دورة متأخرة او انذار بالاجهاض ؟

[حلم مكسور]

السلام عليكم
انا دورتي منتظمة ممكن تتقدم يوم بس مستحيل تتاخر
حللت تحليل منزلي مرتين وطلع في حمل
بعد التحليل ب3 ايام نزل علي دم
والم ظهر مو طبيعي قوووي مرة غير الم البطن
رحت حللت دم قالوا مو متاكدين ادا في حمل اولا
وعطتني الدكتورة 3 احتمالات
يا حامل واجهضت ( انا استبعدت دا الشي لان الدم ينزل شوي ويوقف مو مستمر ومو غزير
او حامل وهدا اندار بالاجهاض
او دورة متاخرة
واقترحت ارجع لها بعد يوم او يوميين عشان اعيد التحليل
من صار معها كدا
وشنو الفرق بين دم الاندار بالاجهاض ودم الدورة المتاخرة

 

[Ranoon]

والله مدري عسى ربي يكتب لج الخير ويكون حمل
سليم
روحي دكتورة ثانية شوفي شنو تقول ؟؟؟


انا جتني دورة مرتين عقب نفاسي
وأنا بجر أولى دم دورة وثانية
دم خفيف لمدة ٥ أيام وفي بنات عادي
جاهم جذي دورتين وهن بجر


والحين ماجتني دورة انطرها
وأحس بطني جذي فيه مغص !!!
ودائما ينزل سائل ابيض !!!
الله يستر مابي احمل !!!


بجرب تحليل حمل منزلي وأشوف !

 

[مذهلة2013]

حبيبتي ذكرتيني بحالتي والله

قبل حملت حمل كيميائي تدرين شنو ؟

يعني سبحان الله نفسج حللت قبل الدورة بيوم وطلعت بوزيتيف يعني حامل

بعد التحليل باسبوع نزل علي شيء وردي وبعدين دم وقالي دكتوري حيان الاحمد

هذا يعتبر دورة شلون ؟ البويضه تلقحت وراحت على قناه فالوب وسبحان الله مادخلت الرحم

من جذي نزل عليج دورة ... والي نزل اكيييد البويضه مو سليمه واكييد خيره

ومن بعدها دكتوري شارط عليي شرط بعد الدورة ب 4 ايام حللي عشان يضمن دخول البويضه للرحم

وهذا حالتي بس مادري عن حالتج بس احتمال نفسي كان ينزل عليي دم عادي نفس الدورة مو قطع

ربي يوفقج

 

[fofowa_q8]

نفس كلام مذهله بالضبط

صارلي جذي حللت قبل الدورة وطلع في حمل وطاف موعد الدورة اسبوع تقريبا

وبعدين بدا ينزل علي دم تكرمين بني خفيف يومين وبعدين وردي وبعدين

دم بس ماكان غزير بس ٣ ايام ووقف ونزلت مني قطع تكرمين بس مو نزيف

نفس الدورة واقل بعد من الدورة.. وقالولي هذا حمل كيميائي مااكتمل

الله يعوضج خير يارب

 

[fofowa_q8]

ومارضو يعطوني مثبتات لان سوو لي سونار وماكان مبين في جيس ولا جنين

الطريقة الوحيدة اللي تتاكدين فيها انج تسوين تحليل

حمل هرموني وتشوفين النسبة اذا كانت نازله معناته اجهاض

وبعد ماتنظفين يسوون لج سونار يتاكدون ان مافي بقايا

وتقدرين تحملين على طول من تنظفين ان شاء الله

 

[حلم مكسور]

مشكورين حبايبي عالرد
امس تعبت مررره ورحت لدكتورة ثانيه وقلت لها الاصار معاي
وطلبت منها تسوي لي اشعه
قالت لي ان الدورة متأخرة من ٣ ايام صعب حيل يبان في الاشعه
ف اخدت مني تحليل دم هرموني
بس للاسف لازم انتظر ٣ ايام ع ماتطلع النتيجه
والمشكله للحين النزيف مستمر
والدكتورة رفضت تعطيني اي علاج
بس نصحتني بالراحه التامه
ادعوا لي ان ادا في حمل ( وهدا احساسي اني حامل ) ادعوا لي ربي يثبته وتكمل فرحتي بشوفة طفل في حضني
تعبت من النزيف والاجهاض
الله يرزقني ويرزق كل محروم

 

[حلم مكسور]

شنو يعني حمل كيميائي ؟
انا المرة الافاتت في حملي نزل علي دم ٣ ايام في موعد الدورة وحسبتها دورة بس كنت حامل وماكنت اعرف
ولما رحت حللت تحليل دم بعد ما وقف النزف عني ب٣ اسابيع مابين عندي اني حامل
واجهضت في نهاية الخامس


بس مافهمت شنو يعني حمل كيميائي
ممكن تشرحوا ليي
الله يعوضني ويعوض كا فاقده يااااارب