د اشرف السلام

[المسكـ]

السلام عليكم

شلونكم

انا اليوم رحت سويت سونار عند د اشرف بالسلام
قالي ولد :eh_s(2):

طبعا انصدمت لان الجدول الصيني وتحليل البول تكرمون اللي يبين جنس الجنين
وحلومي بالذهب والساعاتى كلها اتدل على بنت
وانا خاطري ببنت وربي

منو سووت عنده سونار وطلع غلط بليز بنات محتاجه تجاربكم
ادري انه شاطر ومايغلط بس ودي انه يغلط معاي :eh_s(2):

 

[المسكـ]

شدعوه بنات عالاقل دعوه

 

[عطر الدوحه]

ياحياتي الله يرزقج بالطفل السليم المعافى

والله مادري بس اختي طول حمالها قالو لها بنت ويوم ولدت طلع ولد

ووحده اعرفها طول حمالها قالوا ولد ويوم ولدت جابت بنوته

 

[المسكـ]

الله يريح قلبج عطر
والله خاطري ببنت ولا اعتراض على قسمة الله بس ودي كلامه يطلع غلط
الله كريم ان شالله

مشكووره عالرد حياتي انتي

 

[فرفشه منعنشه]

الله يرزقج البنت الصالحه ولكن الدكتور اشرف تخصص سونار واذا وراج العضو بشكل واضح بهالوقت من حملج مثل ما مبين من شريط الحمل فاصبح سوناره صحيح لان اول الثالث يبي يبرز عضو الولد والرابع بحجم واضح وربي يرزقج بتوم بنات انشالله ^_^

 

[توحه1]

عمر بيبيج حتى الدكاتره العادين راح يعرفون ان ولد الولد من اول يوم بالشهر الثالث ومبروووك الولد حبييب الماما يكون الله يحفظه ويثبته وتشيلينه بحضنج ان شاء الله وان شاء الله الحمله الي بعدها بنت تكون

 

[yasmeen_q8]

اللي اعرفه ان دكتور اشرف حييل شاطر وان يعرف جنس الجنين قبل الدكاتره العاديين لكن الغلط وارد بس بدام قالج حطي ٩٠٪ ان ولد

 

[miss_whitemocha]

عسى ربي يرزقج الطفل السليم المعافى إنشالله..
وانا مثلج مع إني بجرية بس ميتة و تصير بجري بنت..
بس بعدين أقول كله نعمة من رب العالمين..وبنت وإلا ولد الأثنين غاليين المهم يكونون بصحتهم و عافيتهم..
اللي سمعته إن الولد يبين بالسونار من الشهر الثالث و يكون واضح إنه ولد..والبنت تتأخر ما تبين إلا على الشهر الخامس..
عسى ربي يتمم عليج حملج و يبلغج بشوفة ضناج..​

 

[جمالي خيالي]

في وحده قالت سالفتها مع دكتور اشرف اعتقد نكها ام يويو

قالها ولد وطلعت بنت

ترا مرات الدكتور يغلط بالولد لان يكون عضو البنت منتفخ ويصير شكله نفس عضو الولد بالضبط

نطري لي الاسبوع ١٨ وتاكدي مره ثانيه

 

[hneen2]

الله يرزقج البنت الكامله

ياحلات البنات والله


بس. اهم شي الخلقه التامه

 

[لهفة المشتاقه]

الله يرزقج بالبيبي السليم
ادعي ربج يكون سليم
بنت والا ولد كلهم خير
ان شالله تقومين بالسلامه

 

[المسكـ]

صح كلامكم ومشكوورين عالمرور والرد
وان شالله بنطر لي الاسبوع 18 واتاكد عدل وان شالله يطلع غلطااااااااااااااان

 

[FuSheYa]

الله يسهل عليج يارب

 

[Daisy flower]

اللي اعرفه ان دكتور اشرف احسن واحد يسوي سونار ماشاء الله ..

ياحبيبتي بنت ولد اهم شي يكون بصحه وعافيه .. قولي الحمدلله على مارزقج ربي ..

 

[Dancing^Queen]

ماودي احبطج
بس تجاربي مع الدكتور اشرف ميه ميه
ماغلط معاي
وانا اروحله اسوي رباعي الابعاد بنهايه السادس اول السابع

 

[@ام يوسف@]

الله يرزقج البنت الصالحه

 

[متيمه بهواه]

الله يرزقج بالبنت يارب ياكريم

 

[دآنة آلرشآيده]

مادري بس الولد يبين بسرعه
اذا بتتاكدين روحي لدكتور ثاني

انا هم فيني ولد خاطري بنوته ​

 

[miss_whitemocha]

راح أروحله اليوم إنشالله.. دكتورتي ما قدرت تعرف جنس البيبي و سونارها كلش مو واضح​

 

[Ashjaan]

حبايبي اهو اسمه اشرف شنو؟ وانا في بدايه الشهر الثالث ممكن يعرف شنو فيني؟