دكتوره امل الراشد في السلام

[SWiiiRZ]

السلام عليكم يالغالين

انا اراجع عند الدكتوره امل الراشد بالسلام مدحولي اياها وااايد
و يقولون صبوووره و تتحمل و حيل روحها حلوه

بس انا عندي مشكله
كل ما اروح اراجع او عندي موعد ما القاها القى مساعدتها الهنديه
انا ما ابي المساعده ولما ادق على العياده تقولي موجوده
لما اوصل تقولي هي قبل 5 دقايق طالعه


افف شهالحاله
ابي اشووفها ابيها اهي تشوفني واراجع عندها الهنديه احس نصايحها مادري شلون
تقولي لا تاكلين جزر @@ شكو الجزر بييب ارنب
تقول ماكو جبده
في اشياء اول مره اسمعها

شسوي بنات ابي الدكتوره امل تعبت وانا اروح ما القاها حتى pregnaplan ما عطتني

 

[هذا مزاجي]

ههههههههههههههههههه ياحلوج
والله مااعرفها ياقلبي بس حبيت ارفع موضوعج

 

[SWiiiRZ]

حبيبتي تسلميلي :*****

 

[razona]

ههههههههه ذكرتيني بروحي والله انا جذي كنت اعاني بس ادق قبل مااروح واذا قالتلي موجوده طيراااااان ارووحلها والحق عليها لانها هالدكتورة ماتتطوف فديييتها

 

[yasmeen_q8]

انا واايد مدحولي اياها

اهي مولده رفيجتي من جم شهر وحيل تمدحها
عن نفسي ما ادري شلون طريقتها

 

[روحي بلقاااك]

حبيبتي انا اراجع عندهااا وانا الحين بالتاااسع ومره وحده صاادفت مساعدتها الهنديه
حتى الحين حطت مساعده يديده كويتيه تبين الدكتوره نفسها لا تروحين مبجر الظهر روحي
ع الساعه 2 احسن ودقي قبل لا تروحين يمكن يصادف وقت ولاااده عندها وتكون بالمستشفى
الرئيسي مو بالعياااااده

 

[ruby13]

انا بعد اراجع عندها وصح ترى كلام الدكتوره فاطمه لاتاكلين جزر ولا جبده لان فيهم فيتامين أ وهالفيتامين اسبب تشوه حق الجنين وبعدين المفروض تعطيج فولك اسد مو برجنا بلان ومثل ماقالت الاخت دقي عليها على ال 2 اتحصلينها لان الصبح اكون عندها عمليات بالمستشفى الله يسهيل على الجميع

 

[tbola]

حبيبتي الله يسهل عليج تصدقين انا كنت اراجع عند دكتوره منعتني عن الجزر بس مادري ليش

 

[عيون ملكيه]

ما اعرفها بس وايد يمدحونها


رفع لعيونج

 

[ام عفاف الكويت]

صح الجزر في فيتامين أ وايد ومايصير تكثرين منه مو زين
الجبده ممنوعه من زمان على الحامل
نفس التونا بعد يقولون

بس انا امل اول قبل اراجع عندها قبل الهنديه مادري الباكستانيه

 

[fulla.81]

بالولاده اانا ماجربت امل عبدالعزيز
جربتها بفحص التبويض عندي
وبصراحه خرعتني وحطت فيني بلاوي الدنيا وحولتني على دكتور الغدد الصماء !! تقول فيج غده وانا مافيني الا العافيه
بصراحه مارتحت لها نهائيا...
والله يسهل عليج

 

[SWiiiRZ]

اممم بالعكس الدكتوووره عسل والله
ولدت اختي و صادفتها و قالتلي الفال لج

بس بعدها لما حملت ما اشووووفها كلش و توني ادري الجزر يسبب تشوه والله معلومه


حبااااايبي مشكووورين ما قصرتو

بس انا اروح عال 2
ادق تقولي موجوده اوصل تقولي اصل هي لسه خارجه

لووول ويهي جنه احد طاقني طراق
لاني طالعه من دوامي الاحمدي بالبترول @@

 

[مشتطـه]

أمبي آنـا مقزرتها جزر أول حمالي @@

والجبده كليتها 5 او 6 مرات لما اروح نينو اطلب جكن ليفرز ؟


واي خرعتوني
بس جنيني بالسونار تقول كامل نموّه
انا بالخامس
شلون اعرف مشوهه والا لا يا حافظ

يمه خرعتوني

 

[Judy . abbot]

اي اهي واايد زينه الدكتوره
واحسن شي تروحين لها الظهرر

 

[wafa82]

اب اب اب

 

[Mrs.Q]

بنات أمل الراشد بالسلام ولا رويال حياة؟ ودي اراجع عندها هالأسبوع

 

[FuSheYa]

دكتوره امل بالسلام بالعيادات الخارجيه

تهبببببببببببل
انا ولدتني بأول بيبي قبل سنتين تقريبا
والحين هم اراجع عندها وحاليا ان بالتاسع

الحين ماعندها ولا مساعده
اهيا بروحها
كانت عندها دكتوره مصريه على ايامي بالخامس او الرابع تقريبا
بس بعدين سافرت
والحين الدكتوره امل بروحها تستقبل والحمدلله واايد احسن من الأول الحين موجوده

وانا اروح من الصبح على الساعه 9

وان شاءالله باجر موعدي
الله يسهل علي وعليكم يااااارب