دقه قديمه

[رزنامه2010]

شلونكم يابنات وصج ابي رايكم
ليش كل رفيجاتى يقولون عنى معقده ومو مع الموضه والسبب ان انا البس عبايه يقولون صج انتى عباياتج كشخه وجناط وساعات كشخه بس شخبارى العبايه منو يلبس عبايه الحين لدرجه وحده منهم الحين معاى على الماسن تقولى بس ليمتى هالسواده اللي لابستها ولا وحده بعد كانت كل عبي من اول مانولدت والحين قطتها والبست بدل تقولى الحين خليج على الموضه شنو هالعبي:eh_s(12):

لي درجه مرات قمت احس صج صرت قديمه:eh_s(11):

 

[النهج الاسمى]

اختي الغاليه>>>>ابعدي عن الحزن والهموم

وبدلي توقيعج>>>>بالامل والتفاؤل والدنيا ماتسوى نحزن عليها

لاننا ننطر من الكريم الرحمن الغفور>>>>الجنه عرضها السماوات والارض

اما بالنسبه للعبايه>>>>راح يجي يوم ناس فيه تضحك وناس تبكي

فتجهزي لهذا اليوم >>>>وجوه يومئذ ضاحكة مستبشره

والعباه قال عنهم الرسول عليه الصلاة والسلام>>>>>نساء اهل الجنه كالغربان

يعني مثل لون الغراب من السواد والستر

خليج فخوره انج اطعتي الله ورسوله

واهم خليهم يتبكون الكفره>>>>روبيرتو كافالي وشانيل وجفنشي

النهايه منو اللي يفوز

ياليت لو تنصحينهم >>>>>>حتى تجتمعون في الجنه>>>>على سرر متقابلين

اللهم آمين

 

[رزنامه2010]

والله مشكوره وردج كافي ووافي وصدقتى والله وانا مقتنعه والحمدالله انا من 7 سنوات لبست العبايه ومابي اغيرها بس اللي حواليج مايخلون احد بحاله

 

[عمرى شقا]

إن كان الستر والإحتشام يعنى عندهم التخلف وكونج دقة قديمه ولا تواكبين الحضاره والتقدم والحريه فاتركى لهم التقدم والحضاره لهم

وكونى متخلفة ودقة قديمه فى مقابل انج تسترين نفسج وتحافظين على فرض من الفروض التى فرضها الله على كل بنت مسلمه وهى

الاحتشام والحجاب والملابس التى تحميك من عيون الذئاب ماهو موقفك وانتى تمشين بلا عباءه وملابس محتشمه وتجدين رجل أو عامل

من عمال الشارع ولا أقصد التقليل من شأن أحد ولكن ييمكن أحيانا نستكبر أنهم ينظرون لنا كونهم أقل منا ... شنو موقفج وهو ينظر

لج بشهوة وينظر لج كما ينظر الرجل لزوجته ,,, أى حضاره تجعل جسدك الطاهر لقمة سائغة فى عيون حتى من هم أقل منك

الحضاره ليست بالمظهر والباس الخارجى ؟؟؟؟؟ الرقى والتقدم هو رقى العقل والتفكير .......

فلا تكونى تابع لمن هم أقل منك وبدلا من أن يثبتوا صحة وجه نظرهم أثبتى لهم خأهم .....واحذرى التنازل عن سترك وحيائك

فمن يتنازل مره قد يجرك هذا التنازل لأكثر من ذلك .........

وتركى الدنيا لهم بمظاهرها الخداعه ,فكرى بدينك وآخرتك ولا تبيعيها بثمن بخس وانتصرى لدينك حبيبتى .... إنتى مو مسلمه؟؟؟؟؟؟؟؟؟

أهما مومسلمات ؟؟؟؟؟؟؟ الستر والاحتشام مو فرض على كل مسلمه ؟؟؟؟؟؟؟؟؟ فإذا على أى أساس يبحن لأنفسهن عدم لبس اللاس الشرعى

وعلى أى أساس يدعونك لهذا الأمر ؟؟؟؟؟ أعوذبالله ،،،،، ابتعدى عن كل من يصدك عن سبيل الله وابحثى لكى عن رفيقات يساعدنك على

الخير والصلاح والهدى ،،،، والله يهديج ويثبتج ’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’

 

[اميره1980]

هذيله بنات ابليس قاعدين يوسوسون لج علشان تصيرين مثلهم محترين
قولي لهم اللي مو عاجبها ختسوي مثلي و تتستر

 

[TWEETY]

الله العالم باجر يقولون شخبااااااااااااااري تصلين في احد يصلي الحين
خنروح الكنيسة!!
اللهم ثبتنا على الحق
((أفبآيات الله تستهزؤون))
اذا كل شي آية ودليل بهالكون يدل على وجود الله
حتى العباية والحشمة والستر مو آية ودليل على وجود الخالق سبحانه اللي فرض الحجاب
الله يثبتج ويثبتنا معاج ويهدي بنات وشباب المسلمين

 

[ديناا كوليكشن]

حبيبتى قوليلهم انا افتخر اذا هذا تخلف في نظركم

واذا كان ربي غير غضبان علي فلا ابالي

وهم قولي انا جبل ما يهزك ريح

 

[*ريما*]

اختي الغاليه>>>>ابعدي عن الحزن والهموم

وبدلي توقيعج>>>>بالامل والتفاؤل والدنيا ماتسوى نحزن عليها

لاننا ننطر من الكريم الرحمن الغفور>>>>الجنه عرضها السماوات والارض

اما بالنسبه للعبايه>>>>راح يجي يوم ناس فيه تضحك وناس تبكي

فتجهزي لهذا اليوم >>>>وجوه يومئذ ضاحكة مستبشره

والعباه قال عنهم الرسول عليه الصلاة والسلام>>>>>نساء اهل الجنه كالغربان

يعني مثل لون الغراب من السواد والستر

خليج فخوره انج اطعتي الله ورسوله

واهم خليهم يتبكون الكفره>>>>روبيرتو كافالي وشانيل وجفنشي

النهايه منو اللي يفوز

ياليت لو تنصحينهم >>>>>>حتى تجتمعون في الجنه>>>>على سرر متقابلين

اللهم آمين

ماشاء اللة
ردك كفى ووفى

 

[رزنامه2010]

والله يابنات ردودكم كافيه ووافيه فديتكم والله يثبتنا

 

[brettey]

ويه شعليج منهم قولي لهم انا مرتاحه جذيه وكل واحد حر بنفسه والي يبيني هذا انا
والحين العبي بصراحه يهبلووون كل عبايه احلى من الثانيه

 

[هاناا]

بالعكس

شنو فيها العباة


يا ما عبي احلى و اكشخ من البدل

مع احترامي لصديقاتج

بس المفروض يحترمون قرارج بلبس العباة

مثل احترامج للبسهم للبدل

آنا البس عباة و كل رفيجاتي يلبسون عبي

شفينا جنا البخت

 

[iron women]

حبيبتي محد من حقه يفرض عليج شي انتي ماتبينة ولا من حق احد انه ينتقد طريقة لبسج لمجرد انها ماتوافق طريقة لبسه

انا مثلا عمري مالبست عباة ولا احبها ولا افكر البسها بس هاذا مايخليني انتقد اللي يلبسون العبي

بالعكس كل وحده لها حريتها الشخصية باللبس ولا من حق احد ان ينتقد لبس الثاني وعمره ماكان لبس العباية

او السفور مقياس للكشخة احيانا الوحدة ايكون ماعندها ذوق سواء لابسة عباة او سفور والعكس صحيح

 

[رزنامه2010]

اى والله صدقتوا يا بنات عاد والله حتى العبي اللي نشتريها مو رخيصه والله مرات اغلى من البدل وبعدين احنا لم نروح استقبالات ولا عند رفيجاتنا نكون لابسين احسن البدل

 

[@الياسمين@]

حبيبتي ما عليج منهم .... خل يقولون اللي يقولونه
حلات المرا بسترها ، وما تكون فرجه حق الكل

 

[وردة بيتنا]

المشكلة مو فيج

في الهيلق اللي انتي مرافجتهم. و اهمة شكو فيج !! يعني يايين ينصحون والا شنو !

انصحج ترى شكلهم هذيلا هيلق و ما يصلحون رفيجات . الله يرزقج رفيجات زينين و سنعين و من الصحبة الصالحة .

 

[رزنامه2010]

والله رفعتوا معنوياتى يابنات

 

[bazoona]

انا اتيي لي فترات البس عبايه و فترات اقط العبايه
بس صار فيني مرض (الله يبعده عنكم) و اكتشفت ان الدنيا ما تسوى
و الحين الحمدلله انا البس عبايه وأسأل الله الثبات لي و لج و لكل المسلمات
اقدر اكشخ في المناسبات و التجمعات العائلية او الضيوف الحريم جذي
بس صح مثل ما قالوا البنات: يعني ليش اخلي جسمي فرجه للي يسوا و اللي ما يسوا
و ترا الرياييل بكل الاجناس يطالعون لأن فطره فيهم لازم يطالعون
وانا بعد وايد اسمع يقولون انتي ليش لابسه عبايه انتي اصغيره و جذي ليش دافنه نفسج
و هم الشيطان يوسوس لي بس الحمدلله ان شاء الله ما اقط العبايه
و انتي بعد اختي الله يثبتج و مالج شغل بأحد
رضا الرحمن اهم شي والله

 

[ديـمه]

يعني البنات ماشالله ماقصرو

وسالفة ان العباه ستر وطاعه ودين مانقدر نزيد عليه

بس ابي اقولك ترى العبي لبس الاميرات والشيخات

وهو لبس العرب الاصايل

ومثل ماقالت وحده من البنات نصرف مبالغ محترمه على عبينا

وانا مش بس البس عباه دين وعباده الا البسها ستايل وافاخر بها هاذي العباه يفسرونها على مشتهاهم الناس

الناس تعني لهم اوف خليجيات يعني دراهم وريالات

وناس تعني لهم محافظات لا حد يقربهم

وناس تعني لهم عيال عرب

وناس زي ماالله ابتلاك تعني لهم رجعيات ومتخلفات

ولا يهمك خلي شخصيتك قويه واثبتي ماتدرين يمكن تكونين لهم سبب ويقتدون فيك

 

[][ sarah ][]

ذكرتيني بنفسي
انا نوعي بين العبايه والبدل ماكو شي محدد بس اتييلي فترات ارتاح عالعبايه ولازم القى النغزات
كشخي وكشخي صج حيل يأثر فيني لان مرات بالعبايه احس نفسي مرتاحه وكاشخه ومره وحده مع السوالف ينقالي كشخي استانسي توج صغيره :\

بس تدرين شنو تسوين خلي عبايتج فيها اشياء ملونه تفتح النفس , حتى شيلتج

 

[3emya_Berry]

مالج شغل فيهم منو قال محد يليبس عبايه الكلل يلبس عبايه شنو رفيجاتج ما يطلعون ما يشوفون الناس وانتيوسوي الي انتي ترتاحين له مو على كيف فلانه وعلانه والله يتمم عليج سترج واحتشامج