دكتوور لاري للتجميل

[AL 3la]

السلام عليكم
بنات الي تعرف دكتور لاري تقولي رايها فيه لأني بسوي تجميل حق جرح بوجهي وفي ناس مدحته وناس ذمته وانا عرسي بعد 5 شهور انشالله وابي اوخر الجرح واذا تعرفون دكتور غيره قولولي

 

[هنويا]

لاتدخلين عليه بروحج لازم معاج احد

 

[أم حوور]

اسمحولي على الاسلوب



دكتور لاري


بصراااااحة قصااااااااااب مو دكتور




بس جسم اوكي


خشم حطي علامة x

 

[NOOOR]

بصراحه ولا حتى جسم اخترب وقبل العمليه يحط لج القمر بايد والشمس بايد لكن بعد العمليه يتغير كل شي ولا تدخلين عنده بروحج

 

[}{نرجسيهـ}{]

بنات ليش مايدخلون عنده بروحهم ..؟؟؟

<<<ذبحها الفضول

 

[قَلبيْ صُويبكْ !]

عفيه بناااااااااااات نبي اجابه ليش ادخل ومعاي احد

 

[AL 3la]

انا قالولي انه يتحرش بالبنات بس ما صدقت

 

[Dancing^Queen]

نصيحه
لاتروحين له

 

[روحي تحب]

آنا واختي سوينا عمليات عنده ماانصحج فيه كلش وطلعت و من طلعت من عنده يوم شال الغرز وقلت بعد مااشوف رقعة ويه بصراحه لانصايح مثل الناس ولاشئ بس شغله زوين دوري احسن ماجد النقي الكل يمدحه شوفي لاري خلاص اخترب مو مثل اول مع انه رحت بعد عمليته حق الابراهيم لقيت لاري ارحم منه وايد سالي عدل لاتغامرين خصوصا انه عندج عرس و بعد العمليه لازم كان يقولي اني لازم البس شئ مثل المشد ماقالي بس قالي خلاص روحي اشوفج بعد سنه بعدها اكتشفت انه الدكاتره كلهم ينصحون بلبس السترج حق مكان العمليه الا اهو ماقالي شئ وصج طلعت النتيجه يعني واهو صج شيطان عينه زايغه آنا مااحبه واختي اللي سوت عنده عمليتها خشمها هم يعني مو ذاك الزود

تذكرت وسالت اختي الثانيه لج لانها كانت تشتغل بمركز البابطين تقول نيشو احسن من لاري بوايد وايد

 

[AL 3la]

انا رفيجتي تمدحه لي تافخه عنده خدود وانا جرحي بخدي بسيط وما اعرف غيره تنصحوني بمنو ؟
ومنو نيشوو اول مره اسمع فيه

 

[_LaNa_]

ما انصح فيه ابد

مرة كنت رايحه بسأل عن الليزر عنده

جان اشوف وحده مسويه خشمها عنده عاد المسكينه كان صوب نازل و صوب صاعد و كانت تنطر دورها و سالتني ليش يايه على بالها بسوي

تجميل والا تقولي انها كانت مسويه عنده تجميل حق خشمها و بعد فتره صار فيه هبوط من صوب واحد

من عقبها والله حتى الليزر خفت اسويه عنده و طلعت و ما ادري عاد عن هالمسكينه شصار فيها بعدين

 

[fatma90]

ااااااااااي استغفر الله ... كلش موزين هالدكتور ...... الله يستر عليه بس

 

[زهور عمري كله]

نصااااااااااااااااااااااااااااااااااااااااااااااب

 

[اروى77]

اعرف وحده مسويه عنده وتمدحه بس كلامكم خرعني... الوحده مو عارفه تصدق منو

 

[softlady]

انا رحت مع اختي عينه زاااايغه انحشت ما سوينا شي

 

[fatma90]

هههههههه

 

[mimi fawzi]

هههههههههههههههههههههه

 

[راياا]

بنات انا زندي كبير تنصحوني اسوي جراحه عند اي دكتور

 

[shams2008]

مسوي خشم بنت خالي يهبل
البنات عمليات التجميل حظوظ

 

[Hawaii]

up up