دكتور يوسف بوعباس،،

[نسيانك صعب]

مرحباااااا بنات
شلونكم شخباركم
بنات انا ببدا اسوي رجيم هالشهر انا حاطه موعد عند عبدالله المطوع
بس مواعيده حييل تطول بعد سنه ونص ياالله،،
ووحده من رفيجاتي مسويه رجيم عند دكتور يوسف بوعباس وضعفت حييل بشهرين تغيرت وانا يوم بحثت عنه المواضيع كلها قديمه
ابي اي وحده مجربه عند هالدكتور تفييدني عفييه بنات لا تبخلون علي ،،
خلونا نستفييد
نااطرتكم

 

[chnoof11]

هلا حبيبتي بصراحه انا ماعندي فكره انا اعرف لرجيم الدكتور الدشتي وبراحه شفت فيه فاده اذا احبه تجربينه حياك الله معاي وانا مستعده اساعدك فيه

 

[chnoof11]

بصراحه انا امس كملت اسبوع ونحفت 4 كيلو من دون اي رياضه ولا جوع ولا عطش ولا تعب

 

[نسيانك صعب]

يعطيكم العافيه ع الردود
بناات شدعووه ووينكم
ردووااا واللي ماعندها تجربه ع الاقل ترفع الموضوع عشان نستفييد،،

 

[معلمة_منكوبة]

انا جربته حبوبه اي سؤال يخطر ببالج انا حاضر ....

رجيمه صج ينزل والحلو فيه انج ماتردين اللي خسرتيه حتى اذا خربطتي جم شهر ..

بس لا زم تتحملين انج ماتاكلين خبز ... اكلي كان سلطات وستيك واجبان وشوربه

يعني بالنسبه لي ماحسيت انه حرمني بس الخبز مشكله

 

[نسيانك صعب]

يعطيج العافيه معلمه*
بس بسالج شنو اسم الحبوب اللي يعطيهم عشان تسد الشهيه? وماطيحوا شعرج والا لا..*
يقولون اول موعد يكلف ١٢٠ دينار*
شامله فتح الملف مع التحاليل المطلوبه مع الحبوب والجهاز اللي يحسب الخطوات ...
وريجيمه عالطول مافي خبز كلش يعني بعد جم شهر مايغير ويحط لنا خبز*
واخر سؤال حبيبتي*
جم نزلتي من وزنج وشكثر المده*
ويعطيج الف الف عافيه والله يتمم عليج الصحه والرشاقه وعلي الكل يارب

 

[نسيانك صعب]

علي الاقل رفعوا الموضوع
نبي نشوف تجارب البنات

 

[انوار87]

انا سويت عنده رجيم من فتره و واايد نزلت بس بعدين انهديت على الاكل وزدت بس مستحيل اكرره لاني مااستغني عن الحلييب و الجبن واللبن والروب و كلهم ماعدا الجبن ممنوعين
و من ناحيه الفلوس ماذكر بس انا اقولج قبل لاتروحينله روحي المستوصف قولي ابي تحليل شامل حق رجيم ( دم الي اهوا سي بي سي و وضايف كلى وكبد و املاح) و اهم شي تحليل هرمون الغده الدرقيه هذا يطول 10 ايام
ولما تروحينله وديهم معاج وبتكسبين حوالي 40 دينار و اهوا اول يوم راح يخليج تقيسين ماي ودهون بجهاز عنده
وانا ماذكر عطاني حبوب تسد الشهيه بس عطاني فيتامين اوميغا3 بس مو قصدي يعني انا كنت اشوف ان سعره ارخص بره من عنده و الجهاز مال الخطوات اشتريييه حلو بس للاسف لازم اعلقه على بنطلوني ولا مايحسب بس وااايد شي الجهاز
و بالنسبه حق تساقط شعر انا ماكنت احس كلش ان شعري حت بس لاني كنت اكل الفيتامين واحط حمام زيت وجذي و اشرب ماي وايد و بالنسبه حق الخبز امبلى صبري عليه ويحطلج بالنهايه بس صبري شوي
وبالنسبه حق الوزن ينزل وايد بالذات اول شي موفقه

 

[chnoof11]

حبيبتي المعلمه تقصد رجيم الدشتي مو رجيم يوسف بو عباس

 

[نسيانك صعب]

لوووووول
معلمه تقصدين منو اي دكتور ؟
مشكوره انوار علي الرد
بس انهديتي علي الاكل من ريجيمه والا انتي ماتحملتي الريجيم
انزين يعني بشهر شكثر نزلتي ؟

ويعطيج العافيه

 

[chnoof11]

شوفي حبيبتي
الي يبي الصحه يسكر فمه وبعدين هو يمنعك عن الحليب ولبن والروب بس في المرحله الاولى الشحم الي بنيتيه طول هسنين ماينزل بيوم وليله

 

[مسك81]

حبوبه رجيمه نفس حسين دشتي
ويعطي حبوب رديكتيل بس الصراحه مااخذته لان وايد اسمع انها موزينه

 

[معلمة_منكوبة]

يعطيج العافيه معلمه*
بس بسالج شنو اسم الحبوب اللي يعطيهم عشان تسد الشهيه? وماطيحوا شعرج والا لا..*
يقولون اول موعد يكلف ١٢٠ دينار*
شامله فتح الملف مع التحاليل المطلوبه مع الحبوب والجهاز اللي يحسب الخطوات ...
وريجيمه عالطول مافي خبز كلش يعني بعد جم شهر مايغير ويحط لنا خبز*
واخر سؤال حبيبتي*
جم نزلتي من وزنج وشكثر المده*
ويعطيج الف الف عافيه والله يتمم عليج الصحه والرشاقه وعلي الكل يارب

اتذكر خذيت حبوب الأوميغا وريداكتيل الأوميغا مثل الفيتامينات تغذيه

والريداكتيل يسد الشهيه .. لا ماله علاقه ماطيح شعري .. انا خلقه

يطيح شعري من دون الحبوب .. لا اشدعوا 120 فتح الملف اتوقع

25 بس مو ذاكره لانه صارلي فتره مسويه الريجيم مو شرط كل شي


تاخذينه .. انا خذيت منه جهاز اللي يعد الخطوات وايد حلو وارخص من

الصيدليات والحلو انه السكرتيره اتضبط لج اياه .. وعلى الفكره الحلو

بهالدكتور انه مو طماع مايجبرج على شي لمجرد الفلوس .. اتذكر

قلتله فيه حبوب كانت الاوميغا ثقيله على معدتي .. عادي كنسلها ..

ورجيمه حيل سهل وكافي معاملته وايد حلوه انا ماحب نوعية الدكتور

اللي يزف ! ياخذ ويعطي وياج وقالي اذا نفسيتج مو زينه روحي


ولما تصير زينه تعالي .. ترى اول مره الموعد يكون حيل بعيد

علشان الزحمه بس بعدين عادي ..


الريجيم مافيه خبز عدل .. راح يفهمج الريجيم هذا اشلون تنزلين عليه

انتي لازم ماتاكلين كربوهيدرات (خبز ومنتجاته+سكريات) وممنوع


خالي الدسم لانه بدال الدهن يكون فيه كربوهيدرات وايد .. راح

تقتنعين بالرجيم .. انا نزلت عليه بشهرين 15 كيلو تقريبا بس ماكنت

حارمه نفسي بس من الخبز يعني اروح مطاعم عادي اطلب اللي ابيه

بدون خبز .. عقب شهرين قطعت الريجيم وقمت اخربط بالاكل

ليثلاث شهور وزني مازاد ولا كيلو .. اتوكلي على الله ولا تترددين

 

[معلمة_منكوبة]

حبيبتي المعلمه تقصد رجيم الدشتي مو رجيم يوسف بو عباس

اهما اثنين اللي يسوون ريجيم الاتكنز بالكويت الدكتور حسين دشتي

والدكتور يوسف بوعباس واهوا استشاري غدد بعد يعني مره وحده

اللي عندها مشكلة بالغدة بعد ..


انا رحت عند بوعباس
​

 

[الزهرة الخضراء]

مشكووووووووووووووووووووووووووووورة

 

[نسيانك صعب]

يعطيج العافيه معلمه ماقصرتي
ومشكوووووورررررررره

 

[شوشوة1]

بنات بسألكم حبوب الي يعطيها دكتور يوسف ريدكتل ولا نوع ثاني عفيه بنات فيدوني

 

[sanyoretaQ8]

يسلموووو

 

[FDET NFSY]

ااااب

 

[دلوعه القمر]

اب اب