دولة باردة ويستانسون فيها اليهال

[مفرفشة ومنعنشة]

السلام عليكم ورجمة الله وبركاته
شلونكم بنات
الموضوع مبين من العنوان
ابي ديرة باردة وتصلح لليهال ... اعمار عيالي الله يحفظهم ( 12 - 9 - 6 ) ... وان شاء الله بسافر شهر 6
ابي يكون فيها مدن العاب وحدايق حيوان وفعاليات تونس اليهال لانه بصراحة السفرة لهم
مابيها بس طبيعة وتسوق

قريت عن جنوب افريقيا انها مناسبة لليهال ... يريت الي زارتها تفيدنا
هونج كونج وشرق اسيا عموما حارة بالصيف
امريكا واستراليا وااااااااايد بعاد


ولا عليكم امر الي سافرت ديرة وتحسها تصلح لليها تكتب لنا تجربتها



ومشكوريييييييييين مقدما :eh_s(17):

 

[fri2010]

ماكو غير لندن

 

[سلام عشق]

ماكو غير مكان واحد

هــــولنده

ثالث دوله بالسياحه العام 2012

​

 

[StEllA]

ليش ما تفكرين بديزني لاند باريس
و تقدرين تنزلين بلندن و تقعدين فيها يومين و بعدين تاخذين قطار و تروحين ديزني لاند قعدي ٣ ايام و ردي لندن كملي تسوق
او عندج المانيا فيها يورو بارك يمدحونها

 

[remoo_007]

ارشح المانيا

 

[miss-21]

الجهال تصلح لهم ماليزيا ،، او اذا تبين دولة باردة ارشح لج فرنسااا وسفرة ممتعه يارب

 

[نـعـومـه]

فرنسا روحي ديزني لاند وعقبها عاد اختاري دوله ثانيه

 

[فنر 7]

نفس مشكلتي بالضبط بس ان بسافر شهر 8
وبخاطري ايطاليا (مابي المانيا ولا فرنسا ولا دول بعيده - وللعلم جنوب افريقيا ثمن ساعات عن دبي !)

ترا المانيا حلوه لليهال

 

[كويتية توتة]

اذا ماتبين طبيعة
عندج لندن
تروحين مع المكاتب السياحية هناك رحلاتهم يودون
سفاري بارك
ومدينة ملاهي التن تاورز
ومدينة ملاهي ما اعرف اسمها ع البحر كانت
واكثر من مدينة العاب يودون
ومصنع الكادبوري
ويودون باريس ومن ضمن رحلاتهم لباريس يودونج لديزني لاند

 

[الدلال]

لندن
فيها الطبيعه والجو الحلو والاماكن السياحيه والرحلات والتسوق

 

[Galaxy world]

النمسا و المانيا الاختيار الانسب

 

[اخت خالتهم]

النمسا حلوه حق الاجواء العائليه

 

[لصمتـي لغهـ ●}~]

اندونيسيااااااا وبس

 

[رنيـم]

المانيا ( يورو بارك مدينة ملاهي يبيلها يومين تروحون لها )
بادن بادن - المانيا ( الزحلاقيه الصيفيه حلوووه)
قمة كابرون في النمسا ( اذا تبون الثلوج )
شلالات كلام + شلالات كارميل في النمسا
واذا بتنزلون مطار فرانكفورت فيها حديقة حيوان حللوه وسوقها بعد عجييب

 

[بنت سعود21]

باريس فيها ملاهي ديزتي لاند ممكن تاخذين كم من يوم فيها
واكو ملاهي ثانية بعد اسمهاستريكس asterix هم بعد حلوة ومسلية للأطفال
وتاخذين لهم يوم الباص السياحي يلف معالم باريس الهامة
ويوم تاخذين قارب على نهر السين
ويوم تطلعون بالقطار إلى بروكسل في بلجيكا وهناك يقدرون يزورون نادي مشهور (نسيت إسمه) اذا هم أولاد
ويوم يروحون متحف الشمع او اللوفر واذا مالهم بالمتاحف تطلعينهم برج ايفل أو قوس النصر يشوفون باريس من فوق
وبع\ها تطلعون على مدينة ديفون الفرنسية على حدود فرنسا تاخذون كم من يوم هناك
ومنها تطلعون جنيف يوم ومدينة آنسي وقرية ميجيف فيها زحليقة صيفية تهبل وايد وفيها عربات اللي تجرها الخيول تمشيك في المدينة

الفعاليات كثير أهم شي انتي قرري على مكان ومانقصر معك

الله يخلي لك عيالك ويخليك لهم يارب

 

[M!SS.LOBY]

لندن او النمسا