~ البارت الاول ~
ببيت ناصر
البنات قاعدين يسولفون بس ريهام قاعده بروحها بالزاويه تكلم بالفون
...........: اقول متى تسوين اللي قلتلج عليه ؟؟؟
ريهام : قريب قريب لصبر علي بس
.........: يلا اصبر واشوف ولا ها ترى ماكو فلوس
ريهام بسؤعه تتحجى : لا لا لا افا عليك بس انت جهز الفلوس ( وتخزه ) وانا سويت اللي علي
..........: الفلوس جاهزه بس باقي تنزلين راسه بالارض بس ها لا تنسين مانبي الثقل اللي علي ولا ترى كل شي راح عليج
ريهام : اكيد ما انسى يلا انا لازم اسكر الحين باي
...........: بايات
____________________________________________________
ريهام رفيجة ريم الروح بالروح عمرها 19 ثاني سنة جامعه تدرس تربيه مع ريم وساره مغروره ومتكبره وانانيه ماتحب الا نفسها وصايعه وتكلم نصشباب الديره وتسوي نفسها انا المسكينه جدام اهل رفيجاتها ورفيجاتها وتساعدها اختها امل بكل شي ومايهمها احد اللي براسها تسويه ينس تسويه ، مواصفاتها :ضعيفه متحجبه سمره عيونها عاديه ورموشها كثار وخشمها كبير وشفايفها كبار وشعرها طويل وعصله
امل اختر يهام عمرها 17 اخر سنه بالثانويه دلوعه ومغروره وبس تمدح نفسها وتحب المشاكل ، مواصفاتها : متينه شوي وبيضه وعيونها صغار حيييل وخشمها مو حلو لان اذا ضحكت يصير كبير وشفايفها كبار وشعرها قصير لكتفها
_______________________________________________________
ريهام راحت للبنات وتطالع امل : يلا اموله لازم نمشي الحين
ريم : لا وين ريهامو تو الناس قعدي معاي شوي
ريهام : لا حبيبتي تاخرنا يلا نشوفج مره ثانيه
ريم ابتسمت : أي عاد تعالوا مره ثانيه
ريهام : انشاءالله يلا مع السلامه
ريم : مع السلامه
اول ما راحوا حور طلعت من غرفتها مستانسه
حور : اوووف مابغوا يروحون والله لاعت جبدي وانا قاعده بروحي
ريم : ليش ما قعدتي تحت عند عزوز وامي وابوي
حور : منو قال تحت انا كنت تحت ماكو احد
ريم : أي صح اليوم رفيج أبوي عازمهم عالغدا
حور : اها اوكي يلا امشي تحت
_______________________________________________________
ناصر ابو عزيز عصبي حيل كلمته تمشي على الكل وعمره 42
حصه ام عزيز هاديه وحنونه حيل عمرها 39
عبدالعزيز عمره 25 يشتغل مع ابوه بالشركه عصبي حيل بس حبوبه ونكته ويحب ينرفز ، مواصفاته : ضعيف اسمر عيونه ناعسه لونهم عسلي وخشمه سلة سيف وشفايفه صغار ومسوي ديرتي ومجسم حييل وشعره كثيف لونه عسلي
حور عمرها 21اخر سنه بالجامعه تدرس هندسه حياتها كلها ضحك بضحك جريئه مع الكل الا سعود تستحي منه وتحب الطلعات والقز ما تحب القعده بالبيت وتحب ولد عمتها سعود من واهي صغيره ، مواصفاتها : بيضه عيونها حلوه وخشمها حيل حلو وشفايفها صغار وشعرها لنص ظهرها اللي يشوفها يعطيها اصغر من عمرها
ريم اخت عزيز وحور عمرها 19 ثاني سنه جامعه حبوبه حيل وطيبه بس لسانها طويل وماتسكت عن حقها وتحب الطلعات وحيل مع اختها حور وساره بنت عمتها وريهام رفيجاتها بس مسكينه وعلى نياتها ما تدري عن سوالف ريهام ، مواصفاتها : ضعيفه وحنطاويه عيونها عاديه وخشمها طويل شوي وشفايفها صغار
______________________________________________________
ببيت عبدالله
منار : شوق اذا فاضيه ابيج تروحين الجمعيه تييبين اغراض عشان اسوي حلو
شوق قامت : اوكي الحين رايحه ( واخذت الطلبات ) يلا باي
منار: بايات انتبهي على نفسج حبيبتي
بعد عشر دقايق وصلت شوق الجمعيه واشترت الاغراض اللي طلبتهم منار واهي تحاسب شافت واحد ابتسم لها واهي بعفويه ردت له الابتسامه واستوعبت الحركه وتفشلت ونزلت راسها وبعد ما حاسبت ردت البيت
خالد : شوق وين كنتي ؟؟؟
شوق : كنت بالجمعيه اشتري اشتري اغراض
خالد : انزين مره ثانيه استاذني مني اذا بتطلعين
شوق : اوكي خلاص بس لا تنسى بعد شوي بنروح عند عمي محمد
خالد : لا ما نسيت بس لا تنسونبعد نص ساعه انتوا جاهزين عشان نروح لعمي محمد وقلي لشيخه ويلا مع السلامه لا اتاخر على المسجد
شوق : اوكي .. بحفظ الرحمن
وراحت قالت لشيخه
شيخه : انشاءالله بس اخذي مها ( بنتها ) معاج على ما اجهز نفسي
شوق : انزين
واخذت مها ونزلت لمنار وقالت لها تجهز نفسها
الساعه 1:15 الظهر
______________________________________________________
عبدالله او خالد ومها ام خالد متوفين من اربع سنين
خالد عمره 31 متزوج شيخه بنت عمه نسخه من منار اخته وعنده بنت حنون على خواته حيل ومايرضى عليهم
منار عمرها 24 تشتغل بشركه ابوها الله يرحمه مع خالد هاديه وطيبه وماتحب المشاكل ومتفاهمه وخجوله واي احد يهاوشها تسكت كتومه وقلبها ابيض وماتحب تختلط بالناس وايد ، مواصفاتها : برونزيه عيونها عسليه وخشمها صغير وشفايفها صغار وشعرها طويل لونه عسلي وجسمها منيكان
شوق عمرها 23 دكتوره اسنان طيبه وبسرعه تدخل القلب ، مواصفاتها : حنطاويه وعيونها مو كبار ولا صغار خشمها صغير وشفايفها كبار شوي وشعرها لنص ظهرها
_______________________________________________________
ببيت العم محمد
الكل جاهز وراحوا لبيت العم محمد
وصلوا سلموا على الكل وتغدوا وبعد الغدا قعدوا يسولفون
الساعه 4:30 العصر
منار راحت المطبخ عشان تييب الحلو بس ما حست الا بواحد يلمها من ورا بس لفت انصدمت ولا شعورياً عطته كف : صج حقييير يا...... طول عمرك حقير
