مرحبآ
انا ما اخذت عنده
بس هذا تقييمه وان شاء قدرت افيدج :eh_s(17):
المختصر المفيد- معظم الطلبة يقولون[SIZE=+2]
5/1.3[/SIZE]
ان مستوى الاختبارات
صعب جدا
وشرح المدرس
شرح ضعيف
والأغلبية حصلو على تقدير
C
بإختصار
لا ننصح به
عدد الطلبة الذين شاركوا في التقييم 7
التقييمملاحظات الطلبة- النجوم:
- المستوى:
صعب
- الشرح:
شرح ممتاز
- حصلت على:
A
ننصح به
المـادة: منهج التاريخ: 2009-06-14الطالب: فهد رقم التقييم: 17478
- المعروف لايعرف .. والدكتور يُعتبـر علم من أعلام كلية التربية ، وهو من ظمن الدكاتره النادرين الي ماتحسفت اني خذيت عندهم بالعكس .. اقول ربي لايحرم كلية التربية منهم ومن عطاءهم ..
- في البداية كنت حيل متخوفه من الدكتور بسبب الكلام الغير صحيح المكتوب هني .. وطوال فترة التسجيل وانا خايفة
بس اللي شفته من معاملة وأسلوب غير رايي .. الدكتور محترم وأخلاقة عالية .. غير الكلام المكتوب هني
وعمره مامد لسانه على البنات .. بالعكس وايد يترفع من قلت ادب البنات .. اللي اسمهم تربويات بالغلط ..
وايد بنات يقاطعون كلام الدكتور .. زين نطري يكمل ..
شاللقافة .. وغير هذا مايعجبهم شي
يعطينا مواعيد الاختبار اذا نبي نمتحن مع اي شعبة سواء شعبتنا او الشعب الثانية .. بس تطلع جم بنت تبي على كيفها بتاريخ من مخها شدعوة .ّ!
- سالفت النقاب .؟؟؟؟؟؟؟؟؟؟؟؟؟ شالإشاعات ؟؟
انا منقبة ومحترمني وحاطني على راسه وغيري بنات
.. شالجذب بنات خافو ربكم .. حرام تظلمون الدكتور .. ولاعنده تفرقة ولاشي بالعكس كلنا بناته وعمرنا ماحسينا غير جذي
وايـــــــــــــــد عنــدي حجــي لأن كل الكلام المكتوب هني ظلم على الدكتور .. وخرعتوني منه على الفاضي .. وانا اصلا كنت مو ماخذه عنده الا لأني مضطره بس اشوى اني خذيت لأن الدكتور صج مايطـــــــــــــــوف
شغله ثانية الدكتور لما يتكلم عن قصص ومواقف كلها مفيده يعلمنا شلون نتعامل لما نطيح في موقف مثل هذا
غير جذي البنات مايحبون الدكتور المجتهد المميز إلا ماندر
يبون دكتور وعفوا على هالكلامة .. دايخ مايدري شالسالفه عشان يضحكون عليه ..
ماقول إلا الله يعطيك العافية يادكتوري الفاضل علي الحبيب
وربي يطول بعمرك على الطاعة
بناتك /
الجازي و فجر
- النجوم:
- المستوى:
صعب جدا
- الشرح:
شرح متوسط
- حصلت على:
C
لا ننصح به
المـادة: منهج رياض اطفال التاريخ: 2009-04-26الطالب: sara رقم التقييم: 17154
صراحه الدكتور يخوووف صوته و حركاته جنه مو طبيعي والله بدووون سبب طاردني و ما كلمته كلش . مو انا بروحي اشتكي منه الكل بس شنسوي محتكر الماده
لا ننصح به !!
- النجوم: لا يستحق نجوم
- المستوى:
صعب
- الشرح:
شرح ضعيف
- حصلت على:
B
لا ننصح به
المـادة: منهج التاريخ: 2009-02-03الطالب: pitete رقم التقييم: 16412
ابدا مو خوش دكتور امتحاناته صعبه و ماكو ولا سؤال من النوت وااااااااااايد يضيع وقت المحاضره بالنصايح و امتحان الفاينل سواء درستي و لا ما درستي ما راح تعرفين تجاوبين على الأسئلة التعجيزية بس احسن شي فيه انه يرفع اخر شي بس نصييييييييييحة من القلب لاااااا تاخذون عنده والله راح تتجننون
- النجوم: لا يستحق نجوم
- المستوى:
صعب جدا
- الشرح:
شرح غير مفهوم
- حصلت على:
B
لا ننصح به
المـادة: تدريس ومنهج وورشة التاريخ: 2008-07-09الطالب: النور كلة رقم التقييم: 14484
دكتور ظالم بمعني الكلمة وعنده تفرقة عنصريه حيل بمعني إلى يعرفها تضمن A والباجي على المزاج ويكره المنقبات حيل ودائمًا يتطنز على النقاب ودرجاته تشيير وامتحاناته من وحي الخيال النوت بصوب والامتحان بصوب ويحب يذل البنات ومحاضرته سخيفه ورعب تخافين يحوشج الطشار
والله يعين إللى تبي تاخذ عنده
- النجوم:
- المستوى:
صعب
- الشرح:
شرح ضعيف
- حصلت على:
B
لا ننصح به
المـادة: تدريس رياض أطفال 0840336 التاريخ: 2007-06-05الطالب: asoom رقم التقييم: 10006
محاضرته كلها سوالف لدرجة الملل فما تدرين وين المهم من غير المهم من مذكرته ..وفوق هذا اهو يدرس شعبة ثانية مادة منهج ويخربط بينا وبينهم لدرجة أنه يمتحنا في أسئلة منهج ..وكل المحاضرة سوالف عنه وعن اهله ومغامراته أيام شبابه ونصايح عامة..هذا غير تشكيه من مرضه الله يشافيه..وهم يغيب واجد وما يحط لنا اعتذار على الباب نفس الناس بس يطرش لنا السكرتيرة بعد ما تطق روحنا من النطرة وتقولنا عن اعتذاره..هذا غير إذا بغى يغيب واجد طرش لنا السكرتيرة تعلمنا بواجب يشغلنا فيه على ما هو غايب مثل ما يوم عطانا كتابة تقرير..وأما عن كمية المقرر هي مذكرة صغيرة قعد يشرح فيها طول الكورس ولما خلص الكورس في أخر يوم عطانا مذكرة صغيرة ثانية(8صفحات تقريبا) من دون شرح يدوب رؤوس عناوين..
واما عن امتحاناته صعبة ومو كلها تعتمد على شرح الدكتور في المحاضرة وأغلبها بناء على المقررات السابقة لج..
وهو حريص على الغياب.بس يتأخر على المحاضرة تقريباً 10دقايق..
بس الدكتور الميزة الوحيدة فيه أنه يجي يساعد في الامتحان لأنه يقرأ سؤال سؤوال وليته ينفع..
وهو يقول أنه برفع حريدات بس صراحة أنا ما شفت شيء..
وهو مكرر لنا في الفاينل 5 أسئلة من الميد تيرم عشان يساعدنا الله يجزاه خير وباختصار ما أنصح فيـــــــــــــــــــــــــــــه.....
- النجوم: لا يستحق نجوم
- المستوى:
صعب جدا
- الشرح:
شرح ضعيف
- حصلت على:
C
لا ننصح به
المـادة: منهج رياض أطفال التاريخ: 2007-05-11الطالب: sh5aby6 رقم التقييم: 9719
دكتور معقد (وايد يطير صواريخ ) مادري من وين يطلع سوالف و سبحان الله عنده حق كل سالفة موااااااااقف و اقص ايدي اذا يصلح الامتحانات و طبعا الدرجات من مخة و على كيفة و ذبحنا بريحة الزقاير يوميااااا
وايد يجعم البنات و يغلط عليهم
ما يشرح ابدا
طول المحاظرة مواقف من حياتة اللي مو راضية اتخلص
امتحاناته غبية
ومعاملته بدون احترام
- النجوم:
- المستوى:
متوسط الصعوبة
- الشرح:
شرح ضعيف
- حصلت على:
B
لا ننصح به
المـادة: تدريس رياض اطفال و ورشة عملى التاريخ: 2006-08-25الطالب: فوفو رقم التقييم: 6703
بصراحة دكتور مزاجي حدة وطلبات تعجيزية حييييل يبي ابداعات من الخيال ومحاضرات كلها سوالف (صواريخ) في كل مادة يغير السالفة حسب الموقف
