دوره تروح ودوره تجي

[فتون777]

مساء الخير*
صباح الخير

انا مره محتاره ومو عارفه ايش الي فيني
كل ما اسئل امي الله يخليها لي تقول والله مادري شنو فيك يابنتي
كل شي يصير معك انا ما اعرفه ولا مر علي
روحي دكتوره
ورحت دكاتره كثير وكلهم سمعتهم ممتازه
انا يابنات
مادري شفيني تجيني الدوره 7 ايام
واغتسل منها وافضل من غيرها 5 او 7 ايام وترجع
بس تطول تقعد 11 او 14 يوم
وتتركني 7 او 9 ايام وترجع 7 ايام
يعني كل شهر تجيني منتظمه نفس اليوم او قبلها بيوم او بعده

سبعه ايام وتروح بس ترجع لييييييش

زوجي مل مني والله يابنات*

حملت وهي متلخبطه
قبل 3 شهور بس ماتم واجهضت والحمدلله

رحت للدكتوره قالتلي لخبطه هرمونات
وشربت حبوب وهذي الحبوب الله لايوري ولا وحده قرفها
جابتلي اكتئآب شديد


سؤالي مين تعرف الي فيني هذا ايش
وايش الحل

وانا الحين لي خمسه ايام الدوره راحت
واحس بألم قوي فرجولي*
وظهري ومغص يروح ويجي
كأنها الدوره بتجي

والله يخليكم بنات قولولي ليش ينزل مني دم بعد الجماع دم قليل


واحس بألم قوي عند السره وقت الجماع بس اسكت وما اقول لزوجي
*

الله يعافيكم ردو علي
انا تعبت من الدكاتره ابي حرمه تفهم شنو فيني

قولولي شنو اسوي

الي ماتعرف ارفعيلي الموضوع*
وجزاكم الله خير

 

[الأميرة جوري]

لازم تقرين عند شيخ سمعت بنفس حالتج ....او شوفي خلطه الشيخ ابراهيم الرويس بالنت واااااايد يمدحووونهااا

 

[غرام القمة]

الله يشفيج ياااااااااااااااااارب

 

[معاالي]

الله يشفيج

تحصني واقري سورة البقره كل ٣ ايام

 

[دآنة آلرشآيده]

مثل ماقالو الخوات اقري عند شيخ قلبي
الله يرزقج باللي تبينهـ​

 

[فتون777]

الله يجزاكم خير
امس كتبت الموضوع ونمت والحين قعدت فيني دم
يارب ارحمني

 

[تعب-قلبي]

حبيبتي اقري سوره البقره لمده ٣ ايام وكل يوم اقري الاذكار وحالتج يبيلها تشخيص عند دكتور ممتاز ويبيلها تحاليل عشان يعرفون من شنو واعتقد سامعه عن حبوب تنظيم الدوره ولا تخلين عمرج روحي غيرهم وبخصوص الدم بعد الجماع احتمال فيج قرحه بس لا تخافين يكوونها بدون ماتحسين سهالات

 

[شيخه كويتية]

الله يشفيج حبيبتي كشفي عند دكتور متخصص
ولاتخلين القران بعر كل صلاة اقري صفحتين خصوصا بعد الفجر

الله يشفيج
ويكتبلج الخيرر قريب

 

[حلاه الكون]

حبيبتي اختي نفس حالتج
وزوجها زههههق منها وهي حيييل تعبت واصار فيها عافيه اول شي اسالي دكتور عدل
راح اقولج عن حل سحري حتا زوجج مايزهق منج. الله يعينكم كل شوي دوره

شوفي اخذيلج ماش
واطحنيه واخذي ملعقه ماش مطحون واشربيها مع ماش كرري هالشغله 3مرات باليوم
واذا مافاد معاج كرري العمليه لمده 3ايام ورا يروح الدم عنج
لاااتخافين حبيبتي ترا هالطريقه مضمونه
ولاتنسيني من دعوه حلوه

 

[L.a.v.e.n.d.e.r]

الله يعينج ويشفيج
والله ماعرف بهالسوالف
بس ماحبيت اطلع بدون لا ادعي لج

 

[Zaina-al-zaina]

حبيبتي انا كنت نفس حااااالتج بالضبط !!!!

تعبت نفسيا ابي ارتاااااح !!! قبل لاتزوج صار فيني جذي !!!!
وبعدين وقف معاي شوي ورد لي عقب الزواااج !!!

كل ٩ او كل ١١ يوم دوره !!!

وتميت سنه متلخبطه علي !!! وعقب رحت لدكتورا شااااااااااااااااطره !!!

وشرحت لها وضعي وقالت لي :

ان وقت نزول البويضه ينزل دم معااااج + معاج تليف بسيط بالرحم !!!
وعطتني :
حبوب منظمه للدورا استخدمهم لمده ٣ شهوررر والله هدت اعصابي !!!
واسم الحبوب " حبوب بروجلتون" سوي سيرج قوقل وتلقين عنهم حجي وااايد

وهي حبوب ماتضر ...باذن الله وحده ...

وعقب عطتني منشط اسمه " سيرفون " وحملت بفضل الله ثم اهيا
في بنتي والامور بعدها تعدلت وصارت دورتي زينه !!

والحين انا الحمد الله حامل بدون اي علاج ....

والله يوفقج ويعافيج من كل شر

نصيحه اخيره انا قبل لا احمل نصحتني وحده اقرى سورة البقره
فقللت انصحج تقرينهاااا ....

وموفقه ...

 

[ملاك ^ الحب]

حبيبتي روحي الطبيب اخاف وياج قرحه لان اختي نفسج ولمن راحت حق دكتور اسمه عادل زهير قبال المواساه قالها قرحه بعنق الرحم وسوالها كوي

او تكون عندج التهابات قويه