دمج جميع المواضيع المتعلقه بـ [[ أزمة مصر ]]

[اخت خالتهم]

السلام عليكم ورحمة الله وبركاته


شلونكم بنات


بنات شفيهم مصـر مظاهرات و ينادون بالثـوره ..
ويقولون هالمره جـد ..
وارحل يا طاغيه

قصدهم حسني مبـارك ؟؟؟


و انتو مع أو ضد !!

و ليش يعني رئيسهم مو زيـن ابدا !! لان في سياحه بمصر
وانا الصراحه ولا مره رحت مصر عشـان اعرف الناس شلون حياتهم فـ حبيت اسأل

 

[$ بنت علمي $]

رد: شفيهم مصـر !!! و انتـوا مع أو ضد .. واذا في مصريات بالمنتدى تقول رايها

من صجج توني اعرف منج!!!

عاااد حسني مباارك زين !!

 

[ice_cream]

رد: شفيهم مصـر !!! و انتـوا مع أو ضد .. واذا في مصريات بالمنتدى تقول رايها

الي تزور مصر راح تشوف ابعينها الفقر الي عايشين فيه

عن نفسي زرت وايد دول ماشفت فقراء نفس الي شفتهم بمصر 40% من شعب مصر فقراء

البطاله منتشره بشكل فضيع جامعيين وماعندهم شغل

ناس تعيش بالمقابر مافي رعايه صحيه عنف وجريمه واطفال شوارع وتجارة اعضاء ومخدرات

الله يعينهم

 

[Ṧђę5άţ 7ɭάά]

رد : شفيهم مصـر !!! و انتـوا مع أو ضد .. واذا في مصريات بالمنتدى تقول رايها

ئي واعليا مصر من زمان ودها تقلعه بس ناشب لهم نشبه هالحسني

والله ماالومهم اوضاعهم تكسر الخاطر وعلى قولتهم البلد واقف مافيه اي تطور :/ وهم صاجين

 

[MiSsY HottY]

رد: شفيهم مصـر !!! و انتـوا مع أو ضد .. واذا في مصريات بالمنتدى تقول رايها

الله يعينهم وضعهم حيـــــــــــــل صعب وعندهم فقر مو طبيعي ومشاكل ومشكلة انه في ناس قاعدة تبوق فلوس الدولة وناس مو لاقية تاكل

 

[3emya_Berry]

رد: شفيهم مصـر !!! و انتـوا مع أو ضد .. واذا في مصريات بالمنتدى تقول رايها

واحنا مالنااااااااااااااااااااااااااااااااااااااااااااااااااااا كفايه شماتتهم فينا بالاحداث الي طافت وتعليقاتهم عالالف ان لازم تكون من حق الوافد لانه اهمه الي يكرفون واحنا مسدحين ببيوتنا حط خيلهم بينهم واشغلهم عنا يا الله

 

[نور مغليها]

رد : شفيهم مصـر !!! و انتـوا مع أو ضد .. واذا في مصريات بالمنتدى تقول رايها

مِصر مثل تونسس بالفقر والبطآله ويمكِن العن شوي من توِنِـس ...
واهما مسويين هالمظاهرات يطالبون بوظايف وسَكن ...
والشرطه مو قادرين يسيطرون على الشعب لأن كِله طلع وثآآر مثل توِنسس ...
وعلى فِكره ترا المصريين ما يبون حسني مبارك ...

 

[أنفاسي دخون]

رد: شفيهم مصـر !!! و انتـوا مع أو ضد .. واذا في مصريات بالمنتدى تقول رايها

الله يفرج كربتهم ويرزقهم بالحاكم العادل اللي يحسن وضع ديرتهم

احبها مصر وما ارضى على شعبها

 

[نور مغليها]

رد : شفيهم مصـر !!! و انتـوا مع أو ضد .. واذا في مصريات بالمنتدى تقول رايها

تدرِين مصر الناس تعيش بالمقابر ... واالله مرا شفت يتكلمون بالاخبار عن ناس بالليل ينامون بالمقابر ليما سألوه قال وين انام ماعندي بيت ... ،
وبالشوارع ...
في عندهم طبقه يسمونها طبقه عاديه ( يعني ميسوره الحال ) تتوقعين وين عايشين ببيت نجمه ولا نجمتين .. لا عايشيين ببيت خرآآآبه مِثل العشه الي ببيت بـزه ...
فقر وقلة حييييييله مو طبيعيه
الله يكون بعونهم ...

 

[@ دهن العود @]

رد: شفيهم مصـر !!! و انتـوا مع أو ضد .. واذا في مصريات بالمنتدى تقول رايها

والله مااااااااا الومهم مساكين

واللى صدمنى ان بالمنتديات المصريه طايحيله سب برئيسهم عااااااااااااااااااااااااادى:eh_s(22):

 

[**miss-NY**]

رد : شفيهم مصـر !!! و انتـوا مع أو ضد .. واذا في مصريات بالمنتدى تقول رايها

ليييش اشحقه مبارك حسني زييين لاتنسوون انه وقف معانا ايام الخايس صداموووه وضد الغزو العراقي علينا بالعكس حرام عليهم والله لو يروح عنهم بتروح فيها مصر من صجهم والله انا من عرفت مواقفه معانا ايام الغزو الله يعافيه طبعا ماننسى مواقف الملك فهد والامارات والخليج كله بس اللحين الموضوع عن مبارك حسني فلازم نذكر اللي سواه انا توني ادري انه المصريين موعاجبهم رئيسهم اشحقى بالله هااا ؟؟؟؟؟؟؟

 

[سمسمة كويتية]

رد: شفيهم مصـر !!! و انتـوا مع أو ضد .. واذا في مصريات بالمنتدى تقول رايها

الله يعينهم و يساعدهم يااااارب

 

[بانانا]

رد : شفيهم مصـر !!! و انتـوا مع أو ضد .. واذا في مصريات بالمنتدى تقول رايها

الله يفك كربتهم ويعينهم ويخلصهم من الظلم والضيم اللي اهم فيه

 

[Petite]

رد : شفيهم مصـر !!! و انتـوا مع أو ضد .. واذا في مصريات بالمنتدى تقول رايها

والله مالي بالسياسه كلش

الله يفرج همهم .. مهما كان هذول بشر

 

[Ms-Violet]

رد: شفيهم مصـر !!! و انتـوا مع أو ضد .. واذا في مصريات بالمنتدى تقول رايها

اي معروفييييييييييين المصريييين من ززمان يشتكووون من الفقر والظلم فلوس الدوله محد يستفيد منها الا الهاي هاي اهما عايشين احسن عيشه والباجي مخلينهم تحت مستوى الفقر طبعا غيررر الشررطه عندهم اهانات وتعذيب شي معروف عندهم قممممممع وفققققققققر وظلللللم وحسني مبارك لا يشك ولا يربط ما يدري وين الله قاطه

 

[فطومه]

رد: شفيهم مصـر !!! و انتـوا مع أو ضد .. واذا في مصريات بالمنتدى تقول رايها

اللى تقول حسنى مبارك زين اى زين اى بطيخ حبيبتى وقف معانا بالغزو بس ساومنا يحلوه الكويت طيحت ديونه اللى كان ماخذها من الكويت واعتقد كانت جم ميار يعيونى وفى مره صار عندهم زلزال امر الشيخ جابر بطياره فوريه محمله من الخير طبعا خيام وبطانيات تدرين الطياره
ان الطياره راحت حق قصره فامر مره ثانيه الشيخ جابر بطياره ثانيه لكن هالمره تبع الجيش الكويتى وان فريق من الكويتين اهم اللى يوزعون


شصار يقلبى الريال زعل وطنقر وصار شوي توتر
بقول لج شي ثانى شفتى قصره اللى ونتى جايه من المطار شوفيه عدل ترى الباب من الذهب الخالص انا ورانى راعى التكسي وهو يتحسر على عمره


ويقول لج ان ولده جبار وطاغيه سنه من السنين استدعى وكل سياره ال.....وقال له انا شريك معاك بالاسم بعد فتره الريال صارت فيه جلطه وفعلا صار اهو وكيل غصب مصر فيها خير بس حرام الشعب انظلم وقالوها المصرين اللى ماستغنى فى عهد انور السادات عمره ماراح يستغنى الحين

 

[..<< ندى الورد >>..]

رد : شفيهم مصـر !!! و انتـوا مع أو ضد .. واذا في مصريات بالمنتدى تقول رايها

مالي بالسياسه

 

[Ms-Violet]

رد: شفيهم مصـر !!! و انتـوا مع أو ضد .. واذا في مصريات بالمنتدى تقول رايها

اللي تقول حسني مبارك زين عشان الي سواه حقنا "اللي ما فيه خير حق اهله ما فيه خير حق الناس " واهوا ما سوا عشان سواد عيونه عشان الفلووووووووس واهما شبيستفيدون بالله من الي سواه حقنا شمستفيدين اذا معيش شعبه حياة كسيفه و ويسوي ويرزز نفسه حق الدول الثانيه :/

 

[**miss-NY**]

رد : رد: شفيهم مصـر !!! و انتـوا مع أو ضد .. واذا في مصريات بالمنتدى تقول رايها

اللى تقول حسنى مبارك زين اى زين اى بطيخ حبيبتى وقف معانا بالغزو بس ساومنا يحلوه الكويت طيحت ديونه اللى كان ماخذها من الكويت واعتقد كانت جم ميار يعيونى وفى مره صار عندهم زلزال امر الشيخ جابر بطياره فوريه محمله من الخير طبعا خيام وبطانيات تدرين الطياره
ان الطياره راحت حق قصره فامر مره ثانيه الشيخ جابر بطياره ثانيه لكن هالمره تبع الجيش الكويتى وان فريق من الكويتين اهم اللى يوزعون


شصار يقلبى الريال زعل وطنقر وصار شوي توتر
بقول لج شي ثانى شفتى قصره اللى ونتى جايه من المطار شوفيه عدل ترى الباب من الذهب الخالص انا ورانى راعى التكسي وهو يتحسر على عمره


ويقول لج ان ولده جبار وطاغيه سنه من السنين استدعى وكل سياره ال.....وقال له انا شريك معاك بالاسم بعد فتره الريال صارت فيه جلطه وفعلا صار اهو وكيل غصب مصر فيها خير بس حرام الشعب انظلم وقالوها المصرين اللى ماستغنى فى عهد انور السادات عمره ماراح يستغنى الحين

اي شي فطووم من صجج يعني جليل الحيا وقف معانا علشان الديون طاحت ليش ماتحجو عن هالشغله اتصدقين انا قاريه وايد اشياء عن وقفته معانا ماذكروا ديونه الله يرحمك ياحبيبي بابا جابر صج حسني مبارك جليل حيا اتخيل شكله يقول حق بابا جابر م وقفتي معاكم مقابل الديون قطيعه تقطعه لييييش هالطمع استغفرالله

وشوفوا يااهل مصر انا يمكن ماادري شنو شعوركم واحساسكم ولا راح احسه ولا اعرفه بس انا من اللي فهمته انه حسني مبارك حكمكم من سنين من مده طويله عدل اوكي اللحين اهو شبع من خير الدوله وشبعاااان اللحين انتوا ماتبونه تبون اطيحونه انا بوضح لكم اكثر تبون طاغيه شبعان ولا يوعان شنو يضمنكم انه اللي بيحكم الدوله ماراح يكون طمعان ترى المنصب والفلوس تغير الولد عن امه شلون دوله طبعا انا مايهمني حسني مبارك لاوقفته معانا وهذا الشي طلع خرطي بخرطي مايهمني لاكن لو تاخذونا بالعقل اللي اشوفه انه الشعب المصري بالنسبه لحاكمهم كاطاغيه فاهمه احسن حال من تونس وليبيا وغيره يعني احنا نروح مصر تهبل فيها اشيا وايد ممكن الفقر شي يتعدل بس بالاخير انتوا اكيد تعرفون مصلحتكم
نصيحه للمصريين ((اقضب مينونك لا يجيك اللى اجن منه))

 

[ice_cream]

رد: رد : رد: شفيهم مصـر !!! و انتـوا مع أو ضد .. واذا في مصريات بالمنتدى تقول رايها

اي شي فطووم من صجج يعني جليل الحيا وقف معانا علشان الديون طاحت ليش ماتحجو عن هالشغله اتصدقين انا قاريه وايد اشياء عن وقفته معانا ماذكروا ديونه الله يرحمك ياحبيبي بابا جابر صج حسني مبارك جليل حيا اتخيل شكله يقول حق بابا جابر م وقفتي معاكم مقابل الديون قطيعه تقطعه لييييش هالطمع استغفرالله

وشوفوا يااهل مصر انا يمكن ماادري شنو شعوركم واحساسكم ولا راح احسه ولا اعرفه بس انا من اللي فهمته انه حسني مبارك حكمكم من سنين من مده طويله عدل اوكي اللحين اهو شبع من خير الدوله وشبعاااان اللحين انتوا ماتبونه تبون اطيحونه انا بوضح لكم اكثر تبون طاغيه شبعان ولا يوعان شنو يضمنكم انه اللي بيحكم الدوله ماراح يكون طمعان ترى المنصب والفلوس تغير الولد عن امه شلون دوله طبعا انا مايهمني حسني مبارك لاوقفته معانا وهذا الشي طلع خرطي بخرطي مايهمني لاكن لو تاخذونا بالعقل اللي اشوفه انه الشعب المصري بالنسبه لحاكمهم كاطاغيه فاهمه احسن حال من تونس وليبيا وغيره يعني احنا نروح مصر تهبل فيها اشيا وايد ممكن الفقر شي يتعدل بس بالاخير انتوا اكيد تعرفون مصلحتكم
نصيحه للمصريين ((اقضب مينونك لا يجيك اللى اجن منه))

صح كلامج اقضب مينونك لا ييك الي اين منه

بس اهم مشكلتهم في ولده لان حسني مورث ولده جمال

يعني اذا مات حسني جمال راح يمسك الحكم وهذا ظالم

يعني الحال راح يكون من سيء الى اسوء