دوران ولف الجنين

[وهــايب]

استفسار


بنات بغيت اسال عن دوران الجنين بالشهر الثامن
اشلون نحس فيه بدون سونار يعني الحين لما احس بضربات اخر البطن هل يعني هالشي ان للحين ما لف ولا صار راسه لتحت ؟؟؟؟؟؟؟
اشلون نتاكد من دورانه غير السونار وله اعراض كالام او شي
انا بجر متى الفتره المفروض تكون فيها الدوران

 

["لوزه"]

ان شاءالله البنات يفيدونج
بس ليش ماتبين تسوين سونار

 

[Moon touch]

ااااااااااب

 

[princess89]

أب أب

 

[وهــايب]

لوزه مو عن مابي اسوي سونار بس بغيت اعرف اذا بالاحساس يبين او اختفاء الركل والضربات اسفل البطن اهي دليل دوران تلجنين
وغير جذي موكل يوم بسوي سونار كثره مو زينه ابي اتطمن خايفه م القيصري

 

[امـ خــزامـى]

الله يقومك بالسلامه ياحلوه انا يوم كنت بالثامن كان فيه نغزات اخر بطني بس مو ركلات نغزات
وكان راسها للاسفل وجلست اسبوع من الشهر الثامن وولدت ولاده مبكره


الله يطمن بالك ويفيدونك البنات ان شاءالله

 

[دلووعة أهلهاا]

انتي نفسي بضبط انا بجريه وقبل اسبوع سويت سونار وقالتلي الدكتوره راس البيبي فوق والمفروض يكون تحت لانج بجريه وبأخر السابع واحتمال ضعييف تولدين طبيعي لانه مقعدي ورحت لدكتور الثاني بنفس اليوم بالليل وقالي نفس الكلام اني راح اولد قيصريه لاني باخر اسبوع بسابع والبيبي المفروض راسه تحت من بداية السابع لاني بجرر،،وبعد ساعتين موعدي عند محسن طلبه عشان يلف البيبي لتحت ،، ضروري تروحين تشوفين وضعج خصوصاً انج بالثامن حبيبتي،، دعواتكم الله يسهل علي حدي خايفه من اللف

 

[وهــايب]

ماقصرتي ام خزامي مشكوره على الرد

 

[وهــايب]

دلوعه اهلها يقومج بالسلامه يارب
بس اشلون يلف البيبي ماله مضاعفات ؟؟؟؟ وطمنينا عليج

 

[english muffin]

دكاترتكم يقصون عليكم
في السابع راسه فوق توووو الناس يعني
انا في السابع راسه كان فوق من دشيت الثامن نزل
بنت عمتي في التاسع نزل راس البيبي
ومافيطريقة تعرفين وين راسه الا السونار

 

[((غلاي))]

الصلاة
ترى الركوع و السجود تخلي الطفل ياخذ وضعيه سليمه

الله يسهل عليج يارب

 

[دلووعة أهلهاا]

توني راده من دكتور محسن طلبه قبل مايسويلي سونار قلتله عن حالتي وشنو قالولي الدكاتره الاثنين ،، قام يضحك وقالي البيبي يظل يتحرك حتى لو انتي بجريه لين نص الثامن اقدر احددلج وضعج وبعدها سوالي سونار وقال ان كلام الدكاتره صح لان بنتي ماخذه راحتها ومتمدده ورجولها داشه الحوض المهم خله ااسستر تمسك السونار وتخليه ع بطني *وهو مسك بطني وظل يلفها لين صار راسها بالعرض وقال تبين اكمل لج بس مارضيت وقال لو الفها لج الحين راح ترد تتحرك عشان جذي مابي اتعبج معاي وعطاني موعد بعد اسبوعين راح اكون بنص الثامن والله يسهل على كل حامل

 

[أبكاني ذنبي]

دلوعه اهلها عسى ربي يطمن قلبج

وترى انا في بدايه السابع راس البيبي تحت واقول للدكتورة اهو يتجز للولاده

قالت لا عادي بنص السابع او اول الثامن ممكن يرتفع او يغير حركته مانحكم الحين نحكم بنص الثامن

 

[وهــايب]

ماقصرتوا بنات
بس اذا مانزل الراس بالثامن يعتبر هذا الشي قرار نهائي للقيصري والا عادي ممكن بالتاسع يلف ؟؟؟

 

[english muffin]

لا بعد مب نهائي
لين حزة الحزة
حماتي تخيلي عطوها طلق صناعي حق يولدونها لانها دشت العاشر وماولدت
ظلت يوم كامل تطلق ومافتح رحمها
دخلوها قيصرية لانه رحمها مب كان راضي يتوسع بعد العملية قالت لها الدكتورة تدرين بنتج حزة الحزة كان راسها فوق !!!
تخيلي يعني لو كان فاتح معاها الرحم جان صارت مصيبة

 

[عزيزه نفسى]

حبيبتى لو موجود عندك اى برفان فية سبرتو او كلونيا رشيها حولين سرتك و نامى على ظهرك و انتظرى بعد شوى بتلاقية يلف و يركض كمان
الله معك حبيبتى ​

 

[الليدي فراوله]

الله كريم اعجبني الموضوع حيل خصوصا اني هالمره بحملي صار فيني جذيه وللحين انطر علي امل ينزل راسه واولد طبيعي

 

[وهــايب]

ماقصرتي مافن يقومج بالسلامه ان شاء الله



عزيزه !!!!!! شكو البارفان




فراوله عسى الله يريح بالنا و يرزقنا بالولاده السهله الميسره الطبيعيه

 

[Unico Style]

انا يوم راس الجنين كان تحت حوضي قام يعورني وايد

 

[وهــايب]

ستايل اي هذا اهو ابي اعرف اعراضه والآمه بس انا للحين ماحس بالام بالحوض يعني لسه مانزل الله يعين. مشكوره يوفقج ربي