ذنب كل ابن وابنه برقبتج انتي ياراعية البيت

[Pizza Queen]

السلام عليكم ورحمة الله وبركاته

يعني لي متى

لي متى يعني >معصبه ترا

قاعد تشوفون هالجرايم

وتزايدها

اشناطره

ناطريه اييج الدور

حبيبتي يا الام ياراعية البيت

اذا حاطه خدامه عشان مالج خلق تخمين ولا اتيبين لنفسج قلاص ماي

ولا تسوين اكل لعيالج

ذنبهم برقبتج اذا صار فيهم شي

اعتقد كل شي واضح الحين

اكثر من تحذير وتنبيه قاعد نشوف

وانتي بس شاطره تقولين حسبي الله وحاطه ببيتج خدامه

شنو يعني تقصين على نفسج ولا تتحاشين الخوف والمحاتاه

ولا سالفة ام وماعندها الا ضنى واحد ولا اثنين وحاطه خدامه

خير انشالله

تبينها توديج الحمام يعني !!!!!!!

حبيبتي حطي خدامه بس عالاقل نص دوام تنظف جدام عينج وتمشي

حطي خدامه بس ماتدخل البيت وانتي مو فيه ولا تدخل كل مكان ببيتج

شنو عيالج عيزانه تشيلينهم

اطفال قاعد يتعذبون تخيلي الضحايا قبل الموت بلحظات

تتخيلين الالم اللي مروا فيه

ماتخافين على عيالج

ولاتحطين مبرر حق هالشي

بلا موظفه بلا بطيخ

اذا راحوا اعيالي مني شنو بتنفعني فيه الوظيفه ولا الطلعات ولا السوق والمشاوير

الله ما كثر الحضانات معاش الخدامه حبيبتي حطيه بحضانه لعيالج لين اطلعين من الدوام عالاقل

يتعلم شي مفيد مو ينطق واعليه بغيابج

شفت فيديوات تخخخخخخخخخرع عاليوتوب

تخيلوا خدامه تعتدي على الطفل بغرفة نوم الام

مصورينها بكاميرا خفيه

والياهل كبير مو صغير

يعني مااعتقد بعمر انه ينسى

واللي مدخله شي بالبنت استغفر الله

ماقول حسبي الله على الخدم

اقول حسبي الله عليج انتي يا راعية البيت

حسبي الله

اذا منتوا قد الزواج واليهال حبيبتي لا تتزوجين قعدي عند اهلج ولا تيبين ابرياء وتقتلينهم ابربادتج ​

 

[Pizza Queen]

Up

up

 

[ماني من الناس]

المشكله اهي عدم تقدير نعمه الاطفال

اولا السالفه وايد عميقه لو بنكتب عنها يبيلنا كتاب


الوحده منا مفروض تكون عندها رؤيه قبل الانجاب عشان تدرك واشدد على كلمه تدرك شنو حجم هالموضوع

انتي قاعده تنجبين روح ثانيه الى الحياه مو جماد بتنجبينه وتخلينه ع صوب

يعني روح مماثله لروحك كتله انسانيه من المشاعر والاحاسيس والاهم انه واهو مولود بسنينه الاولئ يتأثر


ايه يتأثر يصير نفسيا مثل العجين شلون تعجنه البيئه اللي يشوفه يسوي نفسه كوبي بيست


لانه ماعنده وعي كافي للتمييز

فأي شي سلبي جدامه سيده راح ينسخه بمخه

يعني محتاج يكون حوالينه ناس عندهم وعي مو اي من كان

فانتي مسؤوله عنه لي شفتيه بيوم من الايام تلفظ بلفظ غلط او سوا سلوك غلط لانه مو واعي واكيد ماجاب هالشي من عنده من محيطه


وياحياتي الخدامه اهي فعلا انسان بس الازمه تدرون بشنو


ازمه ثقه

ايه شلون تثقون فيهم بهالسرعه وتسلمونهم الخيط والمخيط

الخدم جايين مساكين من بيئه كلها معاناه ولو مالصعوبه اللي واجهوها جان ما خًدموا عندكم

يعني تصوري انهم مروا بوايد تجارب ممكن تكون سلبيه واثرت بشخصيتهم


وشخصيتهم ماراح تقدر ن تكتشفون بيوم وليله

واطفالكم امانه عندكم شلون تسلمونها للغريب


غريب بمعنى غريب

اذا خواتج ماراح يكونون اامن على عيالج منج

شلون الغريب

 

[Pizza Queen]

والله صاااااااااااجه

الظاهر البعض يتهربون من الرد عالموضوع

هههههه

مايبون احد يواجهم بالحقيقه

كلمت ذنبه برقبتج مو سهله

 

[عادت ذكرياتي]

آنا معاج إن عالأقل تدخل الطفل الحضانة يتعلم فيها أشياء توافق دينه وتطور منه مو بعض الخدم ياخذ منهم معتقدات غريبة او يعلمونه حركات ...إلخ


وآنا من رايي إن الخدم وسيلة مساعدة مو شي رئيسي مو نعطيهم الخيط والمخيط

والرقابة ثم الرقابة ....

والله يحفظنا ويحفظكم بحفظه ...

 

[ام كوثر2007]

حبيبتي حبيت ارد علي موضوعج لانه فعلا اثر فيني .

بس المشكله انتي الحين شملتي وحطيتي بذمتج انه كل الخدم مجرمات

والتعميم ما يجوز .

ترضين يقولوون عنا انه احنا الكويتيات قتله ومجرمات ونموت موت جماعي ؟

مثل ما سوت قاتله الجهراء ؟

مثل ما قلت لج التعميم مو زين

وصدقيني الاشياء اللى انشوفها باليوتيوب تكون ردة فعل من الخادمه

ما اصدق ولا يدخل براسي انه راعيه البيت تكون متقيه الله سبحانه بالخدامه

والخدامه تعامل اليهال مو زين او تقتل او تجرم فيهم ؟

بيوتنا من عمر منذو الازل والخدم بالبيوت هالشي ما نقدر نستغني عنه خصوصا اللى تكون عندها ظروف

مثلا وحده تعبانه وفيها مرض معين ما تقدر توقف وتكرف بالبيت . وعندها يهال وايد بالله اشلون يعني ؟ تجابل عيالها والا نفسها والا بيتها والا ريلها ؟

عدل كلامج انه بعض الامهات معتمدين ااعتماد كلي علي الخدم .. واهنيه الغلط

انا مره سمعت وحده بالمنتدي تقول في خدامه حتي الجدول الدراسي تحضره بالجنطه حق الياهل .

وهالشي اووفر ..

يعني انا اتكلم عن نفسي مالي شغل بغيري

انا اييبها لانه عيالي اسم الله عليهم وايد . وفوق بعض

قدمت استقالتي بس عشان اجابلهم

لكن صحتي ما تسمح لي اني اوقف بشغل البيت

حاولت وتحملت اربع شهور من غير خدامه عقب ما راحت خدامتي اللى قعدت عندي سبع سنين وما شفت منها االا كل خير وللحين تذكرنا ونذكرها بالخير .

تحملت وقلت ماني ياييبه خدامه لكن بيني وبينج تعبت .

يبت وحده ثانيه صار لها الحين عندي شهر . علمتها انها مسؤوله عن التنظيف فقط لا غير ..

الطباخ انا اسويه وهدوم عيالي انا اسمي عليها واغسلها . وعيالي انا اللى اجابلهم حتي سباحه ما اخليها تسبح اليهال . ولا حتي تغسلهم عقب ما يخلصون من الحمام

حتي شعور البنات ما تسويها . لانهم عيالي وانا اللى متكفله فيهم

وهذى اهي موجوده عندي ومرتاحه . واللى قبلها سبع سنين ما شفت منها الا كل خير كانت فعلا ونعم الخادمه . لاني كنت اتقي الله فيهم وما احملهم اكثر من طاقتهم .


لا نصير وايد سلبييين عشان صارت جم جريمه قلنا خلاااااااص الدنيا خربت ومافيها امان .. لا يا قلبي الدنيا للحين بخير لو عدلنا بنفسنا اشوي وبطلنا نطغي علي النعمه ونعامل الناس من فوق .


لو كل وحده فينا عامله الخادمه معامله الرسوول واللى وصانا عليه رسولنا ودينا جان الحين مو قاعدين اهنيه ومرعوبين ومتخوفين ..


اسفه علي الاطاله . واشكرج مره ثانيه علي هالمووضوع المهم . بارك الله فيج

 

[ماني من الناس]

عندي تعليق بضيفه

الخدامه عباره عن وحده غريبه صح يعني لاتعرفينها ولا متعرفه عليها ولا معاشرتها من طفولتها عشان نسلم الثقه

يا حبيباتي انتوا شدراكم ان الخدامه اللي عندكم وان خلت من الامراض الجسديه ماعندها امراض نفسيه


ترا مو شرط ان لين عاملتيها زين اهي راح تكون اوكيه


واهم بيئتهم تخليهم يتعقدون مساكين ويمرضون نفسيا

عيل شاللي حادها تتغرب وتترك اهلها وتجي تخدمكم غير مشاكلها

واغلب الامراض النفسيه صعب تكتشفينها وصعب تكتشفين حتى تاريخها شلون كان ماتدرين

وانا اللي لاحظته من خدم اهلي طبعا بدون تعميم بس لذكر ان بعضهم عندهم امراض نفسيه مساكين


اهم عندهم مشاكل مع مستواهم الاجتماعي يعتي يشوفونج كاشخه وانتي قاعده وتخدمج ومرفهه وعندج كل اساليب الترفيه وهي لا

تبدي لاشعوريا تقارن وبتحس بالنقص وصعوبه الحياه وهالشي بيأثر بنفسيتها وايد
وبعضهم يتولد عندهم شعور انه عادي لو باقوج لان هم ماعندهم وانتي عندج وبالتالي المعادله عندهم ضابطه

وبعضهم تلاقينها محرومه جنسيه وتبدي اتوهم اشيا او حتا ممكن تتحرش بالاطفال ماتدرين انتي شنو نفسيتها


لاهي من بيئتج ولاتعرفين تربيتها شلون وبعض الامراض النفسيه حتا بالسنين ماتقدرين تكتشفينها


تظل غريبه وحاسه بالنقص وتعاني

 

[رتبه دبلوماسيه]

ااب

 

[ماني من الناس]

وبالنسبه لشغل البيت ليش مانبدي نعلم اطفالنا شلون يعتمدون ع نفسهم ترا يفهمون مو نقول يهال شعرفهم

اذا ياهل عمره سنه يمشي يفتهم كلشي يشوف ويقلد لاشعوريا يعرف شلون يمسكون القلاص ويشوفج وانتي تخلين جارج تلفونج عالجارج وتوصلينه


يعني شفيها لين علمتوا الاطفال :

الاعتماد عالنفس : يرتب غرفته ويمشط شعره ويهتم بنظافته


والمساعده: تقسمون شغل البيت ع افراد الاسره وتسوون جدول كل واحد شنو دوره وتكافئونهم بشغلهم


للاسف الاجانب تسوي هالشي ويعلمون اطفالهم هالقيم وهنيه عندنا مانقدر نعيش بدون خدم ليش


اذا ما عودتي طفلج ع المسؤوليه من واهو صغير لانترجين منه شي بعدين

 

[جوجوو نايس]

اي صاااجة ياصاحبة الموووضووع..

هالموضوع يصلح حق مرت خالي تخلي بنتها الصغيره تنام عند الخداامة بغرفه .من آطلعت من النفااس قطتها ع الخدامة
اذا انصحوها خالاتي تقول مالي خلق آزعاج بليل تقعد تهاوش وتزعل
اذا انتي مارحمتي بنتج يعني خدامة راح ترحمها.. :eh_s(2):

الله يهديتها بس .. ياليت كل الامهات ينتبهون لعيالهم
ويعطييييييج آلف عاافية ع هالموضوع

 

[ترانيم القصيم]

مهنة الأم الأساسيّة إنها تجلس بالبيت تشتغل و تنظف و تطبخ

و الشغل و الدّوامات هذي تتركها للزوج ,,

إلا إذا كانت حالتها المادية ضعيفة ..

 

[Pizza Queen]

مشكورين عالمرور

وكلامكم عدل

بس االلي تقول لاااااااابد من الخدامه

اقري حديث الرسول صلى الله عليه وسلم

مااعتقد بانه احنا احسن منهم

فاطمة عليها السلام أتت النبي صلى اللهـ عليهـ
وسلم تشكو إليهـ ما تلقى في يدها من الرحى ،
وبلغها أنهـ جاءهـ رقيق ، فلم تصادفهـ ، فذكرت ذلكـ
لعائشة ، فلما جاء أخبرتهـ عائشة ، قال : ( فجاءنا
وقد أخذنا مضاجعنا ، فذهبنا نقوم ، فقال : ( على
مكانكما ) . فجاء فقعد بيني وبينها حتى وجدت برد
قدميهـ على بطني ، فقال : ( ألا أدلكما على خير
مما سألتما ؟ إذا أخذتما مضاجعكما ، أو أويتما إلى
فراشكما ، فسبحا ثلاثا وثلاثين ، واحمدا ثلاثا
وثلاثين ، وكبرا أربعا وثلاثين ، فهو خير لكما من خادم ) .