ديرة يستانسون فيها اليهال ؟؟؟

[أ.س.م.ا.ء]

السلام عليكم ورحمة الله وبركاته
شلونكم بنات ........ شخباركم
الله يعافيكم ابي ديرة تصلح آخذ لها عيالي غير دبي او ماليزيا ... يكون فيها اماكن ترفيهية .... ملاهي .... اي شي يصلح لليهال ويونسهم ... ويفضل يكون جوها حلو ( تتشرط :eh_s(6): )

 

[أم صالح]

امريكا

 

[@ دهن العود @]

مصـــــــــــــــــــــــــــــــــــــــــــــــــــــــر

 

[asarasar]

السلام عليكم ، أسبانيا ، باريس ديزني، ألمانيا

 

[اريج2009]

أهو أحلا شي ماليزيا تصلح حق يهال وعندج بعد استراليا وايد حلو كل رحلات أتروحين وجو عجيب

 

[أ.س.م.ا.ء]

:e3: لكل الي ردوا :aha:

يريت بنات توضحون لي شنو المناطق او الاماكن الترفيهية بالدولة عشان اعرف اذا تناسبني ولا لأ
آنا فكرت بتايلند ... انتو اشرايكم اذا بروح شهر 10 تصلح لليهال ولا لا ؟

 

[ترف 111]

ماليزيا تصلح لليهال وباريس ولندن

 

[84 Miss Chocolate]

باريس

 

[~ عز ~]

تايلند ماتصلح ابد

انا وديت عيالي وماعجبتهم

ماليزيا بيستانسون فيها .. بس ترا اروع شي سنواي لاقون ( العاب مائيه ) ياكثر هالسوالف في الكويت

باريس مافيها غير دزني .. و كونوا صريحين بنات العاب دزني مافيها شي يبهر .. المدينه الترفيهيه اروع منها بمليون

دزني امريكا كذلك .. اللي محليهم اسم ديزني و بس ..


تبين نصيحتي روحي زيلامسي في النمسا

كفايه عندهم الكاميرون ( ثلج طول السنه )

والمكان مهيء للسياحه .. يعني لم تصعدين الجبل .. بتلاقين مثل السلم الكهربائي يوصلكم للقمه

ومن فوق تتزحلقون على قواعد موجوده هناك ..و هكذا .. انا عيالي استخفوا

وعندهم الزحليقه الصيفيه هم شي غريب وروعه

 

[لمار اسماعيل]

طبعا لندن وامريكا و باريس واسبانيا واستراليا

 

[brettey]

امريكا وتحديدا ولايه اورلاندو بس جوها شوي حار ورطوبه
وماليزيا
فرنسا بس ديزني

 

[Dancing^Queen]

اول جم عمر اليهال
وثاني شوفي الميزانيه
ثالثا ركضي بعيد عن ماليزيا الا سن واي لاقون + بيبنانغ وخري عن كوالالمبور لان مافيها الا تمشي تسوق وشي بسيط جدا لليهال عيالي كلش ماستانسو فيها
انا بناتي اعمارهم وقتها خمس سنين وسنه ونص

وهالسنه محتاره وين اروح وياهم
مابي دبي حر
اقترحت مصر بس وين بمصر وشنسوي وين نروح
قالولي روحي الساحل الشمالي حلو
بس مادري شنو فيه
ووخري عن شرم الشيخ مافيها شي حق يهال صغار الا بحر
مادري شبسوي
قريت عن اسبانيا بس اذا بروح اسبانيا معناته بدون خدامه
وابي جدول مايخرش الميه وشي صج يونس اليهال مو سوقه وتمشي
مايبون
ويورو ديزني نهيييي لان يمكن عيالي يستانسون بس ريلي كلش ماراح يستانس

 

[البسمه العذبه]

والله الله يجزاج خير عالسؤال لان ابي اودي عيالي بس بشروط انها تكون دوله اسلاميه وعمر عيالي 6\5\4

 

[توته احلى بنوته]

استراليا صالحه لجميع الاعمار .........عندج منطقة جولد كوست كلها رحلات ووناسه فيها موفي وورلد وفيها دريم وورلد وفيها بعد عالم البحار وفانتسي وورلد ومتحف الشمع ورحلات على يخت تروحون جزيرة وتمشون فيها وناسه وبعد تشوون اللحم والدجاج وربيان اذا تبون وبعد تروحون حق غابات تركبون احصنه وتشوفون الكنغرو والكوالا ......... وفي منطقة ملبورن هذي خياليه كلها ثلوج وبراد خاصة في شهر 7و8 ...... وعندج منطقة سيدني حق التسوق والقهاوي وفيها تركبون سفينه تدور فيكم وفيها بعد سينما 3d
يعني استراليا عجيبه والله اني ودي اردلها مره ثانيه ....... انا رحت حق زلمسي وفيينا وميونيخ بس ماستانست كثر استراليا

 

[أ.س.م.ا.ء]

عيالي الله يحفظهم اعمارهم 8 - 5 - 2
واذا بسافر بروح اسبوع او 9 ايام مو اكثر

 

[Dancing^Queen]

غنايم مدام عندج ياهل ستناين عندي نصيحتين لج
لاتروحين علي الكويتيه (خصوصا بالصيف لان اغلب التلفزيونات ماتشتغل والمضيفين ودهم يهفون الواحد كف لي قال لو سمحتو + دايما مشاكل تاخيرات وبلاوي + لازم احد يتسلط بالرحله ومحد يحاجيه ، برحلتيا لاخيره مع عيالي تسلط يااااهل طول الرحله ماسك الزر اللي ينادي المضيفه والله العظيم ثم والله ثم والله ان ماوقف عشر دقايق يريح صبعه فيهم ولانام ولا هيع ولارتاج تخيلي ست ساعات ونص واهو ماسك هالريمونت ويطقطق حق المضيفين ماهد الريمونت وطن طن طن طن طن علي راسنا طول الوقت اللي انحفرت حفار باذني وصدعت صداع نصفي وعيزنا وحنا نشتكي علي بالج المضيفين سوو شي؟ كلمو اهله؟ لخوه طراق علي ويهه وادبوه حشاااااااااااااااااااااااااا اصلا تجاهلووووووووه وخلوه يرنع علي روس الكل ، بغيت بيبي كوت حق بنتي قالولي ماكو خلصو فيج خير طلبي منهم نقطه ماي للبيبي شوفي النفس شلون تصير)
ثاني نصيحه لاتروحين رحله طيران طويله لان الياهل مايقدر يقعد فتره بالطياره بدون لايتحرك الا اذا انتي عندج استعداد تركضين وراه

 

[ذهب]

تركيا وايد حلوة خاصة بورصة سياحية و استطنبول تسوق و اذا الميزانية محدودة انصج بجدة مجمعاتها تهبل حق اليهال و السوق روعة و عروض كثيرة فترة الصيف و تونس يعني كويسة وارخيصة

 

[بنووتة البحرين]

مصـــــر

 

[حبووبة 76]

تركيا زييينة بس صاارت غاالية جنها أوورووبا هاللسنييين هذي ....

أسترااليا الكللل يمدحها حبييبتي ... بس سوييلج جدول سنع .... علشاان ما تضييع الأياام ...

والله يسعدكم ويوفقكم بالسسسفرة .....

 

[أ.س.م.ا.ء]

غنايم مدام عندج ياهل ستناين عندي نصيحتين لج
لاتروحين علي الكويتيه (خصوصا بالصيف لان اغلب التلفزيونات ماتشتغل والمضيفين ودهم يهفون الواحد كف لي قال لو سمحتو + دايما مشاكل تاخيرات وبلاوي + لازم احد يتسلط بالرحله ومحد يحاجيه ، برحلتيا لاخيره مع عيالي تسلط يااااهل طول الرحله ماسك الزر اللي ينادي المضيفه والله العظيم ثم والله ثم والله ان ماوقف عشر دقايق يريح صبعه فيهم ولانام ولا هيع ولارتاج تخيلي ست ساعات ونص واهو ماسك هالريمونت ويطقطق حق المضيفين ماهد الريمونت وطن طن طن طن طن علي راسنا طول الوقت اللي انحفرت حفار باذني وصدعت صداع نصفي وعيزنا وحنا نشتكي علي بالج المضيفين سوو شي؟ كلمو اهله؟ لخوه طراق علي ويهه وادبوه حشاااااااااااااااااااااااااا اصلا تجاهلووووووووه وخلوه يرنع علي روس الكل ، بغيت بيبي كوت حق بنتي قالولي ماكو خلصو فيج خير طلبي منهم نقطه ماي للبيبي شوفي النفس شلون تصير)
ثاني نصيحه لاتروحين رحله طيران طويله لان الياهل مايقدر يقعد فتره بالطياره بدون لايتحرك الا اذا انتي عندج استعداد تركضين وراه

:dddds: ضحكتيني دانسنج شكلج للحين محترة من هالياهل واهله :dddds:
وعلى فكرة آنا جربت القطرية ومعاي يهال والرحلة طويلة ... بس صج الطيران روعة
انصحج فيه لسفرتج اليايه ان شاء الله