دلوني على حل

[حلم السراب]

بنات شلونكم شخباركم عساكم بخير انا من متابعين المنتدى بس قليله مشاركات بقولكم قصتي انا عمري 26 متزوجه صارلي 8 سنوات وعندي اعيال زوجي طيب حيل بس في شي امخليني ما اقدر اعيش معاه بنات اناطحت عليه يشوف افلام ==== فهمتوا وزعلت في بيتي فتره ما احاجي وطحت عليه مشترك بنادي مختلط هالحجي قبل سنتين وتاسف وحلف مايعيدها مره ثانيه والحين يمسك الكمبيوتر ويشبك ولما يطلع اشيك يمسح كل شي يعني براء وذا قتله ليش ماسح يقول انتي تشكين فيني وانا خلاص ماني نفس قبل قالت يمكن ظالمته ورجال مستقيم في صلاته واليوم بنات كنت نايمه العصر تعبانه ودش يخانق انتي بس نايمه شوفي اعيالج قتله تعبانه يبي نومه قتله مالي مزاج قبلها كان قاعد بصاله وانا نايمه وطلع يسفل مسكت الاب توب بشوف شنو كان يطالع والصدمه داش موقع ملابس سكسيه ويشوف اجسام حريم مفاسيخ حيل وداش على صوره صوره ومعطيها زوم شنو الحل لاتقولون ذكري بالله ذكرته وقتله حرام وزعلت ابي حل اناخلاص تعبت وربي ماني قادره ابلعه مومقصره بش وشحلاتي ومهتمه بنفسي وادلعه دلع شنو الحل

 

[محتارة وبصيح]

الحل تاخذون لكم فترة نقاهة تخلين عيالج عند هلج وتسافرون كم يوم استجمام

 

[اه ع قلبي]

الله يهديه لج يااااااااااارب
حبيبتي عيشي حياتج معاه بكل جوانبها بدون ذكر هالموضووع وانسيه لا ن مع الوقت رااح يمل ويتغير ولا تعبين روحج

 

[أم توتو]

الله يهديه الشي هذا حرام

 

[نـور الكويت]

عسى الله يجمع ما بينكم ويألف بين قلوبكم

 

[بسكوته ذايبه]

الله يهديه تقولين محافظ على صلاته اشلون يسوي جذيه ماقوول االا اله يعينج ويهديه ويهدي الجميع ان شاءالله​

 

[بنوته كيوت q8ya]

الله يعينج ويهدييه سئليه ليش يسوي جذي ؟!!يمكن انتي مقصره بشغله وانتي موحااسه اهم شي يكون بينكم توااصل بالحجي و صرااحه وا الله يووفق الجميييع

 

[فوفو22]

زوجج لو شبعان ما عنده وقت يشوف افلام وغيره

حبيبتي زوجج محروم

واليوم بنات كنت نايمه العصر تعبانه ودش يخانق انتي بس نايمه شوفي اعيالج قتله تعبانه يبي نومه قتله مالي مزاج قب

ويعبّر عن حرمانه بتوجيهك لترك النوم والانتبهاه للعيال

ولكن القصد وراء ذلك

يحتاج زوجه مصحصحه ورايقه وانيقه ومغريه


يدخل عليها يشوفها عروس

لذلك يلجأ الى التمتع بالنظر لغيرك

الحل

اشبعيه يا ماما وتلاقينه ترك هالخرابيط

فوفو

 

[فيونكه حمراا]

اظن البنات كفو ووفو الله يسخره لج ويهديه لطريق الصح

وترا اكره ماعلى الريال كثر نوم المره اذا ريلها عندها في البيت

 

[زوجة عزيز]

الله يهديه

 

[انثى عاشقة]

حبيبتي ادعي له بالهداية ..
وبالنسبة لوضعكم حاولي تغيري من نفسك
وتكسري الروتين وشوفي تعدل ولا باقي ع وضعه
اذا غيرتي وصار كل شي اوكي
وجلس بخرابيطه وقتها لاتسكتي وواجهيه
لانك اذا واجهتيه الحين راح يطلع
لك مليون عذر واولهم اهمالك له
الرجال يدورن الزلة لاتعطينه مجال
والله يهدي سركم ويوفق ما بينكم ​

 

[كويتية بروما]

فوفو وفت وكفت
جابليه لاحقه عن النوم

 

[tooooma]

بصرااااااحة حبيبتي لاتزعلين مبيييين انج مقصرررره معاااه وزوووجج مو شبعااااان والدلـــــــــــــــــــيل انه يشوف الامور

المنكره حاااولي تتقربين منه اكثر روووحوو حقكم فندق يومين غيرووو جوكم وتقربي منه ولاتستحين منه شوفي شنو اللي يشبعه

وسويه هذا حلالج احسن من بااااجر اخاااف يرووح منج ويفوت الفووووت

 

[الشهد كله]

مادري ليش احساسي يقولي إن ريلج عنده نقص ومو شبعان من الزوجة اللي عنده بالبيت!!!!

إذا صار بالبيت انسي النوم ، وإذا طلع نامي على كيفج ، إذا ريلج يحب الهدوء بزيادة وهو بالبيت

إما إنج تنومين اليهال أو يدخلون غرفهم عشان ما يحس بالإزعاج والملل من البيت

ترسي عينه وشبعيه عشان ما يطلع برا ويشبع من اللي برا :eh_s(2)::eh_s(2):​

 

[*ماي الورد*]

روحي محلات قمصان النوم و لبسي نفسهم جود الله يهديه
بس مو تملين لازم على تجديد

 

[مناير ...!]

معا فوفو

 

[barosha]

حبيبتي الغلط عليج
تقولين يبي نووومه وانا مالي مزاج
انتي الي مقصره الريال كان يبيج ما لقاج راح حق الكمبيوتر
العيب مو منه العيب منج شبعيه وشوفي بعدها اذا فكر بهالسوالف او لا
اذا شبعتيه ولجأ حق هالموضوع بعد معناته ريلج مريض امه اذا انتي مالي مزاج
ومالي خلق وتقولين يجوف جذي حبيبتي العيب منج مو منه
معلومه للجميع الريال اهم ما عنده هالشي اذا ما حصله بجميع النواحي الي يبيها
وما حس بمتعه مع حلاله وزوجته بدور بره ليش تخلينه يدور بره وانتي قادره توفريله احسن شي
حبيبتي يطالع بالنت معناته في نقص وحمدي ربج يطالع بالنت وانتي السبب مالي مزاج لو مو قاعد يطالع بالنت
معناته يطالع بره لانه مو لاقي الي يبيه عندج وترى البنات بره الحين الله يهديهم كلش استغفر الله حافضي على زوجج لا يروح منج
اليوم بالنت بس مرح يقدرعلى طول جذي ان ما حصل عندج عرفي انه بخونج وبعدين تقولون ريلي خاني
حلج بختصار

((( شبعي رغبات ززوووووججج قبل لا يروح من ايدج )))​

 

[Queen of shr]

بعد واضحه الريال الي يطالع افلام وصور خلاعيه مكبووت محروووم ومومرتاح جنسيا !! اختي الي فهمته من كلامج انج نوعا ما مقصره معاه من الناحيه الجنسيه وبالمقابل تبين تمنعينه من انه يمتع ناظره بالافلام ووالصور هي صحيح حرام بسس عالاقل احسن من انه يمارسها فعليا مع بنات ويخونج الله لايقووول !! اختي حاولي انج تشبعين رغباته وتلبين احتياجاته الجنسيه ! وبالنسبه للنادي المختلط ترى نادي فيه اجهزة رياضيه ومدربين ومدربات وحاله حال اي نادي ثاني ومو معناه ان الي يشترك بنادي مختلط انسان مونظيف !!!! اصلا النوادي المختلطه كل اغلب اعضائها اجانب وانتي عارفه الاجانب ماالهم شغل بحد يدشون يتمرنون ويطلعون وموغلط ولاعيب انه يشترك في نادي مختلط يمكن هو يحب الهدوء ومايبي زحمه لان معروووف هالنوادي نوعا ما هاديه !!! لاتقسين عليه صيري حنونه معاه ودلعيه قوليله حبيبي انا اونسك واريحك واسوي لك الي تبيه بس اترك عنك هالخرابيط والله يوفقج ويسعدج ويبعد عنج المشاكل ويخليلج زوجج وعيالج

 

[))) ساره (((]

الله يعينك يااارب

 

[توتا الكتكوته]

جسمج اكيد كله سيلولايت ولا فيج ريحه سوري بس اتعطري تخنني بالبخور و اشتركي بنادي سوي رياضة وخاصه الجسم المره مع كثرة الولادات تصير حوش ههههه