ذبحتني الوحدة وماعندي حد افضفض له*

[(الحمدلله)]

الي حبيباتي واخواتي
السلام عليكم ورحمة الله وبركاته
بالرغم من أنني ليست وحيدة بل عندي اخوات ولكن أعمارنا ليست متقاربة
وكل واحدة منهن لاهية بحياتها الخاصة
ساعات ألوم نفسي وأبكي حسرة علي نفسي وأقول
فلانه تطلع كل يوم وعندها أختها تفضفض لها
وفلانه ما تقعد بالبيت كل يوم تطلع
وفلانه عندها أمها وأخواتها تفضفض لهم
اما انا فلا هذا ولا ذاك
ولكن الحمدلله علي كل حال
بنات اذبحتني الوحدة ماعندي حد افضفض له غير ربي والنت​

 

[حنان الحربيه]

هنا احنا كلنا خوات
قولي للي بخاطرك

 

[عضوا]

حبيبتي الله يهنيج بحياتج
جربي فكرة المذكرات لعل و عسى تنفع
و اذا بتفضفضين
فضفضي بالمنتدى بنات المنتدى ما يقصرون

 

[لمى الهاجري]

هلا اختي حياج الله بينا

 

[kerzazee]

حياك الله اختي كلنا خواتك وحبايبك فضفضي بخاطرك

 

[طموح دائم]

مو شرط اللي عندها خوات تقدر تفضفض مرات علاقتهم مو ذاك الزود والحمدالله النت غير امور كثيره تقدر الوحده تتطلع من خلاله علي مواضيع او تطرح مشاكلها والغير يرد عليها والتقرب من الله سبحانه وتعالي اللي يغني عن الخلق هذا اهم شئ وبنات المنتدي كلهم خواتج

 

[أحلا البشر]

اختي الحمدالله انتي نفس مشكلتي تقريبا وانا كنت كاتبه موضوع عن الصداقه اذا حابة نكون صديقات ومثل الخوات راسليني بالخاص لان مشاركاتي شوية مااقدر ارسل خاص

 

[خجولة بدنيتي]

يا قلبي كلنا خواتك وافضفضي اللي بقلبك
واذا حابة تضيفيني بايميلك او الواتس حياك
ولا تاكلين هم وعيشي حياتك

 

[((shoOoshoOo))]

ربج. كريم

 

[•» عزتے تهينگ «]

حبيبتي اذا تبين اكون صديقتك راسليني ع الخاص

 

[قمر بيت أبوها]

لا وحده ولا بطيخ أشغلي نفسك ولا تفكرين وبعدين خواتك أقعدي معاهم سوالفي معاهم
اطلعي معاهم واذا فرق العمر بينكم كبير ترا هذا شي جميل
طيب انا عندي خواتي توائم اصغر مني بحوالي 10 سنوات وربي اقط نفسي عليهم وانكش شعورهم يعصبون بس ماعلي منهم هذول خواتك ومهما لقيت صديقات مكان الأخت بالقلب ولا بنت تأخذ ذره من ربع غلا الاخت
روحي لخواتك وافرضي نفسك عليهم كل الاخوات تختلف ميولهم وافكارهم بس غلاهم واحد
ونصيحه اهتمي بعلاقتك معاهم ترا بكره لا تزوجتي ولا فرقتكم الدنيا بتتندمين علي لحظه ماعشتيها معاهم

 

[ليه الجفآ]

سولفي لنا فضفضي كلنا خواتج ....


اكثري من الاستغفار ترتاح نفسج وتستكن ..




..​

 

[^^roma^^]

الله ينفعج بالرفجة الصالحه​

 

[دنيا جديدة]

تعالي كلنا رفيجاتج
نفسج انا
تلقين اجلس بوسط الصالة ومااتحكم باحد ولابتوبي جدامي
هو تلفزيون هو احد طالع احد داخل منية سالفة ومنية هوشة
لوووووووووووووووووووووووول
الله يعين

 

[Patcholli]

ليش ماتتقربين من خواتج ..؟؟ حاولتي ..؟

 

[كراميلا مرة]

نفس الحاله والله
بس انا الفرق اني انا ماحب افضفض
فاذا اتضايقت يا على النت
او اخذ ورق وقلم واكتب واكتب لين ارتاح
وحاولي تشغلين وقتك وتطلعين مع صديقلاتك تغيرين جو وتتغير نفسيتك

 

[لحظآتَ]

حياتي والله انتي
و نعم بالله
منو غير ربي نفضفض له ويسمع شكوانا ويلبي دعوانا ؟!
والبنات هني عسل .. ينحطون عالجرح ويبرى

كلنا خوات وبنفتح قلوبنا لج .. سواء تبين بالخاص او بأي مكان لا يردج الا كيبوردج ..
كلنا بنسمع لج

 

[الغنج والدلع]

الفضفضه للناس ماتجيب إلا الهم وربي اشكي لله ابجي له قوليله اللي متعبج ربي كريم وكرمه ماله حدود الله يفرج همج وهمنا

 

[قلب ذهب]

عندنا وعندج خير الله كريم بسسسس

 

[مفعمه بالحيويه]

حسيت من كلامج انج ما تشغلين او خلصتي دراسه

شوفي تعرفي على بنات المنتدى من خلال مثلاً اشتراكج في تجمعات للعنايه بالشعر او البشره او الميكب ، او اي تجمع ثااني

و فالاول والاخير استغفري بطاعه وبشكل متواصل ... الاستغفار يحقق الامنيات ويبعد الهم