دلوني على افضل فندق بالكويت

[روز 7]

مرحبا ..........انا سعوديه راح ازور الكويت بالعيد وحجزنا في manshar Rotanaفي الفحاحيل ( عفوا يمكن خطا كتابة الاسم وانتم اخبر ياهل الكويت الطيبين ) بجانب الكوت مول .....ياريت تفيدوني بمعلومات عنه وهل هو افضل او المارينا ............ابي رايكم وخبرتكم بالموقع الاحسن من ناحية المطاعم والقرب من الاسواق الزينه وهل تفتح ايام العيد ............واذا فيه اختيار اخر احسن بعد دلوني وعساكم على القوه ........................تحياتي للجميع

 

[om el7elwen]

حياج الله حبيبتي بديرتج الثانية بالنسبة للفنادق اللي سالتي عنهم المنشر بعيد تقريبا عن الديرة نوعا ما اما المارينا قريب ويقع بالسالمية.
احسن الفنادق(بالمز-شيراتون-المارينا-مونبيك البدع)
الاسواق فاتحة ايام العيد (الافنيوز-المارينا-الفنار-سوق شرق)بس اتوقع الصالحية لا
واي سؤال انا حاضرة

 

[Emanova]

المنشر زين و قرييب من الكوت و كويت ماجك بس بعيد عن الافينيوز و مارينا

 

[Mis$ LeO]

مكانج حلو وزين بس بعيد عن الديره والسالميه ، بس كويتنا صغيره لا تحاتين ابعد مشوار ربع ساعه

حياج الله

 

[bronzya_cool]

اذا تقدرون تغيرون غيرو الحجز احسن لانه مو بالعاصمه حجزو فندق المارينا او فندق يديد توه مفتوح بالسالميه وموقعه حلو بوسط السوق والمجمعات والمطاعم والسينما عند مجمع الفنار ومجمع البستان وليلى قالري والمحلات ويمج كل شي اما مجمع المنشر ومجمع الكوت روحيلهم بتاكسي يم بعض احسن

 

[Cheerful Spirit]

انا جيت الكويت لمدة يومين وحجزت في فندق ايبس السالمية كلللل الاسوااااق عنده تروحين لها مشي
فندق جديد ونظيف وحلو وميزانيته معقولة بس مو مثل مستوى المنشر ومارينا
وبالتوفيق

 

[Anestazya]

بالعكس المارينا صح يم السوق بس موحلووو كلش اخذي موفنبيك والمنشر عالاقل احلى