د. نزهت بمستشفى الســلام

[bronziya]

مساء الخير بنات شلونكم
منو ولدت عند د. نزهت بمستشفى الســلام

انا كنت اراجع عند دكتور ثاني بس ما كنت مرتاحة
والمواضيع كلها قديمة من 2009

ابي رد بليز

اختكم ام يوسف

 

[^ lamooosh ^]

ما اعرفها واللهان شاء الله البنات يفيدونج
والله يسهل عليج يارب

 

[86روعـه]

يمدحونها حيييل نزهت بدليل الزحمه الي عندها
انا ولدت عند نجمه بالسلام
وحابه انبهج المستشفى طايحين بحركه لي بغيتي تطلعين
قالولج البيبي فيه اشتباه فايروس او التهاب ولازم نحطه بالشيشه
ونسويله فحوصات نتطمن عليه
ويله احسبي الشيشه بجم والفحوصات بجم

انا قالولي وماحطيت بنتي بالشيشه وطلعت وديتها
الفروانيه تخيلوووو قالو مافيها ولاااااا شي ربي لك الحمد
وهالحركه تكررت مع رفيجتي بنفس المستشفى ومع رفيجتي الثانيه بدار الشفا


واتمنى لكل الحوامل ولاده سهله ميسره وطفل سليم متعافي

وبس

 

[ابله لوله]

أهما ثنتين يمدحوونهم بالسلام نجمه ونزهت. انا ولدت عند نجمه

 

[bronziya]

86روعـه

امس كان موعدي معاها والحمدلله انا مرتاحه معاها
مع اني كنت عند دكتور ثاني وغيرت عندها بس مرتاحة من سمعتها
بس وايد يهمني وقت الولادة شنو الوضع وشلون خياطها ...
وحزة الولادة

ويزاج الله خير على هالسالفة
ابسط شي يقولولج فيه بوصفار

انا ماراح اخلي البيبي بقولهم بروح الحكومي طلعوني انا والبيبي ومالكم شغل

الله يسهل علي وعلى كل حامل يارب ما بقا لي شي اسبوعين وادش شهري

دعواتكم بنات



ابله لوله
نجمة تهبل بس ما رضت تستقبلني لانه طلبت الموعد وانا بالسابع قالت ما تستقبل عقب الشهر السادس
يعني بنات نصيحة اللي تبي تولد عندها تتابع من بداية الحمل

 

[om 7amoodi]

أنا ولدت عندها قبل سنتين
اهي بارده وما تتكلم وايد بس خياطها زين ومرتب ما تأذيت و بالولادة نفس باجي الدكاتره تطل عليج شوي و تروح وتيي حزة طلعة الياهل

 

[bronziya]

om 7amoodi

ايه انا حسيت صح ببرودها امس كنت انا اول حالة تشوفها وكانت توها مداومه
وما تكلمت معاي وايد

بس ريحتيني انه خياطها زين ..
انا هذا اهم موضوع عندي بس سؤال حبيبتي ..

عقب ما طلع البيبي تنومج وما تحسين بالتنظيف وطلعة المشيمة والخياط والا مخليتج قاعدة ..

انا مابي احس بشي ابي انام وكل شي خالص ..

 

[om 7amoodi]

أنا كنت ماخذة ابرة ظهر فما يصير يعطوني شي ينومني فكنت قاعد اصلا ولدت الساعه 2 الفير ولا نمت الا 6 المغرب !! كنت وايد مخترعه ومستانسه مادري فما قدرت انام و هم عقب ساعتين عقب ما فج البنج اشتغل عوار الجرح لدرجة كنت اهاوشها وابجي يننتها كل شوي منادينها لما عطوني درب مسكن عقبها قدرت آكل واقعد مع البيبي
اتوقع اللي مو ابرة ظهر لازم يعطونهم شي يخدر عشان تقدر تخيط

 

[bronziya]

om 7amoodi

مشكورة عالمعلومة ريحتيني عالخياط
بس سؤال ...
حزة ما ينزل البيبي تنومج .. ؟ يعني حسيتي بالمشيمة والتنظيف والخياط .؟؟
والا كنتي نايمة ..
انا مابي احس بشي ابي انام واقعد وكل شي خالص ..
بالذات عقب تعب طلعة البيبي ..؟؟

 

[om 7amoodi]

لأ ما كنت نايمة شوفي ردي قبل شوي بس انتي سأليها و تكلمي معاها بهالموضوع شوفي شتقولج

 

[أميرة طفولتي]

اب

اب

 

[bronziya]

بنات اللي ولدت عند د. نزهت تعطيني رايها بليز ..
وايد مهم عندي موضوع الولادة والخياط

 

[قطوه شريره]

انا ولدت عندها وناويه هالمره اولد بعد عندها ان شالله وراجعت قبل لااولد بسبوع وطويلت بال ماتستعجل و ايدها خفيفه الحمدالله
وخياطها زين ووقت الخياط نمت وماحسيت بشي والسهالات من الله

 

[bronziya]

قطوه شريره

حبيبتي ريحتي بالي الله يريح بالج الحمدلله
وايد كان يهمني انه حزة الخياط اكون نايمه مالي خلق احس بشي عقب الولادة

الله يهون علينا يارب