دوالي الخصية؟؟؟ افيدوني الله يجراكم الخير

[aya faid]

السلام عليكم بنات


انا قبل فترة كتبت موضوع عن رفيجتي الي متزوجة صرلها حوالي 8 اشهر وللحين ماحملت

اهي عمرها 30

بس تذكرت شي قلت اسالكم

زوجها كان عنده دوالي في الخصيتين وعالجهم بالجراحة

وقريت عالنت ان بعد العلاج سواء بالجراحة او المنظار تكون نسبة الحمل 60%


هل تعتقدون تأخر الحمل سببه مشكلة زوجها؟؟ والي اهي الدوالي مع انه سوا عملية من سنين وعالجها؟؟


واشلون يعرف اذا اهي السبب في تأخر الحمل ولا لا؟؟ في تحاليل معينة؟؟


وشنو بيكون العلاج حزتها؟؟



امانة عليكم وارجوكم الي تشوف الموضوع تدعيلها بالذرية الصالحة

رفيجتي هذي قريبة مني حيل وامرها يهمني حيل


والي ما عندها فكرة ترفع الموضوع

جزاكم الله الخير والثواب ورزق كل محرومة الذرية الصالحة اللهم امين
​

 

[قلب مغليك]

الدوالي مو شرط سبب تأخر الحمل لان احيانا يكون عنده ضعف بالحيوانات المنويه او الحركة او حتي التهاب كله ياثر علي الحمل وفي دكاتره يقولون انها سبب لتاخر ودكاتره لا
بس خل تسوي تحاليل شاملة ترا العمر كل ماكان صغير كل ماكان العلاج اسهل
الله يرزقها

 

[زين ودلال]

حبيبتي ماعندي فكره للاسف عسى الله يرزقها بالذريه الصالحه يااااااااارب

 

[aya faid]

مشكورة قلب وزين

الله يجزاكم الخير





بنات 40 مشاهدة مافي الا اتنين ردوا !!!

 

[q8 83]

مادري اذا تختلف من حاله لي الثانيه بس انا زوجي مسوي العمليه و ما أثرت على الحمل كلش ما شالله

 

[MuChaCha]

اناا زوجيي سواهاااا من فتره بس ماعرف لانه انا حملت قبل لا يسويها !!

بس الدكتور عطاه منشطات وقاله كل 3 شهور يسوي تحلييل حيوانات منويه

بس اللي كان يلمح له الدكتور انه احتمال الشي يطول عشان ترد طبيعيه

بس خيراجعون الدكتور عشان يعرفون وين التاخير واذا ضعف بالحيوانات المنويه هم بيعرفون اكيد !!

 

[aya faid]

q8 83

صج؟؟ الحمدلله وماشاءالله،، زين العملية سواها جراحة ولا منظار؟؟ وصرلها فترة طويلة؟؟

MuChaCha

مشكورة اختي جزاج الله خير وبقولها يسوي فحوصاته

 

[q8 83]

سواها منظار و الكلام هذا قبل نتزوج يمكن بسنه

 

[تبطي عظم!]

ماعندي فكره الله يرزقها

 

[السحابيه]

خلهم يروحون يسوون فحص الخصوبه لهم اثنينهم وإن شاء الله تحمل قريب

 

[&هند&]

حبيبتي خل شيك على الهرمونات لان ساعات يرتفع هرمون الحليب عند الريجيل وياثر على الحمل ،،،​

 

[-_-Designer-_-]

والله ما عندي فكره , وانشالله الله يرزقها بالذرية الصالحة قريب

 

[aya faid]

مشكورة بنات ماتقصرون

اعتقد الموضوع لو حاطته بقسم تأخر الانجاب يكون افضل

 

[رفيقه الأمل]

الله يرزقها بالذريه الصالحه ياااارب

 

[عالمي المجنون]

الله يرزقها