ديوانية مغتربات usa

[ضي]

بسم الله الرحمن الرحيم

السلام عليكم ورحمة الله وبركاته



حبايبي وخواتي مغتربات امريكا هذي دوانيتنا ومكان تجمعنا نتشارك فيه افراحنا واحزاننا :friends:

نستفسر فيه عن اي شي يدور ببالنا،، والله يجمعنا علي الحب والخير :hjy5jewf:

حيااكم الله :wqedqw:


وياليت كل وحده تذكر سبب الغربه ومدتها وحالتها الاجتماعيه ومعلومات بسيطه عنها

واخيراا

الله يردنا ديرتنا علي خيرر ويشفي كل مريض ويوفق اللي يدرس

وخواتي هذا شعار دوانيتنا للي حابه تحطه

واخر شي احب اشكر اختي بطه فيها نطه عالتوقيع الحلو

 

[غلا شمر]

رد : ديوانية مغتربات usa

الف الف مبروك ع المكان الجديد

الله يعطينا خيره ويكافينا شره..

انشاءلله يكون بدايه حلووه ...

 

[ضي]

اميييين غلا شمر

راح ابدي

ضي
عمري ٢٩
مرافق زوج يدرس باقيلنا ٣ سنين تقريبا
عندي ولد واحد الله يخليه يااااارب

 

[اختكم بالله]

هلاااااااااااا والله ومبروك الديوانيه اليديده

 

[غلا شمر]

رد : ديوانية مغتربات usa

هلابك ضيونه ..

غلا
عمري 26
من السعوديه ...

متزوجه .. واول بيبي لي بالطريق الله يتمم وصوله ياارب.

مرافق لزوجي .. لسى ببداية الطريق هذا اول سمستر لزوجي ..

بس اولد رااح ابلش بالدراسه ...

بولايه بنسالفينيا .. مدينه بلومسبيرق..

ع السمر انشاءلله بحول الله .. راح نستقر بفلوريدا ...

وبس....:hjy5jewf:

 

[غلا شمر]

رد : ديوانية مغتربات usa

ضيونه حبيبتي ..

هالديوانيه رااح تتثبت .. انشاءلله ..؟

 

[ام كوشه منكووشه]

رد : ديوانية مغتربات usa

هلا والله ضيوونه
مبروووك افتتاح الديوانيه اليديده

 

[ضي]

الله يباارك فيكم حبايبي

واي غلوي ان شالله تتثبت راح نطلب من المشرفه وان شالله ما تقصر معانا :n2006107:

 

[ضي]

غلا العمر كله ياااااررب

وتولدين بالسلامه

والله يوفقكم ويهون عليكم غربتكم :blueSmCLR:

 

[اختكم بالله]

شلوووووووونكم بنات

شوشو ماعرفتي شنو جنس البيبي ؟

 

[مجنونة حبه]

السلام عليكم اشلونكم >>>> اشصاير ليش تبطل واحد يديد ضيون
معااكم مجنونه حبه
في سان فرانسيسكو تحديدا بسانتا كلارا
العمر ٢٨
عندي بنوته راح اتصير بعد شهر ٣ سنين
وولد راح يكون بعد شهر سنه ونص
والحين حامل الله يتمم علي ويصبرني ويسر امري مع عيالي وريلي
مرافق مع زوجي يكمل ماستر الله يوفقه ويسهل دراسته ويتخرج

وبث :q8:

 

[منورة الكويتية]

رد : ديوانية مغتربات usa

مبروك الدوانية اليديدة
منورة من اوهايو
٢٦ سنه عندي بنت ٤ سنوات وولد سنه و٤ شهور
مرافقه لزوجي دكتوراة ان شاءالله بس حاليا بالكويت وبرجع بالصيف
احتمال نغير ولايتنا وهذي الخيارات الي حاطها ريلي. بباله ياليت الي عنده فكره عن اي جامعه من هالجامعات او الولاية يفيدني




*George Washington University* 98
·******** Missouri University of Science & Technology 0
·******** Southern Illinois University 0
·******** Temple University 83
·******** Syracuse University 83
·******** St. Louis University
·******** University of Arkansas @ Fayetteville 119
·******** Wayne State University 104
·******** University of Delaware 76
:gr4uu:

 

[ضي]

اوووول شي الف مبرووووووك التثبيت :ggdw:

مج مج الله يخليلج زرازيرج ويوفق ريلج

ويقومج بالسلامه يااااااااارب


منووور حبيبتي شلونج؟
العمر كله يارب ويخليلج زرازيرج يارب

ويوفق ابوهم ان شالله

بالنسبه للجامعات هذي جامعة ريلي ولها اكثر من فرع في برولا وكلومبيا وسانت لويس
******** Missouri University of Science & Technology 0
وجان زين تنورينا وتيين عندنا

شنو تخصص ريلج؟ ريلي هندسه بترول باكلريوس

 

[ضي]

خوخه احنا بخير انتي ششلونج ؟
الله يهل عليج ياااااارب وتقومين بالسلامه:yaaaaaarb:

 

[منورة الكويتية]

رد : ديوانية مغتربات usa

هلااا والله ضيونة انا بخير عساج بخير انتي بشريني عنج وعن وليدج
انا ريلي تخصصه جبر رياضيات
وشرايج بالمنطقه والجو شرحه ولا مغمه اهم شي :bbbiu:

 

[منورة الكويتية]

رد : ديوانية مغتربات usa

بنات منو فيكممبتعثين عن طريق التطبيقي

 

[مجنونة حبه]

باااااااك
عاد انا اموت بالرياضيات منور
بس ريلي هندسه كمبيوتر وجامعته سانتا كلار santa clara
احنا منطقتنا او سان فرانسيسكو قويه بمجال كمبيوتر وكهربا >> بسبب شركات الي هناك
وفي جامعات بعد يمنا بيركلي وستانفورد

 

[ام كوشه منكووشه]

رد : ديوانية مغتربات usa

هلا بنااات

سوري نسيت اسدح لكم بطاقتي

محدثتكم ام مكووشه منكووووشه من ولاية تكساس

العمر 27

الحاله الاجتماعيه: متزوجه وعندي بنوته ان شاءالله بعد 10 اياام تكمل 3 سنين وحاليا حامل صار لي 12 اسبوع

سبب التغرب: مرافق زوج وان شاءالله هالسنه بتكوون اخر سنه لنا اذا الله وفق ريلي وخلص الدكتواره

والفال لكم ان شاءالله الله يسهل عليكم غريتكم ويوفقكم ويجمعكم مع اهلكم واحبابكم بالخير

 

[ضي]

منووور حبيبتي احنا بخير الحمدلله

بس الله يستر يقولون بتييلنا عاصفه قووويه

ولايتنا بالنص تقريبا بالشتا ينزل سنو بس مو نفس الولايات اللي فوق

يعني الجو زين ،، والناس اهني واااايد طيبين وفريندلي حيل

 

[ضي]

كووووشه العمر كله يااااارب
ويخليلج كوشه الصغيره وتقومين بالسلامه
وتردين الديره هم بالسلامه:q8: