بسم الله الرحمن الرحيم
بنات انا صارلي فتره طوييييييييييييييييييييييييييييييييله بكتب هالموضوع بس متردده
انا اتابعكم من زمان وودي افضفض لكم
ادري ان انتو تنصحون ن كل قلب ونصيحه خالصه لوجه الله وانا مااحب اشكي للناس القراب مني لان اوتتشمت
فيني او يقولولي محد طقج على ايدج
الهم راااح ادش بالموضوع
والله ياكويتيات سالفتي من صج وانا الحييين حيييل مجروحه
ادش بالسالفه انا وانا صغيره عشت طفوله حييل مجروحه
وفيها مشاكل اللي تحصل بكل بيت بس كانت حيل تاثر فيني لاني حدي خوافه متعلقه بأمي
السالفه يابنات انا صار فيني مرض السكر اقوى نووع من وانا صغيره واخذله 4 ابر وتميت ع هالحال لييين كبرت
وصار عمري 22 وانا ماانخطبت وكل مايبي احد يتقدملي عندي حريم حييل قرااب يردونهم يقولون هاذي مريضه
وتخيلو هذيل الحري اقرب الناس لي بس لاحول ولا قوه الا بالله وفي وايد ناس بعد يخطبوني بس او يقولولهم ريضه
او ولد عمها يبيها بنات انا ماابي عيال عمي لان ولدهم ماخذ اختي ام وخواته مخبلييين فيها وكل مشاكل
ومعذبينها وانا ماابي ولد عمي لان انا من النوع الحساس والخواف وااحب المشاكل المهم وكان في فتره في زعل
بينا وبين عمامي فأمي كانت تتمنى ان ولد عمتي يخطبني لان عمتي وايد حليوه وزينين وعيالها محترمين بس شنو اهم مو كويتيييين يعني ((بدون))
وفعلا اخطبتني عمتي وماصدقت بصراحه لان كلام الناس وايد اثر فيني اني مريضه والحين بالزمن هذا محد يخطب
وحده مريضه فوافقت بسرعه ن غير تفكييير لاني كنت غبيه وكلام الناس اللي مافي بقلبهم رحمه مع اني حيييل جمييله والله وزوجي مو مصدق اني خذيته
انا كويتيه وتزوجت بدون لان عمتي زوجها بدون بنات انا حييييل تعبت اتوقعت جذي توقعت ان عنده معاش على
الاقل اهو كان موظف بس تعب شوي عقب الحادث وطلعوه من الدوام والحين ماعنده معاش غير معاشي انا موظفه
بالحكومه وراتبي 650 فقط لان شهادتي ثانوي وايجار شقه وخدامه انا حطيت خدامه لاني مريضه وماللحق على
شغل البيت واقساط سيارتي بنات اانا اللي اول عند بيت امي راتبي لي بروحي وعلى كيفي بنات رااح تقولون
ليش وافقتي من البدايه انا قتلكم السبب وبنات عقب ماتزوجت كان موظف وراتبه 170بسس@@ انا انصدمت لان
عمتي قالت ان راتبه400 شدراني انا بعد قلت اكيد اهو بيتحمل مصاريف البيت والشقه وناسعد بعض اهو وااايد زين
وطييب وحبوب بس عصبي واااايد بس انا بنات حيييل مدلعه والله كنت ماني قارده على هالحياة واانا والله واللله
والله العظييم الكلمه اللي الحيين بقولها ماقلتها لغيركم ان حيييييل متحسفه اني تزوجت ادري غلط اقول جذي بس
اللي تجرب اللي انا جربته والله تنهار انا ماتوقعت جذي ولا اعرف شي عن حيااااات البدون لان عمتي موووحييل
معاها كنا بس سبحان الله نصييب واهي كانت حييل طيبه بس ليش جذبت براتب ولدها ولا والحين ماكو وظيفه يعني
زوجي مايشتغل وهمن صارلنا 3سنوات متزوجين بنات الله مارزقني بعيال لما راح زوجي يسوي تحليل طلع مافي حيوانات منويه صفر
انا بعررف شنو اللي سويته علشان يصير فيني كل هذا اطالع البنات والناس شلون حياتهم وانا والله دمعتي على
خدي وماااحب ابين حق احد ماااأحب العطف ياربي والله اكتب ودموعي مغرقه الكيبورد انا حييل تعبت ودي اقول
حق امي بس امي اللي فيها كافيها عيوز ومريضه وكل ماشافتني سالتني شفيج اهي بعد حاسه انا احس ان كنت
نايمه وصحييت وين بالزمن هذا وحده تتزوج بدون بهالحياة الصعبه والغلاء ومافي مستقبل انا شسوي والله
مخنووقه بمووت استغفرالله والله ادش الحياة الزوجيه اطالع بعض مشاكل البنات اقول عيل انا شقل انا
حيييييييييييييييييييييييييييييل تعبانه وحالتي مايعلم فيها غير ربي
يعني انا اعاني ان زوجي بدون
وصارت في اعاقه بسيطه بظهره بسبب الحادث
ومايشتغل
ومافي عيال
الله سبحان وتعالى قال المال والبنون زينت الحياة الدنيا وانا لا مال ولابنون شسوي والله احس ماعرفت اووصل شعوري لكم بس اتمنى ووصل
اعينوني بالكلمه الطيبه اعانكم الله
بنات انا افكر بالطلاق امانه واللي يعااافيكم شووورو علي اطلق بس اخاف من حوبته
لان وااايد يراودني التفكيير بالطلاااق بس خاايفه عفيه ابي شي من قلبكم صج صج طالبتكم وابي المشوووره
لان وااايد يراودني التفكيير بالطلاااق بس خاايفه عفيه ابي شي من قلبكم صج صج طالبتكم وابي المشوووره
:aha:
التعديل الأخير:
