شوفي حبيبتي الديوان ماله شغل انا ما ادافع عنهم بس صج ماله شغل
يعني الوحده تدرس بالجامعة 4 سنين او اكثر خنقول تخصصها محاسبة اخرتها يطلع اسمها بوزارة الشؤون على طوووووول من غير لا تروح اهيه تشوف المكان بترفض وشوفي جم واحد ووحدة نفس تخصصها وبالشؤون ويرفضون ويتركزون كلهم على مكان واحد مثل وزارة المالية مو معقولة وزارة المالية بتقول اي اوكي اقبل كل الكويتيين والكويتيات تخصص محاسبة ؟؟ ونفس الشي لباجي التخصصات .. المشكلة يا حبيبتي مو بالديوان ولا بالدراسة ولا المكان المشكلة اهيه مشكلة عدم وجود مساواة بالرواتب والمزايا يعني هذي اللي تخرجت محاسبة لو بتشتغل بوزارة الشؤون او اي وزارة عادية راتبها بيصير بين الـ 770 والـ 800 دينار وما يتعدا الـ 800 بس ورفيجتها اللي بنفس تخصصها تشتغل بديوان الخدمة او بوزارة المالية لا يختلف الراتب بيصير فوق الـ 870 دينار غير البونص ومادري شنو .. اهني المشكلة عرفتي والا عادي اذا في مساواة بالرواتب والمزايا صدقيني بتلقين الكل بيرضى بالمكان اللي اهوه فيه وما يشوف غيره والبني ادم طماع وبعدين لا تروحين بعيد شوفي المدرسات رواتبهم تقريبا 850 دينار والله يهنيهم بس شوفي همومهم بالمنتدى اهني كل وحدة تلعن الساعه اللي دشت فيها مجال التدريس واختارت التربية مع ان رواتبهم زينة واجازتهم طويلة مع الطلبة بس شوفي مو عاجبهم المكان وكل وحدة تقول ودي اطلع اليوم قبل باجر
عرفتي اشلون اذا فهمتي كلامي راح تعرفين ان الديوان ماله شغل واذا اشتغلتي بالديوان ان شاء الله بتعرفين آلية التسجيل والاختيار وغيره في واحد يشتغل هناك فهمني وقالي اشلون طريقتهم وعرفت ان الديوان مجرد ان يستلم الطلبات والتخصصات اللي محتاجينها الوزارات والهيئات ووقت التسجيل يبدي الديوان اهني يغطي النقص بالوزارات (بشكل آلي) ولما احنا تخرجنا من التجاري دبلوم محاسبة الاغلبية كانوا بالشؤون وفعلا يوم رحت وسالت قالوا اللي بالشؤون احنا ناقصينا محاسبين وكتبة حسابات وااااااااايد وان بيطبقون نظام تكويت بالوزارة ومادري شنو بس احنا مانبي شفتي اشلون والا في اماكن وايد غير مرغوب فيها مثل الشؤون ويبون تخصصات بس احنا مانبي تعودنا على الدلع وفوق هذا ماكو مساواة عشان جذي اييبون وافدين بدال الكويتيين وبرواتب اقل
