السلام عليكم ورحمه الله وبركاته
بسم الله الرحمن الرحيم
(( ربي لا تذرني فردا وانت خير الوارثين ))
(( فقلت استغفروا ربكم انه كان غفارا يرسل السماء عليكم مدرارا ويمددكم باموال وبنين ))
(( ربي هب لي من لدنك ذريه طيبه انك سميع الدعاء ))
(( المال والبنون زينه الحياه الدنيا ))
وأفضل الصلاة والسلام على سيدنا محمد وعلى آله وصحبه اجمعين
راح ابتدي موضوعي
طبعا انا دورتي كلش مو منتظمة يعني الدورة ما تنزل اللا بحبوب
عادي اقعد شهرين وثلاث ومرات اربع ما تنزل
وغير هذا فيني تكيس وضعف تبويض
الحمدلله على كل حال
وراضية باللي الله كاتبه لي
،،،
رحت عالجت وتابعت التبويض عندي وبدايه العلاج
كلوميد مع حبوب كلوفاج
وبعدين قاموا يعطوني ابر تنشيط للبويضة
وبعدين ابر تفجير ومتابعه التبويض ومراجعات
والحمدلله رب العالمين جسمي ما استجاب للعلاج وانا تعبت
وزاد وزني وتركت العلاج ابي ارتاح شوي
،،،
الحين الجزء الثالث من الموضوع اللي ابيكم تتابعونه معاي
واللي فيها مثلي ان شاء الله افيدها يارب وتحمل
طبعا اليوم نزلت الدورة وهذا اول يوم
بحط التاريخ علشان اذا نجح اللي بسويه الكل يستفيد
21-4-2011
كلمتني بنت عمتي عن وحدة تمرخ وتدهن وعندها ادويه
وعلاجات وهالسوالف
المهم
عطتني الرقم واتصلت فيها اليوم وعطيتها كل بياناتي
ومن شنو اعاني وشنو فيني واشكثر صار لي متزوجة
وكل شي خذته مني وسجلته
وقالت لي باجر راح اييلج الصبح تكونين على الريج
مو ماكله شي
وان شاء الله باجر راح تييلي وتمرخني وطبعا هذي اول مرة
راح اجرب فيها التمريخ والتدهين
وتابعوني كل يوم ان شاء الله استفيد وافيدكم
واذا ان شاء الله حملت او صارت نتيجة حلوة
عالاقل انتظمت الدورة او راح التكيس وتبون رقمها
اعطيكم
بس سامحوني ما اقدر اعطيكم رقمها الحين
لين اجربها واقول لكم كل شي بصدق وشفافية
وادعولي الله يرزقني الذرية الصالحة ويرزق كل محرومة يارب :eh_s(17):
