دلـــوني ابي اختبر تـــوفل او آيـــلتس

[بنت سعود الفيصل]

السلآم عليكم آخوأتي...
والله ماني عارفه وين اكتب هالموضوع قلت اكتبه بهالقسم يمكن احد عند خلفيه ويساعدني
الوضوع اب اختبر توفل او آيلتس بس مو عارفة اي المعاهد اللي تعطي هالاختبارات ووين مواقعهم؟؟وكم سعر كل اختبار
ابي احد يدلني بالتفصيل الممل جزاكم الله الجنـــه
ضرررروررري

 

[يامطوله صبري]

التوفل جامعة الكويت تعطي المحلي وفي امتحان بشهر سبتمبر

والتسجيل ب اغسطس


والتوفل المحلي والدولي تسجلين ب امديست

والايلتس تسجلينه اون لاين بموقع البريتش كونسل

 

[يامطوله صبري]

موقع تسجيل الايلتس

http://www.britishcouncil.org/me-kuwait-ielts.htm



تواريخ امتحانات ال ibt toefl بالامديست من موقعهم

http://www.amideast.org/kuwait/testing/ibt-toefl®-test-dates



اما التوفل المحلي اللي بجامعة الكويت فهذا اعلانهم

من سايت الدراسات العليا

*التسجيل لتقديم اختبار توفل مؤسسي
يسر كلية الدراسات العليا أن تعلن عن فتح باب التسجيل لتقديم اختبار توفل مؤسسي (INSTITUTIONAL TOEFL) والذي سيعقد في صباح يومي السبت الموافق 17/9/2011 و السبت24/9/ 2011. علما بأن نتيجة هذا الاختبار ستكون معتمدة للتقدم لكلية الدراسات العليا بجامعة الكويت.

وعلى الراغبين بالتسجيل لهذا الاختبار مراجعة كلية الدراسات العليا - إدارة الشئون الطلابية (مكتب الدراسات والتدريب - غرفة 5 )مصطحبين معهم ما يلي:
1- صورة عن البطاقة المدنية مع الاصل للمطابقة
2-عدد (2) صور شخصية
3- مبلغ 35 د.ك رسم تسجيل
وسيكون باب التسجيل مفتوحا اعتبارا من يوم الثلاثاء الموافق 16/8/2011 وحتى اكتمال عدد المسجلين 100 على أن يتم استلام النتائج خلال ثلاثة أسابيع من تقديم الاختبار
يتم التسجيل خلال فترة الدوام من الساعة 8 صباحا حتى 12 ظهرا
للاستفسار يرجى الاتصال على الرقم التالي 24985190
*

وهذا السايت

http://www.graduate.edu.kw/arabic/news/details.php?data_id=139

 

[يامطوله صبري]

وبلييييز لاتنسيني بدعوة حلوة اني اجيب السكور اللي اتمناه بالايلتس او التوفل

وانشالله اكون فدتك

 

[يامطوله صبري]

نسيت احط لج الاسعار

التوفل المحلي ٣٥ دينار بجامعة الكويت

التوفل العالمي بالامديست ٨٥ دينار

الايلتس بالبريتيش كونسل ب ٦٩ دينار وفي منه نوعين جنرال واكاديميك

 

[Miss Cherry]

الايلتس بريطاني تبع البرتش كونسل بالمنصوريه

التوفل اتوقع امديست والتقديم جامعة الكويت

موفقه ان شالله

 

[بنت سعود الفيصل]

الله يووفقك يا مطوله صبري,انسه كرزه
ماااقصرتم
ممكن تدلوني وين مكان المجلس البريطاني؟؟

اقدر اروح لهم وهم يسجلوني لاني دخلت الموقع وحسيت نفسي ضاايعه؟

شنو الاوراق المطلوبه
؟؟
ربي يجـــزاكم الجنه

 

[بنت سعود الفيصل]

صح اختي بغيت اسالك التوفل فيه نوعين ورقي وعلى النت على النوعين موجوده بالكويت؟؟

 

[Cool Teacher]

انا اختبرت في امديست التوفل الدولي كمبيوتر مو ورقه وقلم

 

[يامطوله صبري]

التوفل الورقي هذا بجامعة الكويت

اللي هو المؤسسي يعني مو معترف فيه الا بالمؤسسة اللي انتي مقدمة الاختبار فيها

يعني الورقي بجامعة الكويت مو معترف فيه باي جامعة ثانية


واللي بالكمبيوتر او اون لاين بالامديست



البرتش كونسل التقديم فقط اون لاين

ترفقين صورة البطاقة المدنية اذا كنتي كويتية او مقيمة في الكويت

او صورة الجواز وتكون واضحة وتعبين الابليكيشن فورم الموجودة بسايتهم

وهذي معلومات اضافية عن التسجيل والدفع

http://www.britishcouncil.org/ielts_information_sheet-6.pdf





اما الامديست التقديم بمقرهم

*