دورة الاربعين !!

[Om.hsoone]

السلام عليكم

شلونكم ان شاء الله كلكم باحسن الاحواااال

بنات عندي استفسااار عن دورة الاربعين او اخت النفاس !!

انا نفاس صار لي 21 يوم و ما نظفت بس مو نفس اول الايام لا شوي لدرجة قمت البس كيرفري و يوم ينزل و يوم لا

و صار لي يومين احس بالم الدوره بطني و ظهري و رجولي !!! ممكت تكون دورة الاربعين تبي تنزل الحين عاادي بنات ؟

مو المفروض تنزل آخر اسبوع بالنفاس او بعده

و بنات شلون يطلع الهوا اذا داخلني هوا و بعد الرطووبه شلون تروح

واللي يعافيكم لا تبخلون علي بالجواب ما لي غيركم
*

 

[كجمايا]

ام حسون فديتج اخت لنفاس ي اخر اسبوع من الاربعين او بعد مااطلعين ، انا تجيني بعد مااطلع باسبوع او 5 ايام ، وبالنسبه لرطوبه والافرازات تبين وتحسين فيها اذا شفتي نفسج مانشفتي ، واخر 10 ايام استخدمي تحاميل البيتادين تنزل الماي والافرازات والوسخ عزج الله ، اذا قدرتي تحطين تحميلتين باليوم افضل وحده الظهر والثانيه وقت النوم لين تطلعين تنشفج عدل ، وهالله هالله بالنقوعه اخر نفاسج هم تنشفج حيل ، اللي هي محلب ومره وصبره وعنزروت حطيها في بطل ماي صحه واشربيها طول الوقت ، وطالعه من الشر ي عمري ..

 

[امـ خــزامـى]

الدكتورره ماتنصح بااتحاميل البووثيل والبيتادين تقول هذي بس للالتهاابات

فيه تحااميل ثانيه للتنظيف حلوه وماتضر

والدوره مثل ماقالت الاخت يابعد النفاس على طول او بعده بكم اسبوووع

 

[حبيبي مالكني]

ان شاء الله البنات ما بقصرون
انتي اكلي اشياء تنزل الدم

 

[Om.hsoone]

يعطيييكم العافيه ع الردود

ام خزامى شنو اهي التحااميل بلييز ابي الاسم

 

[قلب الموده]

دورة النفاس بعد الاربعين باسبوع ولازم تهتمين فيها اكثر من اهتمامك بايام النفاس وهي تعدل الي ماتعدل باول ولادتك واحسن حل للهوا اذا تحسين عندك هوا داخلك الفلفل الابيض مع الحليب مرتين باليوم والله يوفقك حبيبتي

 

[Om.hsoone]

^^^^

حبيبتي الفلفل الابيض كلش ما تحملت حرارته قوييه !!

انزين بناات الله يعافيييكم انا الحين صار لي يومين تكرمون ما ينزل دم بس ينزل بييج غامج
شلوون ع الصلاه اصلي والا لازم كلش ما ينزل شي ؟؟؟

مع اني مو بجر بس نااااسيه كل شي عن النفاااس :/*

 

[Canon~]

حبيبتي اخت النفاس اخر اسبوع من النفاس او بعده

وحاولي تهتمين بنفسك اكثر استخدمي الحليب مع الماش والفلفل الابيض وشي ثالث نسيت


وخلطة الخمس فناجيل روعه روعه سوي بحث بقوقل وتطلع لك


وان شاءالله ماتطلعين الا وكنك عروس