( ديوان الشاعر .. ثامر شبيب الدقباســي ) اضافة قصائد صوتيه

[منايرq8]

لاتلومني لاجيت كلي من اقصاي
مافيه غيرك لاتضايقت جيته

جيتك ولاغيرك ذكرته بمسراي
جيتك اقول مفارقك ماقويته

جيتك وان ماني بأنا تايه الرأي
جيتك وانا مدري وشلي بغيته

جيتك وقلبي دقته تسبق خطاي
جيتك اقول مفارقك ماقويته

ان مر يووم بالعمر منت وياي
اشتاقللك شوق المسافر لبيته

مثل الهوى تحتاجه الناس والماي
يحتاجلك قلبن هواك وهويته

انت الوحيد اللي يرد بسمة شفاي
وانت الوحيد اللي بروحي فديته

دامك معي ماقصر يوم دنياي
دامي خذيتك وش بقا ماخذيته

واكان تنشدني بعد ليه انا جاي
ابشر برد يقنعك لاقريته

جيت اعترف بالفرق ياخر مناي
بينك وبين اللي عشانك جفيته

إني ليامن جيتلك همك رضاي
واني ليامن جيتله مالقيته


وسلامتكم
واتمنى تناااااااااااااال على اعجابكم
وشكرااا

منااااااااااااااااااااااااااااااااير

 

[(بنت النور)]

رد: لو سمحتي دقيقه بس

​

​

لاتلومني جيت اعترف بالفرق ياخر مناي__
بينك وبين اللي عشانك جفيته__
إني ليامن جيتلك همك رضاي__
واني ليامن جيتله مالقيته__

روووووووووعه تسلم ايدج على هالقصيده:eh_s(9): ​

 

[Shestylet]

رد: لو سمحتي دقيقه بس

شكراً لكي اختي الكريمه على هذا المشاركة

 

[غيوووض*]

رد: لو سمحتي دقيقه بس

روعه القصيده بس منو كاتبها===

 

[$$ صعبة الوصوف $$]

رد: لو سمحتي دقيقه بس

صح لسااانج حياتوووووووو

مشالله روعه زي صاحبتها

 

[منايرq8]

رد: لو سمحتي دقيقه بس

شكرا لمرووركم ومن ذووووووقكم
هذي لشاعر ثامر شبيب الدقبااااااااسي

 

[كويتيه مصرقعه]

رد: لو سمحتي دقيقه بس

كلماااات اكثرر من رووعه

تسلمين يااقلبي عالنقل​

 

[***ريماس***]

رد: لو سمحتي دقيقه بس

تسلمين منااااااااير رهيييييييبه

تحياتي ,,,,
***ريماس***​

 

[منايرq8]

رد: لو سمحتي دقيقه بس

الله يسلمكم حبيباااااااااااااااتي وحيييااااااااااااااااااااااااااااااكم

 

[$الـــحـــلاوه$]

رد: لو سمحتي دقيقه بس

يسلمووو منااير

روووعه

 

[منايرq8]

رد: لو سمحتي دقيقه بس

ياقلبيييييييييي يالحلاوووه انتي الررروعه

 

[^^ جـنـونـيـه ^^]

الملف الشعري للشاعر الشاب ثامر شبيب

شاعر استطاع بفتره وجيزه ان يحتل الساحه الشعريه و يكون قاعده جماهيريه رائعه و اولهم مليت فرقا فتفضلوا اخواتي كويتيات بعض من اروع قصايده مع تمنياتي بان تحوز على اعجابكم



صدمـه وعـدت ولاهـي منقصـه قــدري
متـعـوّد اشـيـل كـثـر الـحـمـل بمـتـونـي


روحي وخلي .. حياتي وحزني وكدري
عيشي حياتك .. وباقي العمر من دوني
خيـره وجتـنـي وصــار فراقـنـا بــدري
لـــو انـهــا خـيّـبـت قـدامــي ضـنـونــي
انتي ورفيقي !!! تخونوني وانا مدري
ماكـنـت افـكـر ولــو لحـظـه تخونـونـي
كـان بعيونـي .. وكنتـي انتـي بصـدري
والحين ابكي على صدري مـن عيونـي
مافيكم اللي عـرف مـن طيبتـي غـدري
لـيـه انـتـي ويـــاه بغـيـابـي غـدرتـونـي
ياليت رحتي معه فـي صمـت مـا ادري
.. فرقاك احسن من اللي شفت بعيونـي
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

الليلـه هـذي واضـحـه ليـلـة افــراق حـاولـت اعديـهـا وعـيّـت تـعــدي

اظــروف ماتنـطـاق ولا راح تنـطـاق صـد القـدر ماهـو بـصـدك وصــدي

تعـال اخذنـي بـيـن ايـاديـك مشـتـاق قـبـل انتـفـارق حــط يــدك بـيـدي

بجلـس معـك ساعـه حبايـب وعـشـاق مـن بعدهـا كيفـك ولـو صـرت ضـدي

فينـي خليـط اشـواق باشـواق بـاشـواق واصل معـك مـن كثـرت الشـوق حـدي

ودي ألمـك واحضنـك حضنـت عـنـاق ياشـيـب عيـنـي كــل مـاقـلـت ودي

في خاطري ‍.. وش خاطري ؟ خاطري ضاق الكـون كـلـه ضــاق مـاهـو بـقـدي

حتى الدموع اللي استحـت كبـر واخـلاق تساقطـت مـن فــوق خــدك وخــدي

لوحة شعـر تبكـي علـى بيـض الاوراق بيّحـت فيهـا مـن ردى الـحـظ ســدي

ليلـة جفـا وافــراق مامثـلـه افــراق حـاولـت اعديـهـا وعـيّـت تـعــدي\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

ياكثر شرهاتي عليـك انـت بالـذات والا علـى غيـرك تراهـا قليـلـه

تعبت اجي بسكـات واروح بسكـات ساكـت وانـا متنـي حمولـه ثقيلـه

مرات احس انـي لحالـي ومـرات احـس مسنـود ٍ بجـيـش وقبيـلـه

عشت بمتاهـه غيـر كـل المتاهـات كانـت مفيـده بـس ماهـي جميلـه

عرفت منها كيـف طعـم الخيانـات وشلون ترخصـك النفـوس الذليلـه

خسرت .. لاوالله فدتـك الخسـارات ياغـلا مـن الدانـه بعينـن بخيـلـه

ماقلت لـك قصـة بعيـد المسافـات اللـي معـه بشتـه وسيفـه وخيلـه

ضحى بهم منشـان سـود ٍ وسيعـات الله يعيـن اللـي مـفـارق خليـلـه

جيتك اشيل من التعـب كثـر مافـات طرقي وهـدت سـود الايـام حيلـه

خذني من ايديـن الحـزن للمسـرات ليله معـك عـن الـف ليلـه وليلـه

صوتك لحاله غير عن كل الاصـوات وش غير ؟ حتى الغير ماهـو مثيلـه

غير انت وصوتك غير والشوق مامات وتلومنـي لاجيـت قلـبـي اشيـلـه

دايم ترى اهـل القلـوب الحزينـات تنشد عن الغالي وتجـي تشتكـي لـه

علاقتـي ويـاك غيـر العـلاقـات لـو كـان ماهـي ياحبيبـي طويلـه

اشره على الغالي عليك انت بالـذات والا الرخيص رخيص ماني بجي لـه
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
زهقت انا منـك كرهتـك ومليـت تعبت مـن شكـك وكثـرة ظنونـك

من كثرة اسئلتك احـس استجنيـت ياخي دخيـل الله ذبحنـي جنونـك

مليون مره انت في حقـي اخطيـت لو غبت ساعه تفكر انـي اخونـك

وانـا ولا مـره خذلتـك وزليـت تخيّل انـي بـس عايـش اصونـك

عيني تصير ان ضقت من بيتك البيت وقلبي يصير الكون لاضاق كونـك

واللي صدمنـي لا بغيتـك تخليـت وانا الذي لاضقت واحتجت عونـك

تقول لو تطلب عيوني لك اعطيـت وش فايدة شوفي حبيبي بدونـك .؟

وطلبت منك شي عـادي وصديـت وشلون لو اني طلبتـك عيونـك ؟؟؟
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
غرتني الدنيا وانا اصبحـت مغـرور وحطمت قلب اللي غمرنـي بطيبـه

اصبحت عايش خالي احساس وشعور ماعـاد افهـم وش حبيـب وحبيبـه

غادي عن الدنيا لـي ايـام وشهـور صارت حياتي فـي عيونـي غريبـه

ظلام لف الكـون ماعـاد بـه نـور غربه خذت ثامر مـن ايـدي نهيبـه

بنيت بيني وبيـن نفسـي انـا سـور ابعدت نفسي وهـذي اكبـر مصيبـه

ترى الذي مايسمع الـراي والشـور كلمـه تـودي بـه وكلمـه تجيبـه

وانا غلطت وقلـت مانـي بمعـذور ومن يعترف بالحق محدن يعيبـه !!!

وياصاح سامحني اذا جيت بقصـور مثلك يسامـح لازعـل مـن قريبـه

لو منت غالي كـان مانـي بمجبـور اجي و ادوّر عنك مـن بعـد غيبـه

اقسم بـرب البيـت ان لزمـن دور واني بدونك عشـت حالـه صعيبـه

انام ضايق اصبـح الصبـح مقهـور تخيّـل ان راسـي بـدا فيـه شيبـه

المسألـه ماهـي قصايـد وجمهـور ولا هي بعد قصـة كرامـه وهيبـه

مسرور من هالناحيه حيـل مسـرور مرتاح في وضعي كذا ومهتنـي بـه

ماهوب اكبر همي اصيـر مشهـور كلن بياخذ مـن كتـب مـن نصيبـه

بس انت ارجع لي وانا اكون مشكور واقلب يـدي وبوسهـا وابتـدي بـه

يومن معك مافيه شاعـر وجمهـور مافيـه الا بـس حبيـب وحبيـبـه
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
محتاجلك حيـل والله يقطـع الحاجـه
حدتني وجيت اداري دمعـة عيونـي
باين علي التعـب والضيـق وانتاجـه
منهار لونـي متغيـر ماهـو بلونـي
لقيتك اللـي يصـد معقـد احجاجـه
وانت اقرب الناس والغالي ومضنوني
سكـرت بابـك وقفلتـه بمـزلاجـه
قدام وجهـي وكـل النـاس شافونـي
لكن على الله بديه الضيـق وافراجـه
ولا انت الله معك خابت بك ضنونـي
بلاش منك ومـن موقفـك واحراجـه
رح واتبع اللي خذوا منـي وخلونـي
من صد عني ترى مانيـب محتاجـه
من دونه اعيش دامه عاش من دونـي
وان قـدر الله مـع الايـام نتـواجـه
تمـر مثلـك مثـل ناسـن يمرونـي
في عيوني تصير ماتسـوا ولا حاجـه
من عقب ما كنت تسوى الناس بعيوني\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
تعال اباخذك عصر ٍ احسه قريب من عصري
يضايقني العصر هذا وانا ماني وسيـع البـال
انا وشلون احبك والاحزام الناسف بخصـري
بحبك في زمن كانت فعولـه تثبـت الاقـوال
رسايل عشق ينقلها الحمام الزاجل المصـري
رسايل مادخلت في عالم الانتـر ولا الجـوال
وقصر فاخر على ضفة نهر احلا قصر قصري
وحدايق لي على مد النظـر متسـوره بجبـال
هنا .. لو تجتمع دنياي ماتقدر على حصـري
لأني معك والدنيا اضحكة لي والزمن ما مـال
انا شاعرك واتفاخر بحبك وافـرح بنصـري
ولكن اسمع لشاعرك بأخر بيت لك وش قال
حبيبي لا تصدقني وتشري الزاجل المصـري
ترى امزح معك خلينا على الجوال راس المال
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
يابنت وجه الخيـر بيّـن ومعـروف لـو ماتكلـم شافـت النـاس خيـره

والوجه الاقشر ماهو بحاجة وصـوف يبـان حتـى للعيـون الضـريـره

من عاش يتبع خطوة المال ملهـوف رزقٍ كتبـه الله .. مافيـه غـيـره

الخوف لو ينفع .. نفع صاحب الخوف اللـي علـى حقـه يدينـه قصيـره

الضعف ماغيّر قدر نـاسٍ ضعـوف عاشت صغيره ويوم ماتـت صغيـره

كلمة احبك بس مـن اربـع حـروف وتحكي احاسيـس ومشاعـر كثيـره

الحب اكبر من سهر ليـل وطيـوف ماتفهمـه حتـى القلـوب الكسـيـره

تدرين اصدق حب يطلع من الجـوف حب الفقير اللـي عشـق لـه فقيـره

احلامهم تكبر مـن ملامـس كفـوف وتكبر من اشـواق العشيـر لعشيـره

كنه معاها لو على ضلـع مكشـوف داخل قصـر يجمـع اميـر واميـره

احساسهم صادق بلا كـذب وزيـوف كلـن يقـول اللـي يريّـح ضميـره

احساس طفله عندها العيـد نفنـوف تظن مـن تلبسـه صـارت كبيـره

يابنت انا عانيت ومرتنـي ظـروف ماريّحـت حتـى العيـون السهيـره

وللحين راسي راس وكتوفي كتـوف ماغيّـرت منـي ليالـي عسـيـره

مدام فيني حيـل وعيونـي تشـوف والله معيّشـنـي بحـالـه ستـيـره

والله لستقبـل علـى بابـي ضيـوف لو مـا ملـك الا دلتيـن وحصيـره

 

[^^ جـنـونـيـه ^^]

رد: الملف الشعري للشاعر الشاب ثامر شبيب

الشهره اللي وراهـا النـاس منجرفـه ماهوب اكبر طموحي مصافـح ايديهـا

مانيـب جاهـل بهـا انكانهـا حرفـه اعـرف مداخيلهاواعـرف خوافيـهـا

اعرفـك يادربهـا واقـول ماعـرفـه وان مر طاري لهـا صديـت طاريهـا

الشعر لـولا عيـون الجـادل الترفـه والله لانسـى القصايـد مـع قوافيهـا

ضيقات صدري كثيره مالهـا صرفـه من كثرها ماعرفـت شلـون ابحكيهـا

اشيـاء منهـا تبـات النفـس منقرفـه ياكثـر ماحطمـت نفسـي وامانيـهـا

القدس راحت إناظرهـا مـن الشرفـه وابن اليهودي يـدوّج فـي ضواحيهـا

وحنا العرب ساكتين اسكـات معترفـه نشوف بالعين ارض القدس وش فيهـا

والدمعه اللي مـن المسكيـن منذرفـه ماحركـت شـي بالظالـم معانيـهـا

الجوع .. والبرد .. ومسكن يشبه الغرفه تقتل احـلام الفقـاره .. قبـل تحييهـا

والناس صارت بجرح الناس محترفـه يارب ستـرك مـن الدنيـا وبلاويهـا

والحب تطعن بصدقه .. بنت منحرفـه من كثر ماكذبـت .. تنسـى اساميهـا

وبعض السوالف تغثـك مابهـا طرفـه تدبـل كبـودٍ تـدور مــن يسليـهـا

مثل البشـر بعضهـم مـاودك تعرفـه زودٍ علـى ضيقتـك وجهـه يطّريهـا
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
لا تنصدم ماعـدت شـي بحياتـي كلك على بعضك كرهتـك وعفتـك

مابيك لـو انـه وجـودك غناتـي حذفت انا اسمك من سجلي وحذفتك

صارت حياتي معك تشبـه مماتـي مافيـك حاجـه طيّبـه لا وصفتـك

عمر الخطا ماكان نـوع بصفاتـي حتى مشيت العـام دربـك وشفتـك

انا غلطـت بحـق نفسـي وذاتـي غلطه بدت من يوم جبتك وضفتـك

داخل خفـوقٍ حـط حبـك مناتـي كبرك في عيني وجيـت وعرفتـك

وصرت القريب اللي .. شتاته شتاتي جرفتني كلـي .. وكلـك جرفتـك

لكن خسـاره منـت كفـوْ لسواتـي اللي حصـل بيّـن رداك وكشفتـك

تدري بصراحه ايش غلطة حياتـي انـي نزلـت لمستـواك وعرفتـك
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
انا لاقلت لي شلونك وانـا ضايـق اقـول بخيـر مدامك سائـلٍ عنـي اكيـد ان ضيقتـي راحـت

انا من كثر ماحبـك اشوفـك فـي عيونـي غيـر تضيق النفس من غيرك ولامـن شفتـك ارتاحـت

احبك كثر .. ماتطـري فبالـي وتشغـل التفكيـر كثر .. ماشيلـك بعينـي ونـاسٍ منهـا طاحـت

احبك كثر .. ما ادمح خطـاك ان خانـك التعبيـر كثر .. ماخانت الرفقـه بكتـم اسرارهـا وباحـت

احبك كثـر .. صقـارٍ تولـع فـي محبـة طيـر كثـر .. مادلـة الطيّـب بريحـة هيلهـا فاحـت

احبك كثر .. ماحس بشعـور انـي عليـك اغيـر كثر .. مازيح هالغيره عن افكـاري ولا انزاحـت

احبك كثر .. مالك داخلـي حـب وغـلا وتقديـر كثر .. ماغبت عن عيني ودموع امفارقك ساحـت

تصدق !! من عرفتك صرت احبك .. واكره التغيير وانا اللي كنت اعشق كـل نجمـه بالسمـا لاحـت

تأكد كـل ماتسئـل عـن حوالـي اكـون بخيـر مدامك سائـلٍ عنـي اكيـد ان ضيقتـي راحـت
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
لاتلومني لاجيت كلي مـن اقصـاي مافيـه غيـرك لاتضايقـت جيتـه

جيتك ولاغيرك ذكرتـه بمسـراي جيتك وكل انسـان غيـرك نسيتـه

جيتك وانا ماني بأنا تايـه الـراي جيتك وانا مدري وش اللـي بغيتـه

جيتك وقلبي دقتـه تسبـق خطـاي جيتـك اقـول مفارقـك ماقويـتـه

ان مر يومٍ بالعمـر منـت ويـاي اشتاق لك شـوق المسافـر لبيتـه

مثل الهوا تحتاجه النـاس والمـاي يحتاج لـك قلـبٍ هـواك وهويتـه

انت الوحيد اللي .. يرد بسمة اشفاي وانت والوحيد اللي .. بروحي فديته

دامك معي ماقصرت يـوم دنيـاي دامي خذيتـك وش بقـا ماخذيتـه

وانكان تنشدني بعد ليه انـا جـاي ابشـر بـردٍ يقنـعـك لاقريـتـه

جيت اعترف بالفرق يا اخر منـاي بينك وبين اللـي عشانـك جفيتـه

اني ليامن جيت لك ( همك رضاي ) واني ليامن جيت لـه ( مالقيتـه )

لاتلومني لاجيت كلي مـن اقصـاي مافيـه غيـرك لاتضايقـت جيتـه
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
لاجيت افكـر بالوجيـه المفاليـحوفرقت بين الناس عالي و واطـي
فكرّت بك ضمن الوجيه المشافيـح
متقلطن ببسـاط ماهـو بساطـي
علاقتي ويـاك تحتـاج توضيـح

من شفت في بعض الامور اختلاطي
مثلك خطا يحتاج وقفه وتصحيـح

بيّن مثل تفريـق ماخـذ وعاطـي
ربيت من صغري على هبة الريـح
ولبست لي ثوبن كمومه اخياطـي
يوم انت تلعب في يدين المراجيـح
انا انطح الضيفان وافرش سماطي
ماعابني لاصرت ظمن المجاريـح

اغلا جروحي بين الاظلاع ساطـي
العيب لاسقت القدم دون تصريـح
وخليتها بـدرب الردييـن تاطـي
والمشكله انك تحرث النار وتصيح
اركد قبـل لافـك عنـك رباطـي
خابرك ماتبعـد قريـب المراويـح
زايد عن العالـم بكثـر الهياطـي
اكبر طموحـك لاتعطـرت بالريـح

تطلع تمشى بين شاطـي وشاطـي
عندي سؤال وخابرن فيه تجريـح

لاكن ضروري تسمعه بأنبساطـي
ارفعك بيدي لسمـا ترجـع اطيـح

قلي شسوي فيك لا صرت واطي .؟ \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
اذا خـزك احـد غيـري احـس بداخـلـي زلــزال
تصور حالتـي وشلـون اذا شفتـك مـع غيـري!!!!
تخيـل موقفـي وعيشـه خيانـه حطمـت رجــال
خيانه جـت مـن شخـصٍ يعيـش بوسـط تفكيـري
انـا اكبـر مـن افراقـك ولاكـن موقـفـك قـتـال
يحز بخاطـري اوقـف وشـوف شلـون تغييـري..؟
مشيـت اجاهـد الدنيـا بفـرقـا تلـفـت لـوصـال
اصددهـا عـن اوصالـك وشوفـك كـل مشاويـري
حزن وجـه الزمـن يمـلا حياتـي والفـرح منـزال
قتلـت بسيفـك افراحـي ومـلا حزنـي تعابـيـري
نهايـة عالمـي قصـه علـى فـم الـعـدو تنـقـال
نقلها كـل عـدو منهـم فـرح فـي يـوم تدميـري
عرفـت شلـون تلعبهـا معـي يالعاشـق المحـتـال
مصيبـه ماتوقعتـك تجـازي شــرك لخـيـري !!
خلاص اللى حصل يكفـي ومـات العـذر والمرسـال
ولا بـه عـذر لرسلتـه يــرد للـحـب تقـديـري
انـا لـي عـزةٍ اكبـر مـن ظـروفٍ تسـل الحـال
اموت اهـون .. ولا انظـر بعيـن الغيـر تصغيـري
انـا هالحيـن لـو اتـرك حياتـك وابتعـد رحــال
وش اللى بخسـره دامـي خسـرت اكبـر مخاسيـري
تعبت سنين من عمـري وانـا ابنـي قمـة التمثـال
عطيتـه كـل عطـا عمـري ولا بينـت تقصـيـري
نـزل مـن قمتـه لوطـا مكـان بثـورة الـزلـزااالسبب كل ماحصل فيني ... وجودك انت مع غيري !!!
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
عادي معك أبقا وعادي اخليك مثلك مثـل غيـرك مجـرد صداقـه
ماشوف عندي احساس متمسكٍ فيك اقل من عادي معـاك العلاقـه
غبتي حضرتي خافقي مايحاتيك القلـب مابيـن عليـك اشتياقـه
انتى تناديني وغيري يناديـك والحـب منـك ماسرقتـه سراقـه
لاتحسبين اللي يزعلك يرضيـك ولاكـل طاقـه بتقـارن بطاقـه
انا ..وبس اللي اجيبك ووديك وانتى على قربـي تجيـك الشفاقـه
انا بديتك برجع الحين وانهيك انسان مثلـك سهـل جـدا فراقـه
من دنيتي هالحين ببعدك وانفيك ابعيد يااالله بعيـد كافـي طفاقـه
ادري جرحتك يوم انا قلت‍‍‍ مابيك والجرح يبطي لـو تغيـر مذاقـه
وقتي معك محسوب ماهو بأياديك الوقت ساعه وكل ساعه علاااااقه
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
راسك علامك رافعه يوم احاجيك الضاهر اني فـوق حجمـك عطيتـك
لحظه .. نبي نرجع دقيقه لماضيـك بذكـرك فـي أي حالـه لقيتـك
كان الضياع ودمعتينك تخاويك منهار وفـي عـز انهيـارك خذيتـك
وارخصت عمري لجل احبك واداريك هدمت قصر الذل فيـك وبنيتـك
كان الغلا شمعه تنور لياليك ولـو اظلمـت دنيـاك جيـت وضويتـك
يالاسف كنت امدحك وافتخر فيك رفعت من شانـك وعليـت صيتـك
كنت انت .. عندي غير ومقدر اخليك واموت واحيا ان قلت سم وفديتك
واليوم اشوفك خنت حتى مباديك صغرت في عيني وانا اللـي هويتـك
الضيف لو انه عدوٍ معاديـك غصـبٍ عليـك تقـدره وسـط بيتـك
ياصاحبي بتموت ماني براجيك واشره علـي انكـان حتـى طريتـك
لاصار ذل النفس في قلب يغليك يلعنـك ياقلـب ٍ عشقـك وشريتـك
اضحك حبيبي دام وقتك مسليك باجر تمـوت مـن القهـر لا نسيتـك
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

 

[^^ جـنـونـيـه ^^]

رد: الملف الشعري للشاعر الشاب ثامر شبيب

كل البشر في صوب وهالبنت في صوب
الكامـل الله كامـلـه مــا تعـابـي
ترفه وهـي تمشـي مسافـات ودروب
في عـز رحـلات الشقـى والعذابـي
لا من مشت في يدهـا ترفـع الثـوب
كـلٍ يناديهـا وهـي تقـول مـابـي
من الدلـع سميتهـا شيخـة العـوب
حتـى دلعهـا منحنـي لـه اعجابـي
مركوبهـا ماهـوب أيـات مـركـوب
مـن مـر قدامـي تلنـه الركـابـي
لحقتهـا والهـرج زاهـب ومكتـوب
لأي موقـف كنـت عامـل حسـابـي
قلت السلام .. وردت بأيـش مطلـوب
قلـت الخفـوق بخفـت الـدم ذابـي
قالت وش اللي حـداك لنـاري تـذوب
قلـت المشاعـر ماعليهـا عتـابـي
قالـت تمثـل دور عاشـق ومحبـوب
قلـت الحقيقـه افتـديـك بشبـابـي
قالت اخيـر الحـب ناهـب ومنهـوب
قلت انهبيني قبل مـا انقـل صوابـي
قالت متى تكبر عـن الحـب وتتـوب
قلت الخبل من شاف زينـك وتابـي !!
قالت صراحـه مـا توقعتـك اسلـوب
قلت افهم انك معجبـه فـي جوابـي ؟
فجأه عرض لي واحدٍ عرضة خـروب
سلـم علـي وخاطـر البنـت طابـي
جاني مطفي ضارب فياض وشطـوب
ومن قو عينه قـال .. يامرحبابـي !
واخذ يسولف لي وانا فيـه مغصـوب
يسئل عـن احوالـي وسبـة غيابـي
مايدري انـه بعرضتـه كسـر قلـوب
لا واعـذابـي مـنـه لا واعـذابـي
رقد على كبدي وانا بوقـت محسـوب
البنت راحـت والرجـا منـه خابـي
وقفت عاجـز كنـي انسـان مغلـوب
من قرد حظـي كـل هـذا جـرا بـي
اتلا عهدهـا تلتفـت لفـت رعبـوب
مـا الله كتبهـا قسمـةٍ فـي كتابـي
اقفت تمشـى فـي مسافـات ودروب

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

ياللي حرمت القلب مبطي من الصوت *** لاتحرمه هالحيـن رد الرسالـه


ايام عمري معك لحظات وتفوت *** وش تنتظر لاضاع عمـري بدالـه ؟


يعني عشان اسمك على القلب منحوت *** ماعاد تسئل ليه وش هالنذاله ؟


ان كان قصدك شوفتي وسط تابوت *** خلنا على ماقيل كلـن بفالـه !!!


اليا طرى طاريك حسيت بالموت *** اليا متى هالحال ماهي بحالـه .؟؟؟


من غبت وصارت غيبتك شي مثبوت *** والناس تنشد ليه ثامر لحاله .؟


زعلان حدي منك ضايق ومغموت *** كل من سئلني عنك ضقت بسؤالـه


عز الله اني معك ماني بمبخوت *** امشي يمين الـدرب تمشـي شمالـه


عزآآآه يالدنيا عقب بحت الصوت *** صار الرجى منك ترد الرسالـه !!!!

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
ماعلـي خـلاف اقــول الـلـي ابـيـه
.......... من فضل ربي علي انـي قـوي


الا حبـك شــي مــا اقــدر علـيـه
......... كن حبك ضيف والقلـب بـدوي


انـت بـس الـلـي ابـيـه ولا اجـيـه
........ عنك حظـي لاوي ذراعـي لـوي


صـرت لـي مشـوار لاجـيـت ابتـديـه
........ ان لقيت الدرب ضيعـت الخـوي


رد يامنـهـو حيـاتـي فــي يـديــه
......... لا تخلينـي وانـا لـك مهتـوي


ان خسرتـك ويـن ابلقـا لــك شبـيـه
.......... وانت من كل شي نادر تحتوي .؟



ويـن رايـح جعـل هـالـزول افتـديـه
......... وانت خابرني من البعـد انكـوي



انـت حتـى الـجـرح مـنـك اشتهـيـه
.......... من غلاك اضمى عذابك وارتوي



انــت لا سولـفـت ماكـنـي هـنـيـه
......... التزمت الصمـت كنـي منطـوي



ليه اسولـف لـك وهـي مـن غيـر ليـه
......... تعرف انك تطوي احزاني طـوي



انـت حبـك شـي مــا اقــدر علـيـه
.......... كن حبك ضيف والقلـب بـدوي


\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\


ماودي اقلبها علـى راسـك الحيـن
ولا ودي اسكت عنك واجرح ضميري
جوني وقالوا عنـك نـاسٍ كثيريـن
كلام يكبر عنـه حتـى الصغيـري
قالوا نستك : وقلـت والله لتموتيـن
للحين باقـي لـي بقلبـك كثيـري
ابسألك وشلـون عنـي بتنسيـن ؟
ولحمة كتافك .. كابره بفضل خيري
قالوا تبيها : وقلت يمكن من سنيـن
يومه مصيرك مرتبط مـع مصيـري
انتي مثل طيـرٍ كسيـر الجناحيـن
جبرت كسره عقب ماهـو كسيـري
ياكل من يديني سـوات المساكيـن
وصد وتنكر يومه اصبـح يطيـري
قالوا تخونك قلـت طبـع الردييـن
طبع الخيانه من الردايـا يصيـري
كل يوم وانتي الف مـره تخونيـن
ماهي غريبـه خيانتـك للعشيـري
ادري مع غيـري تخونيـن الحيـن
وادري بعد ساعه تخونين غيـري !




\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\



قلبي يناديها وهي تقول .. مااابـي !!
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

 

[$$ صعبة الوصوف $$]

رد: الملف الشعري للشاعر الشاب ثامر شبيب

بلاش منك ومـن موقفـك واحراجـه
رح واتبع اللي خذوا منـي وخلونـي
من صد عني ترى مانيـب محتاجـه
من دونه اعيش دامه عاش من دونـي
وان قـدر الله مـع الايـام نتـواجـه
تمـر مثلـك مثـل ناسـن يمرونـي
في عيوني تصير ماتسـوا ولا حاجـه
من عقب ما كنت تسوى الناس بعيوني



يوووووووووووووه هالبيت تحطيم ثانكيو يالعسل على الفايل الرائع وانا اول

وحده حبيت ارد عليج ياملووووووووووووووووووته

 

[^^ جـنـونـيـه ^^]

رد: الملف الشعري للشاعر الشاب ثامر شبيب

فدييييييييتج صعبه الوصف و ميرسي عالمروووووووووور الرائع يسلمو حياااتو

 

[$الـــحـــلاوه$]

رد: الملف الشعري للشاعر الشاب ثامر شبيب

يعطييييييييييييييييييييييج العافيه مليت فرقاا
وتسلم ايدج

 

[^^ جـنـونـيـه ^^]

رد: الملف الشعري للشاعر الشاب ثامر شبيب

فديييييييييييييتج الحلاوة و ميرسي عالمروووووور يالغاليه

 

[غيوووض*]

رد: الملف الشعري للشاعر الشاب ثامر شبيب

مشكوره على الملف الرائع لشاعر اروع==

 

[منايرq8]

رد: الملف الشعري للشاعر الشاب ثامر شبيب

يسلموووووووووو مليت فرقا عاد انا اتحطم بشعر ثامر شبيب يوووووووه يجنن شعره
ميرسي وتعجبني مواضيعج ياذووووق