس ريجي ينشف و تزيد الريحة و طبعا لا تشوفوني برمضان شلون احاول اتفاداه و ماحاجية والله حتى لما نقعد بالسيارة اظل ساكتة و قلبي يقرقع بسولف .. بس ماقدر اخاف ... واهو يحاجيني وانا ساكتة و اهو يقول انتي شفيج زعلانة ... وانا هز راسي لا مافيني شي و بس ماقدر اعبر
المواقف المحرجة واااايدة يا بنات على مر 17 سنة و ياما ناس قطو كلام و نقزات ما يدرون ان انا عارفة و كاتمة وسعيت كثر ما اقدر لكن ليلحين ما لقيت الحل واكثر موقف محرج شفته بولادتي لان خلوني صايمة و مو راضين يعطوني حتى شربة ماي والسستر يات تحاجيني جن تقول حق اللي معاها هذي اكيد مرتفع سكرها لان في ريحة قوية و تخيلوا انا مافيني سكر و يصير الموقف جدام ريلي و كل شوي يقيسون السكر و يطلع اوكي والسستر مصممة تقول بس في ريحة في ريحة ... والله هم يضحك و يبجي
لا تقولولي فرشي و استعملي خيط و مضمضات و فرشاة اسنان لاني راح اقوللكم سويت كل هذا و اكثر و هم ماكو فايدة و عيزت اروح اطباء اسنان و اسوي تنظيف عندهم وعلاج و كلهم مافادوني بشي و ما تنبط جبدي اللا لما يقولولي واااو اسنانك روعة اكيد اهتمامج فيهم بيرفكت وانا اقولهم ادري بس عطوني حل و محد ليلحين قدر يتوصل للمشكلة ...
نسيت اقولكم ان امي قبلي كانت تعاني من هالمشكلة يمكن 20 سنة و كانت مواظبة على التنظبف و علاج السوس و الجير لكن ماكانت تروح الريحة الا ان طاحوا ضروسها من الكبر والحين ما فيها ريحة ... حتى لو صايمة مافيها الا العافية
و بنات انا مابي انطر العمر كله لين تطيح ضروسي يالله اتعالج انا ابي دكتور شااااااااطر يكتشف مشكلتي و يحلها
و وعد مني راح ادعيلكم بكل صلاة ...الله يفرج همكم و يعطيكم اللي في بالكم :tek:
التعديل الأخير:
