ذذذبحتني جلسة البيت ااااه بس

[ياحبي للكويت]

السلام عليكم

بنات حبيت افضفضلكم

انا طبعا سعوديه ومثل ماانتم عارفين البنات في السعوديه كانهم اسيرااااااات

انا متخرجه من الجامعه لي اربع سنوات وبتقدير امتياز _وماااااحصلت اي وظيفه والوظايف عندنا كلها وااااسطات يعني سالفة اني اتوظف شلتها من رااااسي تماما

والله احس بفراااااااااااااااااغ واكتئاااااااااااب ووسوسه احس حياتي فااااضيه:eh_s(11):

كلها اكل ونووووم_ اللهم لك الحمد ماانكر اني بصحتي وعافيتي وهذي اكبررررر نعمه

بس احس اني مخنووووووووووووووووقه من قعدة البيت خلاص وصلت معي

وحتى الطلعه للمناسبات والعزايم كررررررهتها احس تزود اكتئابي وغير كذا ناس شوفتها تقصررر العمر



دعواتكم لي يابنات بالزواااج والوظيييييييييييييييييفه اللي تملا علي حياتي



مجرد فضفضه:eh_s(11):

 

[يارب محتاجك انا]

الله يزرقج من سيب فضله الواسع عليج بالدعاء حطيلج جدول لقيام الليل و النوافل وختم القران ي ليت لي وقت استغله لنفسي او بالاصح لاخرتي

اما سالفة الواسطه محنا بعاد عنكم انا اعرف وحده خريجه قاعده بالبيت 4 سنين وعسى ما راكضت باوراقها قطوها بوجها وبالمختصر جيبي معاج السحر ( واو )


الله المستعان و حسبي الله ونعم الوكيل

 

[عروس هاجرية]

حياة البنات صعبة

 

[ليدي بجد]

الله يرزقك ويرزقنا من واسع فضلة. معليش أكيد الي بقوله فكرتي فيه. بس ليه ما تاخذين دبلووم كمبيوتر ويفضل او انجليزي بس شي تاخذين فيه سنه تلاقين فيه بنات نفس ظروفكاممم او جربي اي وظيفه مؤ مهم راتبها بس تغيرين جو وتكتسبين مهارات. ما اقصد تدريس بس جربي في اماكن كثييير عيبهم الرواتب عادي اشوف بنات يشتغلون حتى برسبشن مشغل وشفت وحده انخطبت قدامي هههههه او بمعهد بنادي بعضهم يوفرون لك المواصلات. بس أنا اقول حلو تتعرفين على ناس وتطورين شخصيتك وتعاملك مع الناس فرصه بعد الزواج صعب تشتغلين الا بوظيفه براتب جيد او بتجلسبن نظرا لمسؤليياتك كزوجه. بعدين يمكن تنخطبين في احد هالوظايف. مش أحسن من الحبسه ويكفي تشوفين ناس غير الي تعرفينهم وتضايقين منهم موقفه يارب

 

[Canon~]

ليش البنات في السعوديه كانهم اسيرات ؟؟؟؟

عالعموم الله يعين يااارب هذا انا توني هالسنه متخرجه ومليت من قعدت البيت


الله يرزقنا الوظيفه عاجلا غير اجل

 

[فتاة الإبتسامة]

من قال السعوديات اسيرات
انا سعوديه والحمدلله ادرس بامريكا
اختي معاي وابوي يروح ويرجع لنا
معدلج عالي وامتياز ليش ماسجلتي بعثه ؟؟

 

[دلوعةمآمآ]

سلاماات لييش اسيراات !!!

تكلمي عن نفسك لاتعممين بنات السعوديه كلهم !!

أحمدي ربك على النعمه اللي انتي فيها

استغفرالله وأتوب إليه

 

[ربي سامحني]

شنو تخصصك؟
وفتاة الابتسامة شرايج بالدراسة بامريكا لخريجات الثنوي ؟

 

[فتاة أعمال]

اشفيكم بنااات.. قصدها ان الوضع ملل و فراااغ .. انا كويتية ادرس الحين بجامعه الكويت و مللللللللللل عندي روحه و رده بيت و اذا طلعت يلوع جبدي من جد احس صرت زهقااانه

 

[أعشقه]

يؤه شفيكم ع البنت ..
ترى كل وحده تفرق عن الثاانيه
جلسة البيت تجيب المللل .. فمابالك بالغراااغ
ياختي انا متزوجه وعندي 2 واحس بفراااغ قااتل لاني منحكره بالبيت طلعاااتي قليله بسبب عيالي
لان زوجي يشتغل بعيييد عنا .. يعني لا الزواج نافع ولا الوظيفه ..
انتي حاولي تغيرين من روتينك ..
دخلي دورااات حاسب الالي او e
ع الاقل تكونين لك صحبه تتواصلين معهم ..

 

[لبى ابو متعب]

مين قال بنات السعوديه اسيرات!!!
اول مره اسمع منك

المهم

الله يصلح حالك

 

[Miss Basma ..}]

شنو تخصصج ؟
عاد وزير العمل عندكم ما همه غير وظايف تافهة للأسف

أشغلي وقتج بأمور جديدة تتعلمينها مثل الكروشيه

 

[foshia girl]

الله يفرج همج ويرزقج بالوظيفة المناسبة والرجل الصالح يارب ويوفقج
حاولي حبيبتي تشغلين نفسج بأنج تدخلين نادي رياضي يم منطقتكم او تدخلين دورات تدريبية تفيدج بالمستقبل
بس لا تقعدين جذي انتي اسعي والباقي خليه على رب العالمين

 

[الأميرة جوري]

سجلي عندنا يمكن توظفين

 

[M!SS.LOBY]

الله يكون بعونج

 

[زوجة عزيز]

انتي مارحتي تدورين لج وظيفه ! ولا سويتي شي توكلي على الله وشوفي لج وظيفه والله الرازق الله يوفقج

 

[فتاة الإبتسامة]

شنو تخصصك؟
وفتاة الابتسامة شرايج بالدراسة بامريكا لخريجات الثنوي ؟

بالعكس فرصه دامج توج متخرجه والتخصصات للبكالريوس متاحه من الوزاره اكثر والله يووفق الجمييع

 

[مودي كويتي]

طيب دوري بمدرسه اهليه مو شرط وظيفه حكوميه منها يكون عندك خبره وتشغلين وقت فراغك اعرف وحده تخرجت العام والحين مدرسه بمدرسه اهليه

 

[سندس 90]

الله يفرج همممج

 

[وتين المحبه]

والله ياوخيتي نفس الحاله لي اربع سنين
بس راح احاول اسجل بدورات او اشوفلي اي صرفه
الله يفرج لك ولي وللمسلمين