دوله آسيويه تنصحون بزيارتها

[اميرة الغيد]

السلام عليكم ورحمة الله وبركاته
بعد ما حطينا الموضوع بالدول الاوروبيه الحين بنحطه بالدول الآسيويه عشان الكل يستفيد خصوصا انا بموسم السفر
شنو الدوله الآسيويه اللي تنصحون بزيارتها ؟
وبالنسبه لتايلاند شنو المنطقه اللي فيها اسواق بانكوك والا بوكيت والمنطقه اللي فيها طبيعه شسمها ؟
والصين نبي منطقة الاسواق اي وحده ومنطقة الطبيعه اي وحده؟
وماليزيا بعد نبي المنطقه اللي للطبيعه والمنطقه اللي للاسواق ؟
وياريت اللي عندها اسماء اماكن تحطهم عشان يصير هالموضوع كأنه مرجع شامل حق هالدول
واللي رايح حق هالثلاث دول ياريت يعطينا فكره ايهي احلى دوله فيهم ؟ وشنو ميزتها ؟

يلله عاد همتكم خل نشترك بهالموضوع عشان يكون مرجع للدول الآسيويه

 

[raw3a]

والله حبيبتي ان انصحج بمالييزيا دوله مسلمة وشعبها طيب وفيها اماكن واييد حلوة

عندج جنتنج مدينة الالعاب الي فوق بالجبل والحلو فيها برادها موو طبيعي

وسن وي لاجون اهوه سوق وفندق ومدينه العاب مائية وسكييتنج وبوليينغ في مكان واحد

وعندج مجمعاتها حلوة وفي منتجع يمدحونه انا مارحتلة اسمة افاموزا وجزيره ليينكاوي يمدحونها بعد ما


مارحتلها بس رحت جزيرة بينانج عادية ما تسوى العنوة


انشاالله اكون فدتج

 

[اميرة الغيد]

عزيزتي raw3a مشكوره على المعلومات الحلوه
والباجين وين مشاركاتكم يلله همتكم عشان اللي بيروح يمديه يحجز

 

[Dancing^Queen]

شكرج علي الموضوع
انامتوهقه
هالسنه ان شاءالله بروح ماليزيا
وعندي اربع ليالي مادري وين اقضيها
رتبت رحله كامله وحطيت كوالالمبور وجنينتغغ وبمر سان واي لاغون والاخصنه الذهبيه وكل المعالمم المهمه ان شاءالله
العله هالاربع ايام
ريلي مو مقتنع ببينانغ ولتكاوي يقول مايسون شفيهنم! مافيهم شي لليهال
هالسنه بسافر مع عيالي الله يحفظهم

يقولي شوفي شي بهالاربع ايام
اقترح سنغافوره جيكت مالقيت فيها شي لليهال
مادري شسوي

 

[مزيونه وشقره]

ماليزيا تهبل كافي انها دوله اسلاميه


:stars:
:stars: :stars:

مع تحياتي ياحياتي

مزيونه وشقره​

 

[لانا]

بالعكس سنغافوره فيها وايد شغلات لليهال
السفاري الليلي وحديقة الطيور والحشرات

 

[tofy]

شكرج علي الموضوع
انامتوهقه
هالسنه ان شاءالله بروح ماليزيا
وعندي اربع ليالي مادري وين اقضيها
رتبت رحله كامله وحطيت كوالالمبور وجنينتغغ وبمر سان واي لاغون والاخصنه الذهبيه وكل المعالمم المهمه ان شاءالله
العله هالاربع ايام
ريلي مو مقتنع ببينانغ ولتكاوي يقول مايسون شفيهنم! مافيهم شي لليهال
هالسنه بسافر مع عيالي الله يحفظهم

يقولي شوفي شي بهالاربع ايام
اقترح سنغافوره جيكت مالقيت فيها شي لليهال
مادري شسوي

كوين انا العام رحت ماليزيا وسنغافوره

ومارحت لنكاوي وبينانج


وخليت 5 ايام حق سنغافورة ووايد حلوه حق اليهال

فيها وايد اماكن إذا تبين اذكرهم لج

ووايد ارقى من ماليزيا ووايييييييييييييييد نظيفة وماراح اتحسفين انج زرتيها



ــــــــــــــــــــــــــــــــــــــــــــــــــــــــــــــــــــــــــــــــــــــــــ

والدول الي ارشحهم بشرق آسيا ماليزيا وسنغافورة

 

[أم خالد]

الي بتروح ماليزيا مع اليهال:
عندج منتجع اسمة balangi هادي على شكل شاليهات اكواخ اكله حلو على البحر وفيه حمامات سباحة هادي احنا ارتحنا فيه لأن فيه نادي للأطفال كنت اريق اليهال واودبهم النادي 8سنوات و5 سنوات وبنتي 3 سنوات معاها خدامتها الفندق انشطتهم سواقة القواري او السكوترات او صيدالسمك الصغير بالسنارة وعندهم قاعة العاب تركيب ورسم على الوجه تدفعين بس حساب الوجبات الغذا يتغدون مع اليهال بالنادي ومعاهم جناطهم العصر يلبسون المايوهات وينزلون بحوض الأطفال يلعبون مع المدربة واليهال وقبل المغرب يطلعون يرجعو النادي يسبحون ويبدلون ويجابلون الفيديو ويتعشون ويرجعون لج الغرفة متلخلخين عقب اللعب والوناسة وانا كنت اروح النادي بالفندق امشي عالجهاز واجابل البحر واقرا يعني فعلا راحة واستجمام وهدوء للي يحب الهدوء لغينا كل الرحلات بلنقاوي من كثر ما كانوا اليهال مستانسين بالفندق ووفرنا اسعار الرحلات
بيننج الي يحب يروح لها يسكن في شنغاريلا او الهوليدي ان لأن بوسط المنطقة وبالليل الشارع الي يطلون عليهم فيه سوق الليل تقدرون تتمشون رحنا بالنهار رحلتين مرة حديقة الفراشات والأكواريوم ويوم رحنا رحلة للجبل وفيها مجمع واحد
والشعب الي فيها صينيين نفوسهم شينة عكس لنكاوي وفي ناس راحو رحلات بالقوارب والسباحة والباراشوتات بس انا معاي يهال وعلى فكرة سكنا في فندق كشخة اسمة موتيارا بس انا ضاق خلقي لأنة وايد بعيد بالليل كان يضيق خلقنا والتاكسي ياخذ علينا 5 دنانير بس على درب واحد علشان يوصلنا لسوق الليل المفتوح
جنتنج فيها مدينة ملاهي على الجبل وانا كنت مستانسة حجزت 3 ايام بس انصدمت لمن رحت ان الفندق كئييييب حدة مافيه غير مخرج واحد للملاهي بس مافي مجال تطلعين تتمشين اختنقت فيه اللي ساكن بكوالالامبور يقدر يطلع للجبل الصبح ويلعب بالملاهي ويرجع بالليل أو يبات ليلة وحدة بس
كوالالامبور ونيسة سوق ورحلات وجمعيات وكل شي تحصلينه
مجمع السنوي لاجون حلو في العاب الماي تروحين يومين واحد للألعاب والثاني للتسوق بالمجمعالي مع الفندق وعنهك غرف نوم على ستايل الكاوبوي تونس
اتمنى اني افدتكم

 

[أحلى همبه كويتية]

تايلند وبس
هذا رايي

 

[اميرة الغيد]

عزيزتي dancing queen ليش ماتروحين بهالاربع ايام حق تايلان قريبه من ماليزيا ويمدحونها
مزيونه وشقره مشكوره على ردج صج ماليزيا يمدحونها
عزيزتي لانا ياريت اتوضحين لنا سنغافوره طبيعه والا اسوقه ؟
حبيباتي TOFY وام خالد و ELHAMBA ELBUTAMBA مشكورين على ردودكم ماقصرتوا

 

[اميرة الغيد]

Elhamba Elbutamba تايلان شنو المكان اللي حق الطبيعه والمكان اللي حق التسوق ؟ بليز فيدينا

 

[[Q8TYA]]

دانسج انصحج بهل اربع ليالي روحي سنغفوره وايد حلوه واحلا من ماليزيا وتايلند .. كل النظافه فييها وسوقها وايد حلووووو .. وفيها اماكن حق اليهال فيها نايت سفاري وااااااااايد حلوو .. وفيها حديقت الفراش واكواريوم وعرض دلافين وبعد جم شغله هذيلي كلهم يصيرون بمثل جزيره يودينج لها ووايد حلوه .. وفي مثل رحله تطلعين لها بالقارب التراثي مالهم يدورونج على جزر وفي جزيره اسمها جزيلت السلاحف ينزلونكم اياها وتفرونها .. يعني مو خساره الروحه حق هل دييره واكفاااايه النظافه مالتها ماراح تشوفينها بديره ثانيه .. ليدرجت ممنوع تمشين وتتعلجين يزفون عشان يخافون انه ينقط بالقاه لوووول

 

[أحلى همبه كويتية]

Elhamba Elbutamba تايلان شنو المكان اللي حق الطبيعه والمكان اللي حق التسوق ؟ بليز فيدينا

بانكوك سوق سوق سوق
كلها مجمعات واحد أكبر من الثاني
مو مثلنا دورين وبس
لا 7 أدوار وطالع
كل مجمع يبيلج اكثر من 3 ايام عشان تخلصينه
وفيها رحلات : دريم وورلد( ألعاب ) - رحلات فيلة - رحلة بسفينة بالنهر مع العشا - فلوتنج ماركت (سوق خضرا بالنهر وانتي راكبة القارب تتمشين فيه )
سفاري وورد ( حيوانات بس مو بالأقفاص مهدودة وما تنزلين من السيارة )
سيام أوشن ( مثل النادي العلمي وأحلى بوايد ) هذا في مجمع سيام براقون
وغيرها ما تحضرني بالوقت الحالي
تقدرين تسألين مكاتب الرحلات وهم يورونج البروشورات


الجزر
بوكت إذا ما رحتي يعني أنتي ما رحتي تايلند ( بحر ) والرحلات راح تكيفين عليها لأنها بالسبيد بوت أو القارب العادي
شانغماي - منطقة جبلية وأبرد بالجو ووناسة ورحلاتها تونس
كوهسماواي ( ناوية أروح لها هالمرة ان شاء الله )
كونشابوري ) واي اسمها صعب بروح لها يوم وأرجع
بتايا (شبابية ) بس العوايل يروحون لها من الصبح ويرجعون المغرب وفيها رحلات وايد

ياريت تدخلين موضوعي " دليلك إلى تايلند "
راح تلقين المعلومات التي تبينها
:eh_s(8)::tek:

 

[روعة2007]

ماليزيا حلوة ونظيفة بس احس انهم حرامية اكثر من وحده سرقوا منها شيء حتى الفندق وبالغرفه وانتي طالعه يسرقون وترجعين ماتلقين الشيء اللي حاطته مع انه فندق خمس نجوم
بس اغراضها راقيه اختي شاريتلي شنطة من تايلند اما سافرت انا لماليزيا لقيتها دبل السعر يعني ماليزيا اغلى ونفس الجنطة (تايلند ارخص)
يمدحون الصين ياليت احد يعطينا معلومات عنها

 

[اميرة الغيد]

مشكورين اللي ردوا ، الهمبه البوتمبه شوقتينا على تايلاند عاد انا اهم ماعندي السوق .

 

[توت عنكبوت]

ماليزيا وبس

 

[عاشقه الاسمرانى27]

حبيبتى انا اعرف من ريلى بس ما روحت الا ماليزيا

صراحه ماليزيا لو تبى تستمتعى ما تخدين العيال وياج بروحج انتى وريلج لان جوها وايد حلو ورمانسى بس من شهر 12 الى شهر 4 وايد حلوها غير جديا مو حلو

وسنغفورها وايد حلو بس مشكلتهم وايد وايد نظاف يعنى لو قطيتى كلينكس او علج بالغلط على طوال غرامه وفيها تسفير بعد
بس الفلبين فيها وايد جزر تجنن وتايلاندا بانكوك حق السوق وبكت سياحه وجزر طبعا


كوتشى بالهند وايد حلوها شوفت الصور عجيبه بس بعد لازم تروحون بالشتا

وسيلاناكا عجيبه بالجزر تجنن

هدا العرف وبسئل ريلى وبقولكم

 

[اميرة الغيد]

مشكورين على الردود
وايد يمدحون ماليزيا حق طلعات اليهال

 

[شواقه المطيري]

ماليزيا روعه وبتدعين لي من حلاتها...


ودوله نظيفه وغير هذا مسلمه ...

 

[brettey]

ماليزيا روووووووووعه
الطبيعه بالجزر بيننغ ولنقاوي بس مارحت لهم عندج جبل جنتنج روووووعه افاموسى ماتسوى
المجمعات klcc موجود ببرج التوأم -صن واي لاجون مجمع واكوابارك وفندق -مجمع بافليون -ميغامول-ون اوتاما-sogo
مجمعات شارع العرب :klبلازا -pepe بلازا ويمه على طول lot 10
المطاعم احلى شي الطربوش وخيمه الصحراء بشارع العرب وطبعا مطاعم الوجبات السريعه