ذبحني الأرق منو عندها حل ؟؟!

[Brown Suger }..]

السلاااام عليكم بنات شخباركم !!؟:hearting:


باختــصار شــديـــد ,, انا تعذبت مع سالفه الارق حييييل وابيكم تشوفون لي حل .. صارلي اسبوعين وشي على هالحال !! وربي اني اواصل الليل مع النهار ولا انام حتى دقيقه واول اسبوع كنت من احط راسي عالمخده اكتئب واتضاااايق بشكل واضطر اقوم من فراشي من بعد المحاوله ,, حتى نفسيتي صااااايره زفت وامشي واطنقر ومالي خلق شي بس الحين عادي احط راسي عالمخده وانسدح بالساااااعات بس كللللش ما تغمض عيني ويروح وقتي عالفااااضي .. والله ملييييت من نفسي خذيتلي حبه منوم مره بس مااافادتني ولا سوت لي شي .. ابي حل غييير الحبوب ويساعدني اكثر لان بصراحه الحبوب تخرع ومابي اتعود عليها ... قاااعد اكتب وانا حاسه بصداااع وداااايخه حدي بس من احط راسي عالمخده تروح الدوخه ولا يجيني النووووم ... جد جد زهقت حدي خايفه على نفسي خخخخخخخ

مع العلم محافظه على أذكار الصباح والمسااء ومبتعده عن المنبهات تقريبا ( الشاي القهوه الكابتشينو..الخ ):eh_s(1):

عفيه بنات شتنصحوني فيه ؟؟ واللي بتساعدني بدعيلها بكل صلااااه أصليها :yaaaaaarb::flower:

 

[دروب البنفسج]

حبيبتي يمكن انتي وايد اتفكرين او اتحاتين شغله الله يسهل لج امورج ,

افضل حل انج اتوضين قبل لا تنامين (اللي اتوضا قبل لا اتنام الله يسخر لها ملك يستغفرلها طوول ما اهيا ناايمه وايسير نومج عبااده سبحااان الله ) واقري ايه الكرسي + الملك ,’ واول ما اتحطين راسج عالمخده ذكري الله

واستمري بالاستغفار وذكر الله صدقيني بتنامين , يمكن بالاول بتستهينين بهالشي او مالج خلق وبيقص عليج

ابليس مو لازم .... بس جربيها مره ومرتين وثلاث وصدقيني بتفيدج باذن الله ولا تنسين اذكار النوم ...

 

[مفسرة الاحلام]

هذا دعاء عجيب جربته وانا فى فترة ارق وصلتني لدرجه اني ودي ابكي مو قادره والحمدالله نمت بعده

قلته لوحده تعبت حيل من الارق لها اسابيع ماتنام وبعد ايام قابلتها انا ناسيه الموضوع جتني تقول الله يجزاك خير الدعاء عجيب ارتحت كثير وصرت انام مثل العالم

وان شاء الله انتي بعد ينفع معك قوليه بيقين بالله سبحانه


اللهم غارت النجوم ونامت العيون وانت الحى القيوم اللهم ارح جنبى وانم عينى اللهم اهدى ليلى



وقبل لاتنامين امسكي فراشك وانفضيه 3 مرات والمخده بعد انفضيها والحاف بعد انا اوقات كثيره ما اقدر انام لين اسوي هالحركه وهذي من سنن الرسول عليه الصلاة والسلام

 

[لمى الهاجري]

اهى انتي نفس حالتي احنا بقطر عندنا برد وايد مع انه مقفلين المكيفات بس ماقدر انام

 

[المريوم]

والله انا عندى امور شغلاااااااااااانى بدرجه انها تطير النوم من عيون الفيل نفسسسسسسسه هههههههههههههههه بس التزمت الاستغفار قبل النوم واقراءه ايه الكرسى والله نفس السحر نمت من غير ما حس انى عندى مشاكل والله المستعان حبيبتى

 

[amal ksa]

خليكي قريبه من رب العالمين
وسوي تحليل عن نقص الفيتامينات يمكن عندك فيتامين د ناقص وهو مسببلك الارق او غيره من فيتامينات
واذا عندك مشاكل قللي تفكير اممم وغيري نظام اكلك وسلامتك ماتشوفين شر

 

[..<< ندى الورد >>..]

صلي ركعتين قبل نومتج واقري جم صفحه من القران وتعوذي من الشيطآن وقوليِ دعاء الاررق وراح ترتاحين وتنامين >> دآيم تصير ليِ واسويهآ

 

[حجيه هيونه]

شغلي قرآن عند راسج وحاولي ترددين معاه

راح تلقين نفسج نمتي بدون ماتحسين

 

[غداً القاك]

اكيد تفكرين بشي وفيه شي شاغل بالك
كلنا كذا اذا فكرنا
جربي اذا ماجاك نوم تصلين ركعتين وتستغفرين وربي يريح بالك

 

[لؤلؤة مكنونة]

الله يشفيج

 

[Pinky -cat]

صح كلام البنات في شي شاغل بالج او تحسين براحة ومافيج نوم ، حاولي تغير المكان اللى تنامين فيه او غيري جو المكان

او ستايل المكان اللى انتي فيه فا تغير نفسيتج وغيري مودج انتي عني حاولي تغيرين روتينج وتسوين اى شى يديد

 

[كايبه]

والله اناااااااااااااااا بعد من كثر امشااااااااااااااااكل صارت فينى جذى بس اناااااااااا تعبت والله اكل حبووووب وانااااااااااام وانا مااااااااااااااابي جذي بسشسوى يااااااااااااارب تعبت الله يفرج همومناااااااااااااا

 

[^LILY^]

حبيبتي يمكن في خاطرج شي
شوفي شنو ببالج قطي الشك باليقين
انا تصيرلي هالحاله اذا في بالي شي

 

[عادت ذكرياتي]

أكثري من الاستغفار ....

 

[Tom ♥ Jerry]

,


صلي و كثري من الاستغفار كل يوم
لمآ تغفين و تنآمين .، و لا اقري قرآن لمآ تنآمين
آدعي ربج بـ صلاتج ايسر أمورج ؛)

 

[خجولة بدنيتي]

والله صارتلي مثل حالتك وكنت ابكي بالليل والنهار
بس ما في احسن من الدعاء والله وقتي كله اقضيه بالدعاء وابكي بالليل لما اصلي والحمد الله على كل حال
اسال الله ان يرزقك نوما هانئا يريح قلبك

 

[عويتقة]

انا لما احط راسي على المخدة اخد المسبحة واستغفر استغفر استغفر وانام بدون لا اتذكر ولما اقوم القى المسبحة فيدي انتي توضي وصلي ركعتين وفوضي امرك لله او تسبحي بموية حارة شوي ودلكي جسمك لما تتسبحين وتوضي وصلي واستغفري وانتي بالفراش والنور مطفي صدقيني راح تنامين بدون ما تحسن بس انتي فوضي امرك وخليكي واتقة وما تحاتين

 

[طموح لايتوقف]

أحبانا الأرق يكون عرض من أعراض القلق، بشكل عام الحياه وضغوطاتها والتغيرات اللي نمر فيها تسبب لنا القلق وحتى نخفف من حدة التوتر والقلق الموجوده في عضلات الجسم لابد من ممارسة االاسترخاء التنفسي واالعضلي خاصه وقت لماينام الشخص والنتيجة راح تلاحظينه مع الوقت

 

[حلا باسل]

اشربي حليب ساده ولاتفكرين ابد وترتاحين

 

[Mjnont '3lay]

قبل النوم توضي واذا رحتي عند فراشج صفي فكرج من كل شي وحتى لو تفكرين حطي جنب راسج الاب توب وافتحي على سورة البقره بصوت احمد العجمي والله لمن اسمع له سبحان الله صوووووته روووووووعه ارووح بنوووم عميق وانا ما احس بنفسي وما احلم باي شي ولمن اقوم احس بنشااط
ودايما نامي عالجنب اليمين وقولي الاذكار والمعذوات والكرسي
وقولي باسمك ربي وضعت جنبي وبه ارفعه اللهم ان استملت روحي فارحمها وان ارسلتها فاحفضها كما تحفظ عبادك الصالحين يارب العالمين
وكل يوم قبل النوم انفضي فراشج 3 مرات وقولي اللهم اني اعوذ بك من همزات الشيطان ولمزه فاحفظني بحفظك
وصدقييييني رح ترتاااااااااااحين وتنامين نوم عميق
واذا تبين تصلين قبل النوم صلي واتكلي على الله بكل امور حياتج
والله يسهل عليج