رد: ؟؟؟؟؟؟؟؟؟؟؟تعبت منه؟؟؟؟؟؟؟؟؟؟؟؟
حبيبتى انتى كلامك صح لازم دكتور
اووووعى تستخدمى اى خلطه ولا اى كريم حد يقول لك عليه حتى لو من الصيدليه مع احترامى للجميع
للاسف انا مش من الكويت عشان اقدر افيدك بس انا جربت نفس المعانااه وطبعا روحت لدكتورة فوراااا
الاول الدكتورة طلبت منى تحاليل دم عشان تتاكد من الهرمونات والغدد وتشوف عندى انيميا والا لا
ومعلومه مهمه حب الشباب انواع كتيررررررررررر حتى الدكاترة بيحتاروا فيها وكل نوع ليه علاج وطبعا حاله المريضه بتفرق ف العلاج
يعنى مثلا المتزوجه او الحامل او الى بترضع غير البنت الى مش متزوجه .... حكايه طوويله اووى لازم الدكتور هو الى يشرحها لك
وانا سمعت من دكتور بيقول ان جزء كبير من حب الشباب بسبب الجينات الوراثيه
حاولى تختاري دكتور يكون شاطر ومشهور لان الدكاتره المشهورة بيكونوا اكتر ناس خايفه على سمعتهم
ولازم تعالجى الحبوب باسرع وقت عشان ما تسيبش اثار
وموقتا حاولى ما تلعبيش فى الحبوب نهااااااااائي وولا حتى تلمسي وشك وماتحطيش اى كريم يكون دهنى عشان الكريمات الدهنيه بتغذي الحبوب
وابعدى عن اكل الدهون والشيكولاته والتوابل والحار والمكسرات ,,,, دى الحاجات الى كانت الدكتورة قالت لى عليهم
طبعا مش هااقدر اقول لك العلاج الى كانت كتبتهولى الدكتورة لان زى ماقلت لك كل حاله ليها علاج خاص بيها
بس بالنسبه للغسول بستخدم نتيروجينا العادى مشهور والكل عارفه وكمان بستخدم بيوديرما الجيل الازرق
ملحووظه مهمه ,,, اوقات بيكون العلاج بمراهم واوقات بيكون العلاج بادويه اقراص عن طريق الفم
وان شاء الله ربنا يشفيكي ويعافيكي وحاولى ماتزعليش نفسك لانك مش انتى لوحدك الى عندك المشكله دى كل العالم بيعانى منها
ونسالك الدعاء لانى مازلت اعانى من اثار حب الشباب
![[[ عيون جابر ]]](/data/avatars/m/88/88982.jpg?1621060915){kind=avatar}
