دكتورتي من برى المستشفى راح اتوهق؟؟؟؟

[فله]

االسلام عليكم
بنات العنوان واضح
لو اراجع عند دكتورة ماتولد بعيادتها ادري بتقولون تختارين مستشفى تولدين فيه وتجيج الدكتورة !!!
بس شلون الطريقة وخوفج توهقج الدكتورة وساعة الولادة شيصير تجي والمستشفى اعطيهم خبر قبل او لأ ؟
صراحة موفاهمة شلون
ياليت تقولون تجاربكم
انا خاطري بالدكتورة سلوى الرفاعي لاعت جبدي من الهنديات والباكستانيات مايفهمون ع كلامنا

 

[آهات الليل]

الله يهون عليج لامايصير تولد بعيادتها خخخخخخخخخخخخخخ
لازم مستشفلى

 

[عـــزآآآآآهـ]

يا قلبي لا تحاتين ان شاء الله تجي دكتورتج

انا دلال السالم قالت لي اول ما توصلين المستشفى خليهم يدقون علي وربع ساعه بالكثير انا عندج ان شاء الله

 

[فله]

فديتكم
زين شلون عالمستشفى نفسه نجيه حده حده والا شلون

 

[فله]

اب وينكم

 

[_Pure_]

انا ولدتني د.سلوى الرفاعي في رويال حياة
و اهي تولد في كل المستشفيات ماعدا الراشد و لندن

طبعا من تدشين شهرج تعطيج الدكتوره رقم تلفونها الشخصي و ساليها اذا لازم تفتحين ملف في المستشفى ولا لا

اول ما تحسين ان فيج ولاده او شاكه ان فيج ولاده
يا تدقين عالدكتوره سواء نهار او ليل او فجر لووول و تقولينلها و اهي تعطيج تعليمات
او تروحين المستشفى اللي تبين تولدين فيه و دكتوره الطوارئ تفحصج و تحدد اذا فيج ولاده و لا لأ تتصلين عالدكتوره


انا اقولج شنو صار معاي

بدا معاي طلق خفيف الفير
علما صار ٧ الصبح تقريبا اتصلت عالدكتوره قالتلي روحي المستشفى
رحت رويال حياة و كنت فاتحة عندهم ملف و فيه اسم دكتورتي
فحصتني دكتورة الطوارئ و قررت ادش ولاده و قامو اهما اتصلو بالدكتوره و يات علطووووووول الله يعطيها العافيه
و كانت ولاده حلوة ميسره الحمدلله


الله يسهل عليج و كلمي الدكتوره بالموضوع تفهمج اكثر ان شاءالله

 

[احب المنتدى]

رد : دكتورتي من برى المستشفى راح اتوهق؟؟؟؟

عااااااادي
روحي المستشفى و بلغيهم منو دكتورتج و يتصلون عليها و تجي على حسب فحص الدكتور و السسترات لج انا اعرف وحده جتها ثاني يوم لان رحمها بس2 سانتي و طلقها باااااااااارد يروح و يرد

 

[حرم_طيار]

رد : دكتورتي من برى المستشفى راح اتوهق؟؟؟؟

عادي انا الحمدالله ما توهقت

 

[ديانا سبنسر]

ماعندي فكرة

 

[فله]

يعطيكم العافية ماقصرتم
بيور فتحتي ملفج عن رويال حياة عند اي دكتور عادي ؟؟
وجم كلفتج الولادة ؟

 

[..ليالي..]

وانا بعد مع فله

جنها تدري فيني نفس اسالتي

 

[_Pure_]

فتحت ملف بدون دكتور عشان ادفع سعر الولاده مقدم
و كلفتني الولاده ١٤٠٠ بس هذاك ايام الرخص قبل ٣ سنوات
الحين اكثر و حسب الغرفة اللي تبينها عندج من ٦٠٠ دينار و فوق حسب نوع الجناح
بس انصح بالمستشفى و ناويه اولد فيه الحين بحملي الثاني ان شاءالله

 

[فله]

1400 انتي قيصرية والا طبيعي؟؟؟
جنة غالي حيل انا ابي غرفة عادية لانا الاستقبال بالبيت نسوية والدكتورة حسابها ضمن الالف و400
ربي يسهل ولادتج

 

[حنون المزيون]

رد : دكتورتي من برى المستشفى راح اتوهق؟؟؟؟

فله اله يقومج بالسلامه وتولدين بيبي حلو بصحه وعافيه إنتي وأهو او إهي

أنا عطتني دكتورتي ورقة ذخول للمستشفى ورحت لهم الظهر وما شفت ويهه دكتورتي إلا الساعه 12 وتخانق معاها ريلي قال لها خلصتي عيادتج ويايتنا ألحين على البراد وتقولين قيصريه وعصبت لمن رفض يوقع قيصريه وقالت خلاص انا مالي شغل فيها والله طاحت من عيني >يك الساعه طبعا دكتورتي كانت (هدى الزكري )

المهم / أنصحج تولدين بالسلام وايد أرخص بصراحه من رويال أنا قيصري وغرفتي ملكي ودكتورتي من بره خدوا على 1500 دينار وسويت استقبالي بالمستشفى والغرفة كبيره وشرحه وهالحجي قبل سنه

 

[فله]

حنون حبيبتي انت ماقصرتي
والله الظاهر بخلي دكتورتي من المستشفى بسبب هالحركات

 

[Tender Heart]

رد : دكتورتي من برى المستشفى راح اتوهق؟؟؟؟

انا والله احاتي نفس الشغله بع\ بس الافضبل تراجعين عند 2 ثقه عشان لا تتوهقين ويكونو بنفس المستشفى

 

[_Pure_]

انا والده طبيعي حساب الدكتوره ٢٠٠ دينار
الباجي عالمستشفى لان سويت استقبال

الحين حساب الدكتوره ٢٥٠ بدون تجميل ٣٠٠ مع تجميل