دور ثآني (كيمياء + فيزياء + رياضيات ) >> بلييز محتاجه مساعدتكم

[قدساويه شيطونة]

السلام وعليكم بنآآت
رفيجتي توؤم روحي عليها دور ثآني بهالمواد
(رياضيات + وفيزياء + وكيمياء )
>> 11 علمي << ​

و ودي اساعدها بأي شى بليييز !!​

أبي جدول الامتحانات ووقتها متى ادري ب شهر 9 بس متى مادري ؟!!​

واذا اكو معهد او اي شى تقدر تدخله بهال وقت بالصيف يعني مدام ماكو شغل !! :rerrerek:​

بليييز ساعدوني وربي ما اقدر اجوفها جذي واسكت :eh_s(2):​

 

[Zozowa j]

امبيي حيااتي الله يوفقها
لو داشة ادبي ؛/
هذا خوش معهد كنت اروحلة ٢٢٢٥٠١٣٠
بس مادري اذا في الحين :x

 

[Freakya]

ما أتوقع تنجح لأن الامتحان بالكتابين مو ؟ !

أحسن لها تعيد السنة أو تحول أدبي

النظام تراكمي

 

[قدساويه شيطونة]

امبيي حيااتي الله يوفقها
لو داشة ادبي ؛/
هذا خوش معهد كنت اروحلة ٢٢٢٥٠١٣٠
بس مادري اذا في الحين :x

امييين ياارب
بدق وبجووف

مشكووره قلبي

ما أتوقع تنجح لأن الامتحان بالكتابين مو ؟ !

أحسن لها تعيد السنة أو تحول أدبي

النظام تراكمي

حياااتي لاتقولين جذي تحبطينها ترى وربي اهيا تقرا الردود تراا

 

[lovkom]

ويييه !!

يالله انشالله ربي يوفقها يارب وتنجح بالمواد بس خليني اقولج على طريقه اخوي كان يايب دور ثاني بالفيزيا وسواها ..

خليها الحين تشف الجدوول وتشوف اول ماده عليها والافضل انها اتبلش تدرس الرياضيات ..

خل اتدق او تشترك بمعهد بمدرس خصوصي كل يوم ساعتين على الاقل لي نص رمضان تكون مخلصه الكتابين .. وتكون فاهمه عدل وترد البيت تراجع وتحل تحل ... جذي تكون ضمنت الرياضيات مع ليلة الامتحان تشد على نفسها وتنجح انشالله

نفس الشي الفيزيا مثلا لو رجعت من مدرس الرياضيات خليها تراجع الرياضيات بعد ساعتين بالبيت وتحل وتركز ..

وتدرس شوي الفيزيا على الاقل تاخذ اول شي كل تعاريف الفصل الاول وكل القوانين تحفظهم عدل مثل اسمها .. بجذي تكون ضمنت درجات وايد بالماده .. بعدها يكون عندها كل شي سهل من علل ومن مسائل لإنها تكون حافظه القوانين ..

اخر شي الكيميا خليها تحفظ العناصر عدل عدل واذا كان فيه مسائل خليها تحفظ قوانين واتطبق ونفس الشي التعاريف وتركز عليهم عدل وانشالله تنجح بإذن الله

بس لاتعتمد على المدرسين حتى لو فهمت ترجع البيت تراجع عدل عدل جنه باجر ليلة الامتحان ..

وطمنينا عليها

 

[nono93]

اذا تحبينها قولي لها تعيد السنه وتحووول ادبي

ماراح تنحج كتابين وموووووووواد علميه بحتهههه

 

[احساس قباني]

الله يوفقها يارب

ماعليج من كلام البنات واللي تحبط

خل تمتحن واذا مانجحت تحول ادبي الله كريم ان شاء الله

 

[يس يس يس يس]

الله يوفقها يارب
اذا تبى اعطيك رقم مدرس فيزياء زين

 

[صوآديف الآيآم]

احسن لها تعييد السنه وتدخل ادبي دام هل شيء هي موب فالحه فييه

 

[MayOumii~]

شووؤفي اهيا ختشد حيلها وتدرس كل يوم تخصص حق كل مادة ساعة
وخليها تبدي بالكورس الثاني بعدين الاول لان الثاني اهيا شوي عارفته

وانا خايفة عليها اذا نجحت تسقط مرة ثانية بـ12 الله لا يقوله..
يعني مادري ختشوف اذا قدرت تعديها ختعديها

وبنات لا تحبطونها يعني البنية الحين
اقدرت تدرس 8 كتب من مواد مختلفة ماتقدر تدرس
كتابين من نفس المادة؟؟...أكيد تقدر بس ختشد حيلها و
الله يكون بعونها

 

[~✿ ارتـِوآآآء روح !]

الله يسهلهاااا ويفرجهااا عليهااااا
حبيبتي الحين بكل محاافظه حاطين مركز حق اللي عندهم دور ثاني وحق كل الصفوف ابتدائي ومتوسط وثانوي
شوفي لهاا مكان قريب
والله يوفقهااااآآ
ولكن اذا تبي نسبه عآآآليه ختعيدهااا وتجاابل اول بالاول والفشل بدااايه النجاااح
والله يحفظهااا ويسعدهاااا​

 

[بنتmbc1]

Up

up

up

up

up

 

[قدساويهـ]

خليها تدرس وان شاء الله بأذن تنجح

بنات بلا تحبيط اذا ما نجحت لا سمح الله تحول ادبي

خليها تحط مدرسين يدرسونه كل يوم حصه او حصتين واذا راحوا تراجع ع اللي اخذته اكييييييد ما راح يأخذ منها وقت

جوفي خليها تحط كل القوانين الفيزياء بورقه وقوانين الرياضيات بورقه وتحفظهم وتطبق ع كل يوم او يومين مسأله وبجذيه راح تخلص الرياضيات والفيزياء بسهوله صدقين

ب12خليها تحط مدرسين من اول السنه يتابعون معاها

موفقه ي رب وان شاء الله تنجح

 

[قدساويه شيطونة]

مشكوورين حبايبي كلكم :$

 

[Ǥoldɛn ʝɛωɛL]

الله يعينها
عاد هالمواد أساس العلمي يعني كان دخلت ادبي مادامها ما تقدر عليهم ..
ماعليه خل تشد حيلها اكثر و تدرس لهم و الله يوفقها ان شاء الله

 

[FsForya]

الله يعينها انشالله وينجحها

 

[قدساويه شيطونة]

آمييين تسلموون حبآيبي :*

 

[L I Z A]

دامها فاضية فخلها تدرس من الحين خليها تقعد من صلاة الفجر للظهر تدرس لانها افضل اوقات الدراسة وخليها تقسم الكتاب لاجزاء يعني من صفحة 1-40 بعدين تاخذ راحة وبتعدين تكمل من 40- 80 وترتاح و تحمل اوراق اختبارات سابقة وتحاول تحلهم واذا بتدرس لا تثقل بالاكل و لا تشرب قهوة وشاي وتنام قبل لا تدرس على الاقل 7 ساعات وبعدها تتريق وتدرس ووقت الدراسة لا تدرس واهي يوعانة ووقت الامتحانات تراجع قبل لا تنام وتقع عالساعه ٤ تراجع لين ما يبقي للامتحان نص ساعه تهد الكتاب ولا تراجع كلش من الكتاب اذا بقى نص ساعه الى اذا حست انها نست شي تراجعه الي نستة بس وتصك الكتاب وتحاول تهتدي نفسها و هم بعد لا تنسى الصلاة

 

[بدلية]

الله يعينها

شوفي اهي تقدر لان السالفة مو مستحيلة

بس تحتاج مجهود جبار مايسويه الا الي عازم على الشغلة

اذا اهي فعلا عازمة على النجاح

لازم من اليوم تبدي تدرس وطريقة الدراسة الي افضلها

اليوم الاول :
الصبح:اول فصل من كتاب الكيميا الجزء الاول
العصر:اول فصل من كتاب الفيزيا الفصل الاول
المغرب او وقت الليل:اول فصل من كتاب الرياضيات الجزء الاول
اليوم الثاني والثالث نفس اليوم الاول

اليوم الرابع:
الصبح:ثاني فصل من كتاب الكيميا الجزء الاول
العصر:ثاني فصل من كتاب الكيميا الجزء الاول
المغرب :ثاني فصل من كتاب الرياضيات الجزء الاول
واليوم الخامس والسادس نفس الشي

وهلم جرا

لين تخلص الكتابين وان شاء الله يمدي

والايام الباجية تقضيها حل لمسائل الكتاب للفصول كلها كل يوم تمسك فصل باي مادة وتحل مسائل الكتاب الي فيها

اذا سوت هالطريقة بضمير ومانجحت معناته انا ما افهم شي

ويالله يارب تبشرنا بنجاحها

 

[أحلى البشر]

خل تقعد مع نفسها قعده جاده اهي ميولها علميه والا ادبيه ؟؟؟
لو قالت علميه فالمسأله بسيطه تدش معهد ما اكثرهم بالجرايد وخل تدش من الحين ترى يمديها والوقت وايد
واذا قالت ادبيه خل تحول ادبي وترتاح وعادي لوتأخرت سنه ولا انها تبتلش بالعلمي ووراها 12 ومعدل
وخل تستخير اهم شي