دكتوره رفيده

[قايد الغزلان]

السلام عليكم

بنات بغيت اسألكم عن دكتوره رفيده ودي اعالج شعري عندها واتمنى انكم تفيدوني عنها هل اهي زينه او لا ؟

وجزاكم الله خير​

 

[جروحي تنزف الاحزاني]

السلام عليكم ورحمة الله وبركاته

والله ودي اساعدج بس اول مره اسمع فيها وانشاءلله يفيدونج البنات

 

[قايد الغزلان]

مشكوره يابنت المطيري والنعم فيج وحياج الله
دكتوره رفيده تشتغل بالمركز البريطاني
وان شاء الله مراح يقصرون البنات

 

[bushbush]

هلا والله
والله للاسف اختي
ما اعرفها وان شاء الله البنات يفيدونج وبس
اختكم الي تحبكم
بشبش

 

[ريفيل]

والله من تجربتي الشخصية معاها الله يستر علينا وعليها
نصااااابه
ليش ؟؟
دشيت عنها ابي ليزر لجم شعرة تطلع لي تحت الحنج ماسوت لي ولا شي بس دفعتني 150 دينار بدون ما يكون للليزر اي علاقة يعني الجلسة الجاية ليزر لا وقعدت اقول لرفيجتي شنو قالت لي حلفت البنت نفس السناريو قالت لها

 

[قايد الغزلان]

مشكووره اختي العزيزه ريفيل
انا الحين احترررت فيه بنات مدحوها لي ومابي اقط افلوسي على شي مايفيدني :eh_s(10):
بنات منو بعد عالج عندها ؟؟

 

[واحشنى موت]

انا عالجت عندها بناتى للجلديه وهم انا معالجه عندها بنت الحلال حبوبه
ونفسيتها حلوه بسسسسسسسس تذبح بالفلوس ماتطلعين منهاا الاا بوصفه
بخمسين وستين دينار وعليها هالتركيبات اللى يسوونها بالصيدليه علبه صغيره بثلاثين دينار والنتيجه لج عليهاا يعنى نص ونص
صراحه صارلى عندها فتره بس من سنه غيرت لدكتور ثانى

 

[قايد الغزلان]

مشكوووره اخت بشبش على الرد وانا ناطره ردود البنات

 

[أضوى1]

باختصار ... هي نصابة انا سويت عندها ليزر وحرقتني يعني مو شي وليزرهم غالي مقارنة بطيبة كلينك اللي افضل منهم بوايد

ولها موقف بايخ مع ابوي لعلاج الصدفية عطته علاجات نفس علاجات اختي الصغيرة مالت الاكزيما بالضبط مع العلم ان ابوي فيه ضغط وسكر وهي عندها علم بهالشي والمفروض رجال كبير تراعي حالته الصحية وتستفسر عن كل صغيره وكبيره والعلاج ما يصلح لحالته ولما بنرد الدواء ما رضوا وتهاوشنا وياهم ومع الصيدليه اللي تابعه لهم وتصدقون انهم رفضوا يردون العلاج ؟؟ والله انقهرنا عليهم بس توبه نتعامل مع هالنصابين الله حسيبهم .

 

[شادية]

سويت
شعري
300
عندها
مافاد
شيء
انصح
لاتروحيييييييييييييييييييييييييييييييييييييين