د. مدحت الشربيني

[الدلال]

السلام عليكم

بنات أنا طلع عندي التهابات ورحت وراجعت الدكتور مدحت الشربيني بالهلال كلينك اللي كان قبل بمستشفى
الراشد بس طلع منهم.
عقب الفحص قالي عندي دمامل بعنق الرحم بسبب انسداد بعض الفتحات اللي ترطب عنق الرحم وتجمع الالتهاب
على شكل دمل
وطبعا سوالي كي بارد علشان يصرف الالتهاب والعلاج بعد ماتطلع نتيجة المسحه علشان يحدد العلاج

في احد منكم جرب الدكتور مدحت؟؟وشلوونه؟
متدرب ليش احاتي :eh_s(2):​

 

[الريشة]

و الله ما أعرفه!!!
بس أعرف وحدة ذبحتها الالتهابات و راجعت عند الدكتورة فوزية القطان و آخر شيء صار فيها قرحة بالرحم و الدكتورة سوت لها كوي و بعدها حملت على طول ما شاءالله
بس كانت تقرا سورة البقرة بعد لأنها كانت تحلم بحيوانات يلحقونها و لما داومت على قراءتها راحت هالأحلام و عالجت القرحة و حملت.
يعني مو بس تعتمدين على علاج الطبيب
همن لازم تتوكلين على ربك بقراءة القرآن و الدعاء

 

[الدلال]

الريشه
فوزيه القطان كنت اراجع عندها بكل حملاتي واهي تولدني بعد
بس الحين وايد زحمه عيادتها ومالي خلق الزحمه

وصح كلامج الاتكال على الله اهم شي
ماقصرتي يالغاليه وربي يجزاج خير

 

[الريشة]

تقدرين تراجعين عند الطبيبات اللي معاها إذا زحمة عند فوزية
اهي أكيد ما تحط أي دكتورة تساعدها إلا إذا كانوا شطار
لأنها ما تختار أي شيء

 

[الدلال]

اشدعوه بنات طمنوني

 

[Neuschwanstein]

سلامات وما تشوفين شر يارب
انا جربت د- مدحت مرتين .. مره كان عندي تكيس وسوالي منظار
والمره الثانيه لما حملت .. واهو اللي ولدني
وبالنسبه لي .. ارتاح له وايد واشوفه شاطر وفاهم بشغله

 

[الدلال]

جزاج الله خير اختي وماقصرتي طمنتيني*

 

[أم شيــ@وخة]

حبيبتي دكتور مدحت الشربيني واحد من الدكاتره الي يوصون دكاترة لندن عليه
روحيله وانتي مغمضة واهوا شاطر وايد حتى اذا عندج وحده تعرفينه تاخرت بالانجاب خليها تروحله
وغير هذا احسن سونار عنده واضح ويشرح كل شي*

 

[ام ساره 4]

دكتور مدحت الشربيني دكتور اختي وخوش دكتور وولد اختي 4 مرات تخيلي توكلي على الله وخلج عليه ترى هالدكتور شاطر وفاهم وعسى الله يشفيج ويطمن قلبج ان شاء الله

 

[خيشة شكر@]

خوووووش دكتور اهو الدكتور الوحيد الي قال لي رحمك ما اعرف ليش لاف ورحت بعدها لماجده اليتامى وشافت قالت تبويضج واحد ضعيف وواحد زين ببدي تلقيح قلت رحمي لاف قالت اشوف لا والا اروح لمره وتمرخني شهرين والا انا حامل مع عسل وادوية حريم المرا الي رحتلها ام مشعل بس اهو شاطر واهو الي نبهني على العموم اغلب دكاترة مستشفى الراشد شاطرين

 

[الدلال]

جزاكم الله خير بنات وماقصرتوا

ان شاءالله بأجر تطلع نتيجة المسحه علشان يعطيني المضاد المناسب

مادري ليش احاتي هالدمامل ، في احد منكم اسم الله عليكم صار له هالشي او سمع عنه؟

 

[الانامل الذهبيه]

دكتور مدحت الشربيني غني عن التعريف كان عندي مشاكل بلحمل وعلاجي تم علي الله ثم عليه ولدني ابتوتي الاولي فتح بطن مشاء الله تبارك الرحمن شاطر والجرح لزق مو خياط بعد والحين عقب ما عالجني علشان احمل الحمدالله حملت والحين انا بلشهر السابع وبولد عنده بمستشفي السيف باذن الله لان طلع من الراشد والحين عيادته بلهلال انتر ناشونال وهذا رقمهم 25664570_25664569__حتي زوجي وايد يرتاحله وايد ولد حلال ونظيف بنت عمي هم تروحله بولاداتها وعلاج امراض النساء بعد شاطر واختي ومرت اخوي بعد ولاداتهم عنده حبيبتي تطمني حيل دكتور مدحت شاطر وباذن الله ربي بشافيج وبشرينه بسلامتج