دوا الكورتيزون والربو سعدوني

[شووكولاته]

السلام عليكم ولدي عمره 9 شهور وكم مره يتنق صدره ويعطونا كمام

والحين معطينه دوا الكورتيزون خايفه اعطي يقولون يأثر عالعظام وقريت الاعراض الجانبيه تخرع وولدي حتى المضاد الحيوي يرجعه

بس كمام ممكن يتحسن صدره بدون المضاد والكورتيزون:bbbiu:الي عيالها فيهم ربو تعطينهم هالكورتيزون عادي ....

 

[مسك اسود]

السلام عليكم
حبيبتي انا اعاني من نفس مشكلتج مع بنتي وعمرها الان سنتين,استخدم لها الكمام من يوم عمرها تسعة شهور,و من كثر موانا وسواسيه ما خليت طبيب في الكويت وبرا الكويت الا وسالته عن الكمام والكورتيزون والكل اجمع ان مافيهم ضرر على الطفل دام ياخذهم عند الضروره وتحت اشراف طبيب,والربو مع الايام كل ما كبر الطفل راح يروح عنه,وجو الكويت يسبب حساسيه للكبار والصغار,انا بنتي ما ابالغ اذا قلتلج انها احيانا تاخذ الكمام بالاشهر وما تقدر تلعب مع اليهال بس تركض شوي لازم تاخذ كمام,اما لمن اسافر بره الديره الحمد لله ترجع طبيعيه وننسى شي اسمه كمام او كورتيزون.
المهم لا تحاتين وخليج على الكمام مافيه ضرر حتى وان طول معاج لانه مجرد استنشاق اكسجين واحسن من الادويه الكيماويه,والكورتزون شي مؤقت هم لا تخافين منه.
ادري طولتها عيج يا عمري بس حبيت اطمنج,واسال الله العظيم رب العرش العظيم يشافي بنتي وولدج وجميع مرضى المسلمين اللهم اااااااااااامين.

 

[(المباركيه)]

لاتعطينها لاكمام ولاكرتيزون لاتستعجلين
وديها بوحيمد ممتاز للربو
وكلش ماينصح بالكمام
اتوقع يعطيها وقائي وعلاجات وان شاالله بنتش بتحسن
انصحش فيه ممتاز

 

[شووكولاته]

مشكورين خواتي بوحيمد وين مكانه

 

[(المباركيه)]

بوحيمد في مجمع الاستشاري الطبي
قبال مطافي السالميه

 

[in style]

الله يشفيها انا عطيت ولدي حتا اسمه بالميكورت و ان شاء الله ماكو الا العافيه فتره و تعدي