دورتى الشهرية .. والحج

[غلا ألماس]

السلام عليكم أخواتي العزيزات ​

طلبتكم يابنات طلبه. لا تردوني تكفون لأني والله تعبت من جد .....​

ان شاء الله يكتب لى الله حجة هالسنة
بعد طول انتظار , والحمدلله بروح هالسنة للحج وسجلنا بالحملة انا واهلى
وقاعدة احاتى الدورة الشهرية راح تجينى بيوم عرفة
وخايفة تخرب على حجتى رحت للطبيب بس ما عطانى وجة
ومالة خلق لى , يقول اكلى هالحبوب واسمهم ( بريمولوت نور ) واهى حبوب منع الحمل للمتزوجات
وانا بنت يعنى خايفة انهم يسببون العقم لاسمح الله او انهم فيهم ضرر لانهم يلعبون بالهرمونات التناسلية
تكفون يا بنات والله احاتى وكل تفكيرى انشل ولا اعرف شسوى
انزين شنو تنصحونى اخذ اى نوع من الحبوب ؟
طيب هالحبوب متى لازم أخذهم ؟ يعنى قبل الحج بأسبوع مثلا , ولا لازم قبل الدورة بعشرة ايام​

حسبة دورتى من الحين اللى وقت الحج , اكثر من شهرلانى تونى مخلصة منها
يعنى برفع دورتى شهر و5 ايام تقريبا , هل فية ضرر ولا عادى !!
اتمنى تجاوبونى يا بنات واهل الخبرة اللى يعرفون , لانى ما اعرف لهالسوالف واول مرة لى ...​

 

[زينانه]

الحبوب اللي قلتي عنها زينه
وماتضر البنت انا قبل لااتزوج اكلتهم للعمره
الطريقه.. قبل موعد دورتج ب3 ايام
اكلي باليوم 3 حبات اظن او حبتين (سالي الطبيب احسن)
واتوقع حبتين وحده الصبح ووحده بليل
الى ان تنتهين من الحج ... واتركيهم ثالث العيد لان الدوره راح تنزل من بعد تركهم بيومين
والله يوفقج​