دكتور عيون للكيس الدهني في الجفن

[flower@@]

السلام اول الكلام

بنات بلييييز عندي بنت اختي عمرها سبع سنين ونص وطالع لها كيس دهني على جفن عينها لونه احمر جنه دم وراجعت الحكومة وكوه حقها بس انتوا عارفين شغل الحكومة اشلون صاير وبعدها ولا كأن مسوين لها شي :bbbiu:
بالعكس زاد وشكله يخرع ويون عن يوم يزيد

والحين ابي دكتور نوديها حقه
بليييز اللي تعرف دكتور شاطر بهالشغلات لا تبخل علي​

 

[جرح يقتل]

لحظه اختي مايحتاج عمليه بس علميني اي جفن اللي فوق ولا اللي تحت والحبه من برا ولا داخل

 

[flower@@]

اهو تجمع دموي في الجفن العلوي بين الرموش وطالع لبره

 

[caramil]

انا اللي صارلي قبل 6 سنين عباره عن حبه ( جيس دهن) بالجفن العلوي
وفتره طويله يعطوني من هالقطره لييييين عيزت مااايابت نتيجه
عقبها توكلت على الله وسويت العمليه بالحكومه وشالوا لي الجيس الحمدلله بنج موضعي
ماحسيت بشي وطلعت بنفس اليوم و بنفس اليوم جنه بليل شلت الشاش بالبيت ورحت المدرسه ثاني يوم
الحمدلله كانت وايد خفيفه وسهله

بس اتوقع الوضع مختلف لأن عمرها صغيرر
سألوا عدل قبل لا تودونها اي عياده خاصه

والله يشفيها انشالله بأسرع وقت وتروح الحبه
ومبارك عليكم الشهر

اختج : كرآميل

 

[مظلومه ياناس]

انا بنتي عمرها سنتين و٧ شهور وفيها كيس دهن بالجفن السفلي وديتها مستشفى البحر وعطونا قطره استخدمتها اسبوع واختفت وعقب السبوع ردت مره ثانيه وانا ماابي اسويلها عمليه توها صغيره

 

[جرح يقتل]

جربوا حب الرشاد سوي بحث بقوقل

 

[Qwatiya]

د. عادل البلوشي
عيادته علي البحر
متخصص بالجفون
وسلامات ان شاءالله

 

[flower@@]

مشكورة كل وحدة ساهمت في المشاركة وابدت رايها في الموضوع
اسبوع الياي موعدها وانشالله اي يصير راح ابلغكم اول باول

 

[قطوووة]

انا طلع لي جيس دهني 7 مرات و 7 مرات شلته بالحكومة

مرة في ابن سينا ومرة بالعسكري ..

سهالات .. بنج موضعي وماتاخذ العملية ربع ساعه ( العمليات الصغرى )

وثاني يوم ينشال الشاش