دكتور / دكتورة أمراض نساء و ولادة لحالات الحمل الحرجة ؟

[Q8Lady]

مساء الخير بنات

الله يجزاكم خير ...

أبي استشاري أو استشارية أمراض نساء و ولادة ممتازين جدا لمتابعه حالات الحمل الصعب و الحرج

لأني بنات حملت بالغلط والله يرزق كل محرومة ، وأنا كان صاير معاي مشكلة بالرحم وسويت عملية ورحمي تأذى

والعملية صارت بمستشفى حكومي وتدرون شكثر أهناك زحمة

وأنا أبي دكتور شاطر و فاهم عدل مدل عشان يتابعني بالحمل

منو ترشحون لي ؟ أبي استشاري أو استشارية مو مشكلة

بس يكونو دقيقين حيل بالحالات اللي نفسي اللي يبيلها دقة ؟

وبنات أدعوولي الله يسهل أموري وتعدي على خير

 

[Diva-Q8]

يارب الله يسهل حملج ويوصلج لي تمامج واتشوفين ظناج بيدج سليم معافى

انا اراجع عند الاستشاري خالد حموده استشاري عقم واطفال انابيب وتولد

مكانه بالسالميه بمستوصف بوشهري التخصصي ريال كبير بالسن وديين وكان بالصباح قبل خبره اكثر من 20 سنه و مو مادي
وباله طويل على الحالات الصعبه ارقامهم 25639950 - 25622001 - داخلي 121

وادعيلي انا بالتاسع ولادتي قربت

 

[tho tho]

ارشح لج دكتوره خالدة المجيبل بمستشفى رويال حياة
عجيبه حق حالات الحمل العسر و الحمل الحرج
و الله يوفقج حبيبتي

 

[{هتًان}]

د . ليلى ابوالليل - الصفاة الأمريكي

وكانت سابقاً في انترناشونال كلينك

لها الفضل بعد الله في علاجي بخصوص امراض النساء

وهم ان قلتي في الولاده ممتازه ونفسيتها عسل وصبوره

عسى الله يعطيها الصحه والعافية يارب العالمين

ويشفيج ويعافيج يارب



​

 

[Q8Lady]

اشكركم وربي يتمم عليكم الحمل

يليت باجي البنات يقترحون بعد دكاترة

بس حبيت أوضح لكم أنا أبي دكتور شاطر حق الحمل اللي فيه مشاكل مو تأخر الحمل

 

[كويتيه مذهله 87]

حبيبتي فهمتج اذا تبين دقيق حيل حيييييييييييل د مايكل بروفوسوور بس بمستشفي الصباح وري تقاريرج له
انا حالتي بعد صعبه يوم حملت كل اسبوعين سونار لي الشهر التاسع تعبت سونار ودقيييق معاي حداا لمن ولدت بالسلامه

 

[Q8Lady]

حبيبتي انا مو تبع منطقة الصباح الصحية !! شلون اروحله

انزين ابي استشاري بروفيسور غيره او عنده عيادة خاصه ؟؟؟؟

وادعولي والله حيل خايفه وحايشني اكتئاب ونفسيتي سيئة

الله كريم

 

[miss_Ba6oOo6a]

بروفيسور خالد حموده بوشهري كلنك انا عنده لان عندي ولاده مبكره ب٢٨ اسبوع بدون سبب وايد شاطر ودقيق كل اهلي عنده *

 

[بناااوي]

ارشح لج دكتور عمرو محمد الصياد
دكتوراه بامراض النساء والولاده فعلاااا شاااطر حيييل
في عيادة شيخه كلينك
وكان بمستشفى العدان ودكتور مو مادي وصبووور وفعلااا شاطر

 

[Q8Lady]

تسلمووون حبايبي ...

انزين بعد شرايكم بأمل الراشد - معصومة مخصيد - ماجد الشمري - خالده المجيبل ؟

والله احترت وابي دكتور فاهم بالتشخيص !

 

[كويتيه مذهله 87]

حبيبتي اذا ماتقدرين علي الصباح
روحي حق خالد حموده مع البنات رفيجتي بالدوام مثل حالتي وراحتله واااااايد شاطر ودقيق وبروفووسوور بعد

ولا تخافين حبيبتي وكلي امرج لله تعالي وطلعي صدقات واستغفري تري اهم شي النفسيته لا تتعبين وايد

والله الي ذكرتيهم جربت بس خالده هي اكثر شي تخصصها بعلم الاجنه والاجهاض المكرر وشاطره والله بهالشي بس مواعيدها بعيده بالشهر تحصلين

 

[Q8Lady]

الله يعطيكم العافية

 

[Talyan Rose]

عندج دكتور عصام برويال حياه يهببل وكل الحالات الصعبه عنده

 

[ليان]

د / محمود الاسطل

د / محسن طلبه​

 

[أبله جهراويه]

انصحج بالدكتور ماجد الشمري اهو تخصصه اجنه
اذا تبين رقمه أنا حاظر

 

[sweet fashion]

دكتور مآجد آلشمري شآطر وممتآز
وخآلده آلمجيبل بآلمرتبه آلثانيه
لآن تخصصهم آلحمل آلخطر وعلم آلاجنه وآلاجهاض آلمتكرر
وعسي الله يسهلها عليج

 

[Q8Lady]

ماقصرتوا ... وعسى ربي بهاليوم يحقق أمانيكم

أدعولي ربي يسهلها علي

واللي عندها رقم ماجد ألشمري تعطيني إياه الله يوفقها

 

[تبطي عظم!]

الله يعينج ويسهل عليج ماعندي بس سمعت عن دكتور ماجد الشمري جارتنا

كل ماحملت تجهض وهو الوحيد الي اكتشف ان رحمها قرني ويبيله متابعه وحملت وماشاء الله

الحين هي بالسادس

 

[أم الهواشم]

خالد مجيبل برويال حياة وايد شاطره وممتازه

 

[Q8Lady]

اشكركم على تفاعلكم معاي

من بحثي بالنت لقيت أن خالده المجيبل دائما مسافرة و مو موجوده ! وأنا حالتي يبيلها متابعه على طول

أنا حالتي مو إجهاض الجمدلله مشكلتي ندب بالرحم من عملية سابقه والمفروض ما أحمل الحين بس الحمدلله على كل حال حملت بالغلط وعشان جذي يبيلي متابعه دقيقه

وأبي دكتور فاهم وشاطر بمشاكل الرحم والحمل !

دعواتكم لي خواتي ربي يسهلها علي ويهون علي هالحمل ويرزقني بطفله سليمة معافاة ويقومني بالسلامة

وبخصوص الدكتور اللي تسمع شيء عن دكتور ينفعلي لا تبخل علي الله يجزاها خير