د. سلطان المطيري

[الغلا للغلا]

[grade="00008B FF6347 008000 4B0082"]السلام عليكم .........
بنات اللي سوت عملية الليزك عند الدكتور سلطان المطيري تقولنا تجربتها ...
انا بصراحه ودي اسويها وخايفه و د. سلطان وايد يمدحونه وابي رايكم فيه .. وعلى فكره انا نظري( -5 ) وما ادري تنفع لي عملية الليزك او لا طالبه مساعدتكم لا تطنشوني بليييز.............................[/grade]

 

[شندوخه]

انا اراجع عنده بس ماسويت ليزك
بس والله اهو شاطر ماشاء الله عليه واشوف وايد ناس مسوين عنده
واهو متخصص بهالشي وعنده جهاز مطور مونازل بالعيادات الثانيه
انا اقولج استخيري وتوكلي على الله دكتور سلطان ممتاز

 

[إستبرق]

والله حبوبه انا ما ادري عنه
بس بغيت أشوف انتي جم عمرج لاني قبل لا اكمل 23 قالي دكتور عيون احسن عمر تسوين فيه العمليه من 23 وفوق لان بعمر ال23 يثبت النظر هذا كلام الدكتور عاد ما ادري وحبوبه اذا عندج اخوج ولا ابوج ولااذا متزوجه زوجج يشتغلون بالعسكري روحي راجعي مستشفى العسكري ترى احسن دكتور بالكويت يسوي ليزك هناك حتى انا ميته وربي ودي عندي واسطه واسوي هناك عندهم خالتي السنه الطافت شافت لها واسطه وسوت وتمدحهم وايد والله يوفقج

 

[حبيبته آنا]

انا ما ادري عن د.سلطان بس الليزك انصحج تسوينها عند الدكتور عبدالله المنصور ممتاااااااز مسوي حق خواتي كلهم وحريم اخواني كلهم وماشالله نظرهم الحين 6\6
بس على فكره ترا من الجوانب السلبيه للعمليه الجفاف لازم دايما تستخدمين قطرة ترطيب العين او الدموع الصناعيه

 

[الغلا للغلا]

مشكورين على الرد حبايبي ..
استبرق انا فكرت بالعسكري بس ماعندي احد عسكري وإنشاء الله ابستخير واسويها مع العلم ان عمري 27 بس خايفه انها ما تنفع لي العمليه لان نظري (-5) وما استغنى عن العدسات نهائياً ..... ادعولي ..............

 

[الجــادل]

هالدكتور ولد عم رفيجتي وتمدحه حيييييل


وابوي راجع عنده وهم مدحه حييل

 

[elygant]

walah 5ooosh doctor wana ydti kant t3alj 3ndh walah 5oosh wa7ed a7sn doctor wnfsyta wayd 7elwa ya5th o y36i