ذبحني الخوووووف ما ارقد الليل انقذوني

[قلب الزعابي]

السلام عليكم خواتي
بنات مشكلتي باختصار هي طويله بس ما ابي أتذكر عوار القلب
يمكن مب فالقسم الصح بس يارب ماي نحذف او شي لان صدق محتاجه حل :eh_s(16):
خواتي أنا ماشاء الله علي موووول ما أخاف ويضرب فيني المثل هههه
من تزوجت وسكنت مع اهل ريلي في غرفه وريلي دوامه شفتات وكنت أنام بروحي والحمدلله الامور طيبه
عقب ولادتي انتقلنا لبيت اكبر + يبت خدامه حسبي الله عليها وربي يراويها
ماعجبها البيت والمنطقة لانها استغفر الله راعية رياييل
قامت تخوفونني وأدق علي الباب وهي والخدمات الثانيه حسبي الله عليهن اوهموني انه فالبيت جن وانهم يشوفون
كانو يخوفوني أنا وكريم إخوان ريلي لان كلنا انتقلنا البيت العود بدون امه وأبوه وخواصه وخواته
بس الحين انتقلوا ويلسو عندنا
والله يا خواتي كرهت قسمي أحسه قبر ماقدر أرقد لا ليل ولا نهار كله عايشه في خوف ورعب
وتخيلات فضيعه
رحت للمطوع قرا علي وعطاني ادويه استعملتهم فتره وردت حالتي اخس عن قبل
والله طول الليل أتم عايشه في رعب والنهار نفس الشيى
يوم ريلي مداوم أنا اكون في حاله يرثى لها
بنات ماعرف شو اسوي ساعدوني
احط قران احط البقرة اقرأ الاذكار ما اخلي شي ومافاد
تعبت وربي ساعدوني
من مرت بحالتي واستوت زينه وتعالجت
حسبي الله على اللي كان السبب

 

[سندس 90]

ليش تروحين لمطوع
انتي بوعيج وتقدرين تساعدين نفسج

البيت يمكن شكله كئيييييييب غيري أثاااثه اصبغي ولوني الوان حلوووه بطلي الدريشه وشغلي القرآن
واعرفي ان الـــلـــه معاااااك


مووفقه

 

[موريا آدم]

كلام الاخت سندس مضبوط تغير الاثاث بيفرق بالنفسية

 

[انا لها شمس]

خدامات يضحكون عليج وانتي تصدقين!!!!!!

وبنفسج تدرين اهما موزينات

اطردهم يولووووون ولاهالرعب الي معيشه عمرج فيه

والمطوع شنو سوالج ؟ وشنو هالعلاج انتي من صجج

تومنين بهالكلام

دامج بعقلج انتي اقري قران وشغلي بدارج
واذكري ربج

وبداخلج اقنعي نفسج مافي سبب للخوف

 

[Patcholli]

اشدعوه حبيبتي ؟

طالما انج ماشفتي شي بعينج لاتسوين بروحج جذي

لو شايفه شي بالبيت مو طبيعي بقول معاج حق

بس ماشفتي شي ومجرد انج سمعتي صرتي جذي ؟؟

لاتعوذي من ابليس وخلي ايمانج بالله قوي

وحاولي تقرين سورة البقره مو بس تشغلينها اقريها

صدقيني محد بيعالجج غير نفسج

اقري سورة البقره كليوم عالماي وشربيه ووقت النوم خلي القرأن شغال

 

[شادن33]

بسم الله عليج حبيبتي
احفظي أذكار الصباح والمساء ومايضر عمايل الخدامات !!!!
بسيطه وسهله

 

[floreda]

خليج واثقه بالله واقري اية الكرسي وعلطووووول شغلي قرء ان علطووووول

 

[الشيخه3]

بنت عمي مرت بنفس الموقف ومش بس الخدامه داشر وبس لا وطلعت ساحرة تحضر الجن في حجرتها وايش سوت؟؟؟

-الخادم سفروها خروج نهائي من الديره وحطوها في القائمه السودا عشان تنحرم انشاء الله من دخلة الديره طول عمرها .

- قراءه سورة البقره باستمرار بالذات ليلة أول الشهر وليله 14 على مويه وتشربها لأن هالأيام تعقد فيها الأعمال السحريه عافانا الله وإياكم من كل مكروه. والعلماء كلهم أجمعوا بصحة هذه الأيام.

-لو تتركين انت وزوجك البيت لمدة شهر أو شهرين روحي العمره وانزلي بعدهااوروبا عشان ترتاح اعصابك وتشتاقين لبيتك أحسن لك.

- روحي لطبيبة نفسية لو الموضوع كبير.
اسأل الله لك العافيه
-

 

[قلب الزعابي]

خواتي ماصار لنا مده من منتقلين واثاثي يديد وغرفتي تفتح النفس وقبل كنت أنام عادي ولا كل الليتات امطفتنهم و أموري طيبه الحمدلله بس من روعتي هالخسيسه انجلب حالي
وانا من النوع ماقدر أنسى بسهوله والله حاولت وقريت البقرة وكل شي بس فتفكيري انه حد بيجتلني او بجوف جن
معني ماجفت ولا سمعت اي شي غريب
بس ماعرف كيف
المطوع قرا الرقيه الشرعيه وعطاني زيت مقري وسدر وماي ورد مقري ارشه فالغرفه ومسك اسود وصابون اغتسل فيه وبعد شي بودر اخلطه بماي واغتسل فيه ومن هالسوالف مع الرقيه الشرعيه
ريلي يقولي بنفسج تقدرين تتغلبين على هالخوف بنات أنا بس في غرفتي اتيني هالحاله
اذا نمت عند أهلي عااادي ارتاح اخر راحه الحمدلله وأنام بروحي عادي
اما في غرفتي مااااااااقدر

 

[هاناا]

ربي يجعل لج من كل هم مخرج

 

[<miss botamba>]

اول شي غيري الخدم حتى لو تخسرون عليهم فلوس بس بالطقاق اهم شي الواحد صحته ونفس ماقالوا اذا تقدرون تسوون لهم ترحيل نهائي وابعاد

ثاني شي شغلي كل يوم سوره البقره بالبيت و داومي على اذكار الصباح و المساء و اكلي كل يوم تمر عجوه

والزمي الاستغفار وتوكلي على رب العالمين وارقي نفسج بنفسج

 

[shak!shoka]

يمكن الخدامه ساحره و تتعامل مع الجن


ديري بالج منها

استودعي نفسج الله
و خلي ايمانج قوي
حسبي الله على الخدم و سوالفهم

الله الحافظ

 

[granted]

انتي دامج متاكده ان هذيلا الخدم بيخرعونج شله تخافين
وتقولين قلبي قوي هههههه
حبيبتي خرعيييييهم انتي
اذكر وحدة خدامتها تسوي نفس خداماتج وتخرعها وتقول اشوف ريال يتمشى بالليل اشوف شايب يقرا قران بالصالة يننت راعية البيت
السالفة طويله المهم بطريقة ما عرفت انها تبي ترد مع خدامات حمولتها
قامت شسوت حطت لها فون بغرفتها وخلت رنته بصوت ريال يتحجى ويضحك بصوت رتيب وخشته بغرفة الخادمة
وقامت تدق عليها بتص الليل الخدامة بغت تين خخخخخخ
اخر شي سفرتها وافتكت

 

[latkt7as]

شوفي حبيبتي

انا من كان عمري 10 سنوات وانا احلم بكوابيس وكلها عن الجن والشياطين

وكله اتهيئ اشياء وخايفه حتى الحمام عزج الله ادشه واخلي الباب مبطل واخلي احد يوقف عن الباب

وبعد ماتزوجت استمر معاي هالشي واكثر

صرت اقعد من النوم اصيييييح وارجف وابجي حييييل
صرت انام وانا مبطله الليت بس فترات ةتروح وترجع
ومادري شنو السبب

بس لما اقرا واشغل عقلي وتفكيري يخف الخوف

 

[حبيبي مالكني]

الحل بيدج
انتي تعرفين انهم يجذبون عليج
اشلون اتصدقينهم
شيلي هالافكار من بالج
وكل مايي الوسواس
توضي وصلي
ومع الوقت راح تتغلبين علا هالخوف الي فيج

 

[فيلسوفة قلبي]

أستعيذي بالله يختي ..

أنا كنت جذي أخاف حتى من ظلي ..

في إيام الإجازة أروح بيت أهل ريلي أنا وريلي .. لنا غرفة هنآك.. وأنا الحمدلله ما كنت أخاف أبد


أخوانه وخوآته في أول شهر لي زوآج أوهموني أن غرفتنا مسكووونة وأنهم دايم يسمعون أن في أحد يمشي على سطح الغرفة ..

وأن ريلي قبل لا يتزوج كان كان يسمع أحد يطق عليه الباب بقوة وأنه يخترع ..طبعا هو ما قالي بس أخوانه وخواته خبروني

وأن لما نكون نحن موجودين بالغرفة يحسون فيها أحد وظلال ومآأدري شنو

والله ما تدرين شو صار فيني صارت أخااااااااااااااف أرتعب أدش غرفتي ما أدشها الأ وريلي معي ..

ظليت شهور على هذا الحال بس قدرت أتغلب على هالخوف كنت أشغل القران في غرفتي وأذكر الأذكار .. وما صرت أخاف أقعد فيها بروحي ..

ولما خبرت ريلي أن أخوانك قالوآ كذا قعد يضحححححححك علي يقول هذولا يخوفونج وأنتي

مصدقة .. بس ما كانوا يجذبون يقول هذآ كان قدييم وألحين ما فيه جن خلاص بح..

لا تقعدي توسوسين نفسج .. طنشي وعيشي حيآتج .. دام قارية ومحصنة روحج لا تخافين ..

حتى كنت أخاف أقعد بروحي بالشقة كله أوسوس أنه فيها جن .. بس صرت أقراء القرآن بصوت عالي وأذكر الأذكار

وأحط سورة البقرة .. صرت ما أخاف وأحيانا ما أشغل قران وعاااادي سهالات خلي إيمانج قوي..

كل هذا وسواس ,,

 

[نونه المنكوشه]

اذا الخدم لي الحين موجودين طلعيهم ويبي غيرهم وثاني شي لاتخافين حبيبتي اقري قرأن واذا بتنامين خلي سورة البقره شغاله بس وطي الصوت شوي وبعدين حبي الله ضعف كيد الشيطان يعني انتي مجرد ماتقرين اهما يخافون منج وادعي بقيام الليام الله يطمن قلبج وينزع الخوف منج ويحصنج ويحميج من كل شر ومالج اله العافيه ان شاءالله

 

[بوح الحنين]

فتشي غرفتك يمكن الخدم حاطين شي فيها مخليك كذا لانه انتي بيت اهلك عادي واول ماسكنتي بعد عادي بس من رايي شغلي سوره البقره وافتحي السبابيك والباب واطلعي برى الغرفه والاحسن تفتشينها

 

[ملوكة الامورة]

لاحول ولاقوة
تخلين الشغالات يسون فيك كذا وانتي تتعبين
هذي افكار براسك
تناسيها تجاهليها
مافيك الا العافيه
ان شالله
وبيدك ترجعين زي قبل واحسن

 

[M!SS.LOBY]

الله يحفظج

والخدم سوالفهم وايد لاتحاتين