دم وقت الحمل

[شيرازية 85]

السلام عليكم ..

انا توني محللة اني حامل صارلي جم يوم وامس بدا ينزل علي دم بس لونه غامج بس عادي نفس العادة ينزل يعني مو شوية
ورحت الطبيبة وقالتلي ليلحين ما يبين عدل جسي البيبي بهالعمر يعني ما اقدر اسويلج سونار وخلتني اسوي التحليل الهرموني قالتلي ان الهرمون ضعيف وقالت اني اسويه مرة ثانية بعد يومين واتشوف اذا الهرمون بدا يصعد شي زين واذا لا يعني الحمل مو زين بس ما ادري اليوم زايد عليي الدم وليلحين نفس اللون وانا خايفة يعني شنو هذا الدم ؟
يعني الحين البيبي نزل ولا لأ ؟
فيدوني لاتخلوني اعدة احاتي :0bee2e8d89:

 

[rtooj2008]

حبيبتي انا صار فيني جذي بالضبط والحمدالله ماكو الا العافية حللت اني حامل وعقب التحليل بجم يوم نزل علي دم لمدة 20 يوم ونفس ما قلتي مو نفس الدورة اقل شوي وما كلن يبين اشفيني لأن ما تكون قلب الياهل عشان نسمع نبضة وعقب فترة سويت سونار وسمعت نبض الياهل بس الدكتور عطاني مثبتات ولا تخافين وايد حريييييييييييييم ينزل عليهم دم ويعتبر هذا شي طبيعي

 

[شيرازية 85]

مشكورة يا قلبي ريحتيني
وانشالله اشوف ردورد بعد

 

[ZajiL]

الله يثبته يااااااااارب ويطمن قلبج

 

[nawaaaleee]

حبيبتي انا صارلي جذي بس الدم كان احمر والدكتورة على طول اكتبتلي على مثبتات بس الله ماكتب ونزل الحمل عقبها بيومين
ولازم تسوين تحليل هرموني بعد 48 عشان تشوفين هرمون الحمل ارتفع او لا ..
وترى وااايد ناس مع الحمل ينزل عليهم دم .. ويتم .. امي ظلت 4 شهور ينزل عليها وخالتي بعد بس لازم مثبتات
الله يسهل امرج يارب ويثبت الحمل اذا كان فيه الخير والصالح ...

 

[nawaaaleee]

وطنيني عنج عفيه لو عالخاص

 

[سارا ديور]

اختي حامل بشهرين

نزل عليها دم احمر و وااااااااااااااااااااااااااايد


لما راحت للدكتوره قالت لها لو انه غامج زين مامنه خوف بس إللي موزين ان يكون اونه احمر

ولما سوت لها سونار قالت هذا جيس البيبي متحرك بسبة لما تيي ترجع انها تضغط على بطنها

وقالت لها بس ارتاحي على ظهرج ليما تتكون المشميه ويصير كل شي زين ان شاءالله ​

 

[سارا ديور]

ان شاء الله ماكو إلا العافيه

والله يتمم عليج

 

[Cute Kitty]

ان شاء الله ما يصير الا كل خير
انا صار معاي جذي بحملي الاول وقعدت 14 يوم ينزل علي بس الحمد الله دكتورتي عطتني مثبتات وقالتلي ارتاح اول جم شهر والحمد الله يبت بنتي
لا تحاتين والله يثبته لج ان شاء الله

 

[مو عايشة بالدنيا]

لا لا انشالله ماكو الا العافية انتي اقري سورة البقرة وعسى الله يثبته انشالله
بس لاتحاتين عشان النفسية لاتاثر على اللي فيج

 

[ام فهد1]

انا حامل لي شهر ونص ومن حللت ينزل دم احمر شوي وقال الدكتور عادي وعطاني مثبتات واستمر علي الدم بعد المثبات , وقريت في المنتدى وحده تقول ان امها شربتها كوب ماي وقفشه نشا (وصفة شعبية) ويوقف الدم , والله العظيم جربته والحمد لله مانزل علي شئ من شربته

 

[جاكليته]

نا صارلي جذي بحملي الثاني شويه دم بس لونه غااامج مو احمر ونفس الشي عطاني الدكتور مثبت وماكو الا العافيه

 

[نجمه*]

ان شاء الله ماكو الا العافيه

ادعي الرحمن ان يثبته لج واخذيلج مثبتات

لاتحاتين

 

[شيرازية 85]

السلام عليكم بنات
يعطيكم العافية حبايبي عالردود وما قصرتوا معاي .. بس للاسف طرحت اليوم والله ما كتب لي هالحمل والله يا بنات قعدت امس اقرى قران وادعي ربي ان كان البيبي سليم يثبتلي اياه واذا لا خل ينزله والحمدلله يوم طرحت صج تضايقت شوي بس بعدها على طول ارتحت والخيرة فيما اختاره الله ..
وانشالله اييب توأم اصبيان اخوان حق بنوتي قولوا امين ..
والله يتمم على كل وحدة حامل ويسهل ولادتها ويرزقني بالذرية الصالحة

 

[مشمشة رمانة]

حبيبتي الله يتمم عليج حملج يااارب ولا تخافين مادام انة لون الدم غامج انا نفس الشي صار وياي ف حملي هلمرة كان ينزل علي دم وغاامج ورحت عند الدكتورة وشافتة قالت لو كان فاتح جان خفت وقلتلج يمكن البيبي مايثبت لكن طول ما اهوة غامج الحمد الله يعني كلشي تمام وهذا الدم يكون متجمع داخل الرحم من اخر دورة مونازل عدل وعشان جذي نقول الغامج احسن من الدم الاحمر الفرش وعطتني مثبتات ابر وحبوب وقالتلي كلة ارتاحي على ظهرج ورفعي اريولج فوق وشربي ماي وايد << ليش مادري .. والله يتمم عليج حمالج ويجعلة كامل وتام الخلقة يااارب اميييين وطمنينا عنج حبيبتي .

 

[مشمشة رمانة]

السلام عليكم بنات
يعطيكم العافية حبايبي عالردود وما قصرتوا معاي .. بس للاسف طرحت اليوم والله ما كتب لي هالحمل والله يا بنات قعدت امس اقرى قران وادعي ربي ان كان البيبي سليم يثبتلي اياه واذا لا خل ينزله والحمدلله يوم طرحت صج تضايقت شوي بس بعدها على طول ارتحت والخيرة فيما اختاره الله ..
وانشالله اييب توأم اصبيان اخوان حق بنوتي قولوا امين ..
والله يتمم على كل وحدة حامل ويسهل ولادتها ويرزقني بالذرية الصالحة

حبيبتي سوووري انا توني اشوف ردج هذا عسى الله يعوضج يارب بكل خيير والله موقاسمة لج ويجعلة شفيع لج بالجنة يااارب ويرزقج بالبنين والبنات تامين الخلقة يااب امييين .

 

[أم حورية]

ما عليه حبيبتي خيرها بغيرها .. وعلى قولتج مو مكتوبة ..

الله يعوضج ان شاء الله .. بس استغربت شلون طرحتي وقاعدة ؟؟ ما رحتي الطبيب والوضع عادي عندج ؟؟

 

[msmshasnsn]

الله يرزقج بالذريه الصالحه