ذكرى الزواج... ابي رايكم

[لذه السكر]

السلام عليكم

بنات انشالله هالشهر ذكرى زواجي وناويه احتفل فيها عندي جم استفسار

اولا مابي اخططها بروحي ابي زوجي يخطط معاي .. احس هالمناسبه لنا اثنينا ولازم يشارك والا شرايكم ؟؟

ثانيا ماراح اشتري هديه احس مومال هديه خصوصا نغرت له على دبله كارتيير حقرني فقلت اشتريها لنفسي وادلع عمري لاني زوجه صالحه :eh_s(22)::eh_s(22): بسسسسسسسسسسس باجر سياره كشخه

والمطاعم محتاره بين التسيمو برج النصار و ليتر دامور اللي عالبحر ايهو احلى ؟؟


واللي عندها اقتراح تسدحه *** ملاحظه راح اكون باسبوع المرور

 

[شادن33]

ههههه اهم شي اسبوع المرور يعني مامنج فاااايده ههههه تحرينه بس

بالنسبه لفكره انج يشاركج التجهيزات واااايد حلوه افضل من ان تكون مفاجأة

والله يهنيج ويسعدج

 

[Pinky -cat]

شوفي اذا اهوا من نوع الل يحب يشارك فا اوكي بس حلااتها تشوفين متذكر ولا الحياة سعيده هههه يعني ناسي ولا بباله

بعدين دام عرفتي طبعه ما ييب شي عيل ليش تييبين هدية ماله داعي ، خليها احتفال برا بمكان حلو وخلاص

 

[لذه السكر]

شادن

شكرا عالمرور حبي

Pinky- cat

100% وابصم ان ناسي ولا على باله ههههههه عشان جذي بذكره

 

[M!SS.LOBY]

الله يوووفقج

 

[<miss botamba>]

التسيمو اكله بايخ ماحبيته

والثاني ما اعرفه


ليش ماتجربون ريكاردو مال الشيراتون؟

 

[جذابه بنت ذيابه]

اجري سياره و لا تعلمينه خليه يتفااجا احلاا والله و روحي انتي وياه للمطعم و احجزي قبلها

 

[قلب الزعابي]

الله يهنيكم

 

[SoOoSoOo ^__^]

دايم اشوف بذكرى الزواج المره هي اللي تخطط وتشتري وتتعب والزوج ولا على باله مدري ليه .؟؟

خليك ذكية وذكرية بس بطريقة غير مباشره
مثلا حطي كرت زواجكم بدرج ملابسه يعني بالصدفه يشوفهم
وشوفي لك فيلم معاه يكون فيه مشاهد زوج يجهز ل ذكرى زواجه وكيذا
واذا بغيتي افلام حاكيني خاص واعطيك
واذا بدلتك حقت الزواج لسه عندك البسيها عنده كانك تقوسينها وقولي يالله الايام تمر بسرعه مين يصدق مرت سنة على زواجنا , مثلا يعني

الزبدة خليه يتلحلح ترا الزواج مو بس انتي اللي فيه

الله يسعدكم وتكون ليله جميلة

 

[M!SS.LOBY]

الله يسعدكم

 

[امـ خــزامـى]

تحمممممممممممممممممست

انا اليوم ذكرى ملكتي


بس ماسويت شي مع اني مخططه اسوي بس عشانه يصادف خميس تكاسلت
لانه يوم سهرته مع اصدقائه



شكلي بخليها بكرا

بس نبي افكاااااااار

 

[نسومه قلبي]

السلام عليكم


يالغوالي مايجوز الاحتفال بذكرى الزواج وكل احتفال يعاد كل سنه بنفس التاريخ لايجوز
الكلام كلام مشايخنا مو كلامي

وشكرا لكم حبايبي

 

[جوري الصالح]

نــــبي افكــــــــار...
محتــــــــاجين

 

[Patcholli]

ليش مايجوز استانس مع زوجي بذكرى زواجنا ؟؟؟؟

 

[om . alzeen]

حلوه فكرتج وعجبتيني انج بتشترين هديته لنفسج انا بعيد زواجي الاول شريتله وسويت كل شي واهو ولا ورده كسرت خاطر نفسي

الصراحه

سوي شي يونسج انتي سالفة المطعم تونسج وتغير عليج الجو مع تاجير السياره

ماتحتاجين افكار زياده فكرتج عجيبه

 

[دانة_ دبي]

- دوري لج مطعم يكون ع البحر و يكون برايفت
- ممكن تأجرين ليموزين و ياخذكم لفة ع المولات

 

[Lily]

روحي اي مطعم من مطاعم فندق جميرا اللي توه فتح بالمسيله قعدات راقيه وهاديه

 

[Gifts&Occaions]

الله يهنيج