دوام الروضه متي ؟؟؟

[اطياب طيبه.أم عبدالله]

:68_asmilies-com:

السلام عليكم

حبوبات بغيت اعرف متي اول يوم بدوام الروضه ؟؟؟
بنتي البكر يه بتدش اولى روضه وما ادري متى ؟؟؟:0bee2e8d89:
واحسن مكان اييب منه ملابس الروضه غير مجمع الايوب؟؟

انزين اذا انا ماسجلتها للحين بالروضه يصير اروح اول يوم بالدراسه واسجلها ؟؟؟

انطر ردودكم يالغاليات :tek:

 

[Miss Miaw]

اتوقع الدوام اول 9 بس مو ذاكره التاريخ ...وبعدين التسجيل مسكر من 31/5 ليش ماسجلتيها من قبل ....؟؟؟؟

 

[اطياب طيبه.أم عبدالله]

والله يا اختي ما لحقت اسجلها كللللش
كان عندي ظروف
طيب اتهقون اول يوم اقدر ادش المدرسه واسجلها ولا ممنوع؟؟

 

[غلاي غير]

لا مايصير اول ما يداومون المدرسات روحي اخذيلج اوراق التسجيل وطعميها ويعطونج طلبات صور وبطاقه وهالسوالف وخلاص لا تنطرين ليما يداومون اليهال

 

[السنعة2]

المدرسات يداومون اول 9 والاطفال 9/9

وممكن تروحين تسجلين مع بدايه دوام الاداره
وفاميلي كير وايد حلو حق لبس المدارس

 

[اطياب طيبه.أم عبدالله]

اختي السنعه
وين صاير فاملي كير الله يعافيج؟؟؟

غلاي غير
حبوبه انا خلصت كل اوراقها وطلعمتها الحمد لله ملفها كامل
بس للحين ماسجلتها بالمدرسه

 

[ريماا]

يداومون اول تسعة الله يعينا

 

[F.A]

الله المستعان

 

[اطياب طيبه.أم عبدالله]

مشكورين على مروركم حبيباتي

 

[nice-girl]

متى 9 بالضبط بنات؟؟؟؟؟؟؟؟؟

 

[أم مشموش]

اختي ترا ملابس الايوب ماشالله غسيل ولبس الصيفي والشتوي واسعارهم مناسبه وموديلاتهم وايد حلوه انا جربت حق بنتس العام كانت اولى روضه وخواتي قالولي روحي الايوب وكنت رايحه وانا ضايق خلقي بس الحمدلله والله جربتهم بالصيف والشتاوعزج الله الجوتي خذيتلها من لاندمارك ماشالله جواتيهم اكدون كد مع لستعمال وأسعارهم اتينن واالايوب تخلصين منه كل شي من الشباصات لي تكرمين لدلاقات وانشالله اكون فدتج

 

[اشراقة الحياة]

8 - 9 انشاللله الدوام

انا الملابس كنت اخذ من مؤيد المير و اوش كوش الي بلازا جولي

وانشالله اكيد تقدرين تسجلينها

 

[toyo]

عادي ام عبود انا سجلت بنتي اول اسبوع الي داوموا فيه المدارس لان ابوها كان مسافر وماقدرت اسجلها الا بداية السنة


واذا على الملابس عندج فاملي كير وايد حلو شغلهم

ولا تنسين بنت ابوي مسوية شباصات وباندات عجيبة

 

[نظامية]

سجليها اول سبتمبر اول مايداومون المدرسات ورحي المير (بلازا حولي) عنده ملابس حلوه للاطفال

 

[kuwaitya_zoGaa]

استغفر الله ,,, للرفع

 

[مشغوله و محتاسه]

دوام المعلمات 1-9

لا تنتظرين لدوام الاطفال ترا ما يقبلونها


موفقه

 

[اطياب طيبه.أم عبدالله]

مشكورين حبيبات قلبي على الرد
وابشركم رحت الايوب وشريت لها مريولين
وعزكم الله جوتي ودلاقات وشباصات
وملابس داخليه

وبروح ان شاء الله اول 9 واسجلها

 

[¤§ زيتونة §¤]

الله يخليها لج حبيبتي




انا بعد بنتي الوحيدة بتدش السنة فديتها



حياااااااتي



مادري شبتسوي اول الايام والله بتسوي لي مناحة وتفضحنا بين العربان ههههههههههههههههههههههههه



الله يخليهم لنا يارب

 

[اطياب طيبه.أم عبدالله]

زيتونه
واخيرا حصلت وحده تحس بشعوري
اتصدقين من الحين احاتيها
شبتسوي شكلها بتسوي مناحه اول يوم
هههههههههههههههههههههه
عاد انا مالي شغل بخليها وبروح دوامي
الله يعينهم المدرسات

 

[¤§ زيتونة §¤]

ام عبدالله

والله يختي هالبنات ياخذون القلب اسم الله عليهم يهبلون
على قولتج بنخليهم ( بمعية ) الابلات هههههههههههههههههههه



والله يهديهم ان شاءالله ويتاقلمون بسرعة





فديت اللي بيلبسون اول لبس رسمي بحياتهم يقلبي