دولمة عراقية..من جولي الكويتية ...حياكم(صور)

[jolie_q8]

السلام عليكم ..بنات كويتيات

اعتقد كلنا نتفق ان الدولمة العراقيه لذيذه

صح ؟

عيل تعالوا أعلم الطريقة

***ملاحظة ... الطريقة الاصلية يحطون فيها لحم مفروم ...بس انا ماحطيت لحم ..بس خضره

المقادير

6 حبات كوسا .. مفرغه (يعني محفوره) << لا تقطون اللب ..راح نحتاجه

6 بصلات مقصوصه من الراس للقاعده ..بدون ما تنقسم .. منقوعه في ماء مغلي لمده 10 دقائق <<ما حطيت بصل

2 باذنجان (محفور) .. ومقشر بالطول (مخطط) << علشان ياخذ حموضه الصلصه

2 فلفل بارد

2 طماط محفور << ما حطيت هالمره

ورق عنب مغسول ومنقع في ماء مغلي لمده 10 دقائق

الحشوه

2 كأس رز مصري مغسول ومنقع لمده 10 دقائق

بقدونس فروم -شبنت مفروم -شويه نعناع مفروم

لب الكوسه مفروم جدا

عصير 4 طماطات << شويه خاثر

2 ملعقه كبيره معجون طماط - ثلاث ارباع م.ص. ملح الليمون- 1 ماجي -بهارات(فلفل-بهار مخلوط-كمون-كاري) ثلاث ارباع م.ك. سكر - رشه ملح
2 م.ص. دبس الرمان

1 بصل مفروم -2 فص ثوم مدقوق

الصلصه

ملعقه كبيره صبار منقوع في كوب ماء ومصفى + 2 ملعقه كبيره معجون+ 1 م.ك.دبس الرمان+1 م.ك. سكر
1 ماجي - رشه ملح



الطريقة

أول شي نحضر الحشوه

- نييب مقلاة كبيره ونحط زيت ونحط البصل والثوم ونقلبهم ..بس يذبلون بدون لا يحمر البصل

-نضيف على طول الرز والبهارات وحبه الماجي ,ودبس الرمان والمعجون ونقلب شويه .. ونضيف الخضره كلها ونقلب

- نجهز (مشخال للحشوه) ونضع الحشو فيه .. ونحط عليها عصير الطماط ... والسكر.. نخليه شويه لين يزل الماي

ونخلطهم جيدا (لازم نحتفظ بماء الحشوه ) << ضروري

الحين نحشي الخضار كلها (بس بدون ما نترسها..نخلي مجال لتمدد العيش )

وطبعا نغطي الخضار ... براس الخضره نفسها (يعني لما نحشي الكوسا نقص الراس ونحتفظ فيه علشان نغطيها )

- ونلف الورق عنب عادي -- وكذالك البصل

- نحضر جدر عميق .. ندهنه بزيت ونصف بطاط وجزر بالقاعه... بعدين البصل اول شي ..وفوقة الكوسا والفلفل والباذنجان والطماط وآخر شي ورق العنب (بالترتيب)

- نحط الجدر على النار لمده 10 دقايق لين يطبخ ... بعدين نضيف الصلصه (المتبقيه من الحشوه)

- والصلصه اللي مجهزينها.. ونحط صحن على وجه الجدر ونغطيها .. ونخليه يطبخ 10 أو 15 دقيقه

بعدين نقصر على النار ونحط حديده ونخليه ...2 ساعتين أو اقل شويه (تقدرين تزيدين ماي مغلي اذا احتاج الامر..بس لا تكثرون)

يكون جاهز ولذيذ... وانتوا ذوقوا مستوى الملح اللي تحبونه ...

ويطفى على الدولمه نص ساعه قبل التقديم .. علشان تصك شويه

وبالعافيه


أدري الوصفه طويله ..بس علشان المبتدئين ...يعرفون أدق التفاصيل

بس بصراحه تسوى تجربونها لأن الطعم شي عجيب ...

وشكرا


اختكم/ جولي​

 

[ام طلال]

مشاركة: دولمة عراقية..من جولي الكويتية ...حياكم

تسلم ايدج جولي وصج صج صج لذيذه

 

[حبنا الله عليه]

مشاركة: دولمة عراقية..من جولي الكويتية ...حياكم

يماااااااااااااااا ياجولي شكلها فظييييييييعه

ماشاء الله عليج

تسلم ايدينج وعساج عالقوووه

 

[jolie_q8]

مشاركة: دولمة عراقية..من جولي الكويتية ...حياكم

ام طلال

بعد عمري.... ترى رفعتي معنوياتي

 

[jolie_q8]

مشاركة: دولمة عراقية..من جولي الكويتية ...حياكم

حبنا الله عليه

بعد قلبي

تسلمين ومشكوره على الكلام اللي يشجع

 

[تفاخيه مبطوطه]

مشاركة: دولمة عراقية..من جولي الكويتية ...حياكم

جولي يوعتيني

تصدقين أمي كانت تسوي دولمه رهيييييييييييييييييبه على طعم حموضه وحلات بنفس الوقت

بس الحين إختربت مو راضيه دولمتها ترجع مثل قبل مادري وين الخلل!!!! كله تطلع ناشفه

بس باخذ هالوصفه وبعطيها أمي <---- مادري ليش إهي ماتسوي

يعني أنا وأمي نتساعد إشدعوه ؟

وبقول لج النتايج

 

[bnt q8 in usa]

مشاركة: دولمة عراقية..من جولي الكويتية ...حياكم

مشكوره مافي احلي من المحاشي

 

[jolie_q8]

مشاركة: دولمة عراقية..من جولي الكويتية ...حياكم

تفاخيه مبطوطه

خوش ...جربيها وعلميني

انشالله تعجبكم

 

[jolie_q8]

مشاركة: دولمة عراقية..من جولي الكويتية ...حياكم

bnt q8 in usa

حياج الله

 

[^^دموع الكويت^^]

مشاركة: دولمة عراقية..من جولي الكويتية ...حياكم

جولي شنو هذا ماشاءالله عليج شكلها لذيذة


تسلم ايدج يعطيج الف الف عافية

 

[jolie_q8]

مشاركة: دولمة عراقية..من جولي الكويتية ...حياكم

^^دموع الكويت^^

بعض مما عندكم يا دموع

وتسلمين على الرد الحلو

 

[جارة القمر]

مشاركة: دولمة عراقية..من جولي الكويتية ...حياكم

jolie_q8



تسلم هالأيادي

يارب

وماشاء الله عليج

 

[jolie_q8]

مشاركة: دولمة عراقية..من جولي الكويتية ...حياكم

جارة القمر

الله يسلمج ..حبيبتي

 

[ام قوبي]

مشاركة: دولمة عراقية..من جولي الكويتية ...حياكم

مشكوره جولي نفس طريقه امي بالضبط وصج لذيذه

 

[jolie_q8]

مشاركة: دولمة عراقية..من جولي الكويتية ...حياكم

sabrena79

العفو حبيبتي

وحياج الله

 

[رفرف]

مشاركة: دولمة عراقية..من جولي الكويتية ...حياكم

تسلم ايدج جولي ماشالله عليج فنانة ...
شكلها صعععبة

 

[jolie_q8]

مشاركة: دولمة عراقية..من جولي الكويتية ...حياكم

رفرف


الله يسلمج حبيبتي

بس بالعكس كلش مو صعبه .... عاد انتي بالذات ما توقعت تقولين صعبه

لانج خبيرة ورق عنب ...

وباجر بجرب خلطتج

جربيها... وعطيني رايج

 

[رفرف]

مشاركة: دولمة عراقية..من جولي الكويتية ...حياكم

جولي ...
من قالج خبره ؟ وبعدين ورق العنب سهل مايبي تحفرينه ومادري شتسوين فيه ...
جنج اتصفطين هدوم مايبي شي ....
بس ولا يهمج اسويها حق بيت اهلي الاسبوع الياي انشالله

 

[jolie_q8]

مشاركة: دولمة عراقية..من جولي الكويتية ...حياكم

أم هيا

حياج الله حبيبتي


رفرف

رفروفه ماشالله الصور تشهد ما يحتاي احد يقولي

واذا على التحفر ..ما يبيلا شي اصعب شي الكوسا

شوفي يبي الكوسا وشيلي راسها الخشن << قطيه ما نبيه

بعدين قصي اول 3 سلانتي من راس الكوسا .. << واحتفضي فيه

ويبي اللي تحفر الكوسا ..لا تقزينا مره وحده .. لا ..حفري شوي شوي

واذا خلصتي غسليها من بره وداخل وحشيها عادي بدون لا تترسينها وسكريها بالراس اللي احتفظتي فيه

بس صغيره شويه (يعني قصي منه شويه علشان يسد ويه الكوسا

وبس

وبحاول احط لكم الخطوات ...

 

[جاي مخدر]

مشاركة: دولمة عراقية..من جولي الكويتية ...حياكم

تسلم الايادي