ذبحتني اللوعة

[barbya_q8]

بنات ذبحتني اللوعة جبدي تقلب فوق تحت اركض الحمام ماكو شي وهذي حالتي مليت احساس خايس


اهيا بلشت معاي من طيحتي بالنفلونزا كنت تكرمون صخونة وترجيع حتي الماي ارجعه ومع الدربات والادوية صرت زينة 3 ايام اوكي اليوم ردت لي اللوعة من الصبح وطفرااااااااااانه منها ؟؟؟ تعرفون حل انا جربت الحبوب البيض الصغار الي من الصيدلية

 

[بنت باباتي]

اذا حسيتي بلوعه اكلي بسكوته شويه بس او ليمونه ومصمصيها ترى روعه او اخذي نفس عميق وخليج كاتمته بعدين طلعيه على الخفيف
هذا اذا مافيج عارض صحي يعني اذا قالج الدكتور مافيج شي عليج بهالاشياء انا كانت الوعه يوميه بس من علاجي اللي استعمله

يمكن خذيتي مضاد حيوي قوي عشان جذيه هالاحساس

 

[Bamya]

سلااااامتج حبيبتي ما تشوفين شر

انا حااشتني هالحاله الشهر اللي فااات ، سخني لج كوب ماي حر وقصي نص ليمونه حطيها بالكوب وشربيه ، مرتين او 3 مرات باليوم ان شاء الله تصيرين عااال العااال ادري الطعم باايخ بس تحملي شربيه على جرعات شوي شوي

وبعد اخذت حبووب من الصيدلية ما اذكر اسمها ابوي يابهم لي قال حق الصيدلاني ابي حبوب للوعة ، س سوووت شغل بنفس اليوم راح مني اللوعه

 

[شندوخه]

بعد قلبي حاسه فيج بس شربي ماي وايد وايد وايد واكلي بسكوت المالح واحسن نوعيه ريتز وماتشوفين شر حياتي

 

[سبانيوليتا]

سلااااامتج حبيبتي ما تشوفين شر

 

[barbya_q8]

يابعد عمري والله لا خلى ولا عدم منكم

وي سكتو اعتفست هذاك اليوم عفسه ماتسوي علي لوعه وباس قوي رحت اتغدى بره طبعا قاعدة مو على بعضي بس قلت بعاند اللوعه وباكل اكلت واعتفست اكثر وانتو بكرامة رديت البيت رجعت الي اكلته كله وابجييي لانه شعور بايخ وهم احس شي بنص صدري واقف رحت الصيدلية وعطتني حبوب لوعه واسالتني جم سؤال وقالت لي الاكل عندج موقاعد يتهضم وعطتني حبوب اخذت 2 مثل ماقالت بس هم استمرت اللعوعه طول اليوم نمت مبجر من الاذية


قعدت الصبح ابلع ريجي اشوف في لوعه جني وحده مخترعه والحمدلله ماكو الا العافيه اشزيني تبارك الرحمن وتريقت وعادي والشر ماايكمممممممممممم بعد عمري

 

[شندوخه]

باربي شسم الحبوب اللي عطتج بخشها لوقت الزنقه

 

[barbya_q8]

ارد البيت وانقل لج الاسماء انشاء الله صج يمكن تستفيدون منهم

 

[الزين كويتي]

خطااااااااج السوو

 

[رمانه كويتيه]

حبيبتى اول شيى قبل لاتاخذين اى حبوب سوى تحليل دم شامل لوظائف الكبد احتمال عندج وظائف الكبد مرتفعه انا ساعات احس بلوعه تذبحتى ومن اسوى تحليل شامل تكون عندى وظاءف الكبد مرتفعه عاد الدكتور يعطينى علاج وصير فل الفل انا مستغربه ليش ماسولج تحليل دم شامل علشان يشوفون وضائف الكبد وماتشوفين شر

 

[barbya_q8]

تصدقين صاجة خوخة اعرف سستر قالت لي هالحجي تقول غريبة ليش ماسوولج تحليل دم ويشوفون شنو تحتاجين لانه انا كل مااتحوشني انفلونزا هذي حالتي مع اللوعه والترجيع بس هالمرة حاشتني وانا مافيني افلونزا حاليا اضاهر لازم اشوف جبدي اشفيها اخاف من كثر مانقول اوف منبطة جبدي صارت صججججججج


@@@@@@@@@@@@


سبدي تعورنيييييييييييييييييي ابي حليييييييبة


ماتقصرين عالتنبية خوخة حمرة

 

[أوكسجين]

ماتشوفين شر

 

[مسك]

ما تشوفين شر ان شاء الله

نفس حالتي ذابحتني اللوعه شعور كريه تخليج كله مالج خلق وتعبانه

ونفسج من عقب لفلونزا اشتغلت علي اللوعه

يالله الحمدالله على كل حال

 

[barbya_q8]

Navidoxine

هذي حق اللوعة قبل الاكل بنــــــــــــــــــــص ساعه وخلال هالنص ساعه ماتشربين ولا تاكلين اي شي
علىى فكرة حبوب اللوعه ماركات بس كلها اتيي حبة بيضة صغيره ومعروفين حتي المستشفي يصرفهم لج ( خبرة مع معاناة اللوعه


Pankreoflat

وهذي تهضم الانتفاخات والغازات الي بالبطن وتريح قالت لي الصيدلانية اخذي حبتين وسط الاكل عشان يساعد عالهضم وفعلا

 

[شندوخه]

لوووول من وين طلعتي سبدي تعورني
مشكوره حبيبتي على اساميهم بسيفهم عندي للطوارئ وعسا ماتمر عليج ولا على اي احد لوعه

 

[barbya_q8]

لووووووول شندوخه تدرين فصلة الصبح تذكرت لولاكي لما ولد الديرة يقول سبدي تعورني ابي حليبههههههههه

اي والله انشاء الله ماتحوشني ولا تحوش اي عزيز غالي شعور كلش بايخ والله اكلم نفسي اقول بتروح ولا بتم جذي وايد صج الصحةةةةةةةةةةةةةةةةة غالية ياناس ولا انا صج ماكنت عارفه قيمتها الا لما وايد طحت طيحات جايدة




اللهم ارزقني دوام الصحة والعافية وارزق كل من في المنتدي وبنات المسلمين الللهم اميييييييييييين