دليل كويتيات للهدايا الرجالية

[اوملييتا]

مرحبا بنات اشلونكم

بنات منو منكم عندها مناسبه تخص زوجها اخوها ابوها ولدها الكبير عمها خالها و تبي تهديه هديه او متوهقه ؟

بصراحه انا دايما اتوهق لما افكر اهدي زوجي او ابوي او احد من اخواني ؟ الخيارات المتوفره كهدايا للرجل اقل وايد من المتوفره للمرأه

عيد ميلاد زوجي كان قبل 5 ايام و طبعا مثل كل سنه ادور هدية مناسبه و تعجبه و اصير فوريره بالاسواق و مرات ما احصل شي يعجبني و مرات اقول لا عنده منه او ما يهتم بالهشي

اخر شي قررت اشتريله بوك
والحين احط لكم صورته

بنات انا حبيت نسوي دليل الهدايا الرجاليه علشان ما نتوهق لما نبي نشتري
فابي منكم كل وحده دش الموضوع تحط صوره الهديه المقترحه و سعرها و من وين نشتريها
عشان يصير عندنا دليل شامل قبل لا نروح نفتر بالاسواق

وانا ببدي بأول هديه في دليل منتدى كويتيات للهدايا الرجاليه​

بوك جوتشي
جلد

السعر : 86 دينار
المتجر : بوتيك قوتشي الفنار

 

[نفيشه]

موضوعج حلو
وانا بعد اتوهق بالهدايا

 

[^kloOot^]

اخر هديه كانت ساعة ماركة أرمني

من المهلب(ON Time) ----------محل

القيمة : 110دك




(طبعا بطبيعه وايد احلى والصوره ظالمتها):eh_s(8):

 

[عبر]

العطر هو الحل الداااارج

دايما ً بالنسبه لي

واذا كلش غتره

 

[اوملييتا]

مشكوره نفيشه على الرد

ام جوري الساعه حلوه و اشكرج على الصوره

عبر العطور و الغتر حلوه بس نبي منج صور

 

[AFRoDiT]

هـ الايام الشباب هابين في بواكة الكارد كيس يفضلونها ع البوك العادي واااايد , انا شريت حق اخوي واحد ماركة BOSS طلبته عن طريق النت ..

ومحلهم بالكويت الحين مسوي سيل ومنزل اسعاره بشكل وااايد حلوووو , فرصه حلوه حق الهدايا


وانا عن نفسي بصراحه احب اشتري ملابس حق الريال كـ هديه


والتاجرات عندنا بالمول اييبون عروض حلوه
مثل ساره ستايل يابت ميداليات تومي وااايد عجبووني

 

[اوملييتا]

افروديت ........... شدعوه يا عمري جان حطيتي صوره

 

[اوملييتا]

بنات شدعوه 85 دشو و ما ردو

 

[^kloOot^]

اى والله قلت برجع بشوف البوم صور

 

[ام كتكوت]

موبايل اخر موديل او جهاز الهيدفون

 

[AFRoDiT]

ولايهمج حبوبه

وهذا رابط حق مجموعه حلوه من الكارد كيسز الرجاليه من ماركة ديوور

http://www.eluxury.com/estore/brows...0&items=18&sort=&catId=cat20002&brand=1700002

 

[بنت الفقيد]

يسلموووووووووووووووووو روووووووووووووووووعه

 

[عبق البنفسج]

بقولكم عن بعض الهدايا الي قدمتها حق زوجي بمناسبات مختلفة .. وبقولكم عن أماكن شرائها

طبعاً العطور هذا شي أساسي وكل هدية أقدمه له لازم يكون فيها عطر ..
شريتله وايد ساعات .. أكثرهم سبورت وشريتله ثلاث ساعات رسمية ..
الساعات السبورت أشتريهم دايماً من اون تايم لأن أسعارهم معقولة وساعات حلوة وماركتهم معروفة .. ومرة شريتله ساعة من موقع امازون كان يدورها بالكويت بس كانت خالصة فدورتها بأمازون ولقيتها وطلبتها ووايد استانس عليها
الساعات الرسمية .. أول ساعة رسمية شريتها من روائع جنيف ماركة تيد لابيدوس لونها فضي وركبت معاها طقم من نفس الماركة قلم وبوك وبزمة وسعرهم ماتعدى 220 تقريباً
ثاني ساعة رسمية خذيتها من الصالحية من كورلوف وهي عبارة عن ساعة رسمية ومعاها مدالية وبزمة وقلم بــ 360
ثالث ساعة رسمية كانت بعيد ميلاده الي طاف وكانت من روائع جنيف وهي ساعة ماركة ايقنر وركبت عليها قلم وبزمة من نفس الماركة "وايد يحب هالساعة ويلبسها بالمناسبات لأن شكلها وايد حلو وكشخة"

ومرة أهديته قطعتين خام حق الدشداشة "طبعاً افتريت محلات الخام الي بشرق وعرفت شنوو أحسن نوعية خام وقالولي اذا طوله عادي آخذله خمس أمتار"
ومرة أهديته شماغ شريته من المباركية من عند السعيد طبعاً قتله أبي شي زين وكشخة وقياس ريلي أعرفه ..
ومرات أشتريله تيشرتات من زارا أو في محل بالبحر سنتر اسمه تيد مادري شنوو "عنده تيشرتات حلوة ورخيص وقت التنزيلات" ومرات اشتريله من محل سيليو بالأفنيوز "هم بالتنزيلات اسعاره وايد حلوة"
ومرة وديتله اكس بوكس 2 .. ومرة بلاي ستيشن 3 من الرحاب شريتهم
وهو قبل ثلاث سنين كان يشيش وبخاطره يشتري شيشة بس انا كنت رافضة فكرة ان الشيشة تدش البيت وكسر خاطري بعيد ميلاده بنفس السنة شريتله جنطة فيها شيشة ومستلزماتها بس شرطت عليه انها ماتنحط بالبيت ويوديها الدوام ووداها .. بس عقب كسرها لأنه الحمد الله ترك الشيشة
وبأول عيد ميلاد له شريتله تلفون من محلات شرق .. كان توه نازل تلفون الدمعة

وبكل عيد ميلاد له لازم أييبله كيكة .. ومرة يبتله كيكة من اوبرا عليها ست صور له بمراحل مختلفة من عمره .. وعزمت أهله على مطعم برج الحمام وسويتها مفاجئة له .. والهدية مع الكيكة كانت عند إدارة المطعم ويابوها عقب العشى وغنوا له ..

وبهالعيد ميلاد ان شاء الله بشتريله تلفون نوكيا يديد عاجبه وبشتريله قطعتين خام وحدة صيفي حق العيد ووحدة شتوي .. وهو يبي يشتري آي بود 8 جيجا بس قال مو الحين فبروح اشتريله اياه ..
وبأجرله سيارة عاجبته "لأن هو بعيد ميلادي أجرلي سيارة عاجبتني لمدة اربع تيام"
وبشتريله شريط بلاي ستيشن آيرون مان :ggdw:

 

[بطة رشيقة]

حق عيد زواجنا شريت من جشنمال بالكوت ست قلم مع مداليه وبزمات وخام دشداشه ... كلها كلفتنى 40 دينار .... ..

هذا الشى اول مره اشتريه من قبل كله يا عطر يا بوك يا ست عطووورات ... يا ساعه ...

 

[دلوعة امها]

خوووش موضوع حبايبي ولي عوده مع افكار للهدايا ان شاءالله

 

[مس باتشي]

روووووووووووووووووعه

 

[اوملييتا]

ولايهمج حبوبه

وهذا رابط حق مجموعه حلوه من الكارد كيسز الرجاليه من ماركة ديوور

http://www.eluxury.com/estore/brows...0&items=18&sort=&catId=cat20002&brand=1700002

مشكوره افروديت وايد حلوين

 

[اوملييتا]

بقولكم عن بعض الهدايا الي قدمتها حق زوجي بمناسبات مختلفة .. وبقولكم عن أماكن شرائها

طبعاً العطور هذا شي أساسي وكل هدية أقدمه له لازم يكون فيها عطر ..
شريتله وايد ساعات .. أكثرهم سبورت وشريتله ثلاث ساعات رسمية ..
الساعات السبورت أشتريهم دايماً من اون تايم لأن أسعارهم معقولة وساعات حلوة وماركتهم معروفة .. ومرة شريتله ساعة من موقع امازون كان يدورها بالكويت بس كانت خالصة فدورتها بأمازون ولقيتها وطلبتها ووايد استانس عليها
الساعات الرسمية .. أول ساعة رسمية شريتها من روائع جنيف ماركة تيد لابيدوس لونها فضي وركبت معاها طقم من نفس الماركة قلم وبوك وبزمة وسعرهم ماتعدى 220 تقريباً
ثاني ساعة رسمية خذيتها من الصالحية من كورلوف وهي عبارة عن ساعة رسمية ومعاها مدالية وبزمة وقلم بــ 360
ثالث ساعة رسمية كانت بعيد ميلاده الي طاف وكانت من روائع جنيف وهي ساعة ماركة ايقنر وركبت عليها قلم وبزمة من نفس الماركة "وايد يحب هالساعة ويلبسها بالمناسبات لأن شكلها وايد حلو وكشخة"

ومرة أهديته قطعتين خام حق الدشداشة "طبعاً افتريت محلات الخام الي بشرق وعرفت شنوو أحسن نوعية خام وقالولي اذا طوله عادي آخذله خمس أمتار"
ومرة أهديته شماغ شريته من المباركية من عند السعيد طبعاً قتله أبي شي زين وكشخة وقياس ريلي أعرفه ..
ومرات أشتريله تيشرتات من زارا أو في محل بالبحر سنتر اسمه تيد مادري شنوو "عنده تيشرتات حلوة ورخيص وقت التنزيلات" ومرات اشتريله من محل سيليو بالأفنيوز "هم بالتنزيلات اسعاره وايد حلوة"
ومرة وديتله اكس بوكس 2 .. ومرة بلاي ستيشن 3 من الرحاب شريتهم
وهو قبل ثلاث سنين كان يشيش وبخاطره يشتري شيشة بس انا كنت رافضة فكرة ان الشيشة تدش البيت وكسر خاطري بعيد ميلاده بنفس السنة شريتله جنطة فيها شيشة ومستلزماتها بس شرطت عليه انها ماتنحط بالبيت ويوديها الدوام ووداها .. بس عقب كسرها لأنه الحمد الله ترك الشيشة
وبأول عيد ميلاد له شريتله تلفون من محلات شرق .. كان توه نازل تلفون الدمعة

وبكل عيد ميلاد له لازم أييبله كيكة .. ومرة يبتله كيكة من اوبرا عليها ست صور له بمراحل مختلفة من عمره .. وعزمت أهله على مطعم برج الحمام وسويتها مفاجئة له .. والهدية مع الكيكة كانت عند إدارة المطعم ويابوها عقب العشى وغنوا له ..

وبهالعيد ميلاد ان شاء الله بشتريله تلفون نوكيا يديد عاجبه وبشتريله قطعتين خام وحدة صيفي حق العيد ووحدة شتوي .. وهو يبي يشتري آي بود 8 جيجا بس قال مو الحين فبروح اشتريله اياه ..
وبأجرله سيارة عاجبته "لأن هو بعيد ميلادي أجرلي سيارة عاجبتني لمدة اربع تيام"
وبشتريله شريط بلاي ستيشن آيرون مان :ggdw:

تسلمين يا لغالية
عاد نبي صوره حلوه منج يا لحلوه

 

[اوملييتا]

حق عيد زواجنا شريت من جشنمال بالكوت ست قلم مع مداليه وبزمات وخام دشداشه ... كلها كلفتنى 40 دينار .... ..

هذا الشى اول مره اشتريه من قبل كله يا عطر يا بوك يا ست عطووورات ... يا ساعه ...

مشكوره بطوطتنا يا ريت تصورينهم

 

[اوملييتا]

خوووش موضوع حبايبي ولي عوده مع افكار للهدايا ان شاءالله

يالله ناطرينج دلوهة امها