دقت علي 1الفجر

[انا مو هني]

بنات شوفو السالفه الي صارت توا الحين الحين الحين

بس اول شي لازم افهمكم السالفه عشان تعرفون

انا اول ما داومت ما اعرف شي بالدوام وما ادل ففي وحدا كانت معاي تعرفت عليها عشان نخلص شغلنا مع بعض
ونفهم شالسالفه
فتبادلنا الارقام وتدق علي تسلم بين فترا وفترا
وبالدوام احيانا اتدق علي عشان ايي اتريق معاها في قسمها
المهم
مع الايام تبينلي انها مو مضبوطه
يعني تسولف عن اصبيان وبلاوي الي تسمعها بتطق على راسها
اهيا منفصله وحمدالله والشكر من واحد لي واحد
انا من شفت كلامها كلا اي شي
قلت ابعد عنها
وهاذا الي صار
ما اكلمها بس اذا سلمت ارد السلام عادي وما اسولف معاها
جم مرا اتشوفني قاعدا تيي تقعد يمي تسولف واناا انصدم @@
المهم مع الايام جنا بدت اتحس ان انا كاشا منها
وجذي
اهيا وخرت
بس بنات اهيا جنها مو صاحيه وما عندها كرامه
ترد العلاقه غصب وانا مو معبرتها حتا رقمها مسحته
دقت علي قبل اسبوع اتقول ولهانه عليج ومن هالحجي انا كنت بالصالون وتقول انا تعرفت على واحد اف عجيب
ورحتله الشاليه وتبدي تقول كلام مو صج كله من تحت السر انا من النوع الي استحي ما اعرف ارد مادري شقول بس ويهي ينصفق واسكت واهيا الحبيبه حيل وتكمل ماتستحي على ويها بعدين قلت لها انا بالصالون الحين مشغولا قالتلي اوكي ادق عليج بعد اشويه
قلت لها انزين
وردت دقت علي وانا حقرتها ودقت مرا ثانيه همن حقرتها يمكن حست على نفسها اشويه

توا قبل ساعه الساعه 1 الفير دقت علي
واهيا سكرانه وتخربط بالحجي وتقول كلام عيب وتسولف عن شباب
انا قلبي طلع من مكانه من الخرعه زوجي يمي
وسمع كل شي

طبعا انا من قبل قايلتله عنها واهوا قايلي حقيريها ولا تكلمينها ويدري بكل شي:icon30:
بس اول ما قلت لهاا ريلي يمي باي
جان يعصب ويصارخ ويزف اشهالاشكال الي تماشينها واشهالمستوا المفروض لمن قالت جذي تسبينها وتزفينها
المهم قلتله استحي اقول جذي
قالي ماتستحين تسمعين هالكلام وتفتحين مجال مع هالاشكال الوصخه
قلت له خلاص انا الحين بدق عليها واكلمها جدامك واقولها لاتتصلين علي مرا ثانيه وريلي سمعج واقولها انا متزوجه وعندي عيال واخاف على بيتي وعيالي
دقيت عليها واهيا ترد هلا حبيبتي
قلت لها لو سمحتي لا تتصلين علي مرا ثانيه سببتيلي مشاكل وايد مع زوجي وبصراحه انا من زمان كان ودي اقولج جذي بس كنت استحي بس دام انتي ما تستحين على ويهج انا ما راح استحي جان ريلي يخمط السماعه وقالها سمعي اذا شفت رقمج بتليفون مرتي بييلج الدوام اكفخج تفهمين واهيا تظحك وتقول ليش انا اشسويت
جان يقولها انتي اذا دربج وصخ مالا داعي تلعبين بعقول الناس وتسحبينهم حق طريجج العوي
قالتله خلاص ما راح ادق يلا باي

المهم جان ازعل بس مادري زعلت على شنو بالظبط هههههههههه
بس الحمدالله الحين هم وانزاح وافتكيت منها كانت مسويتلي شبها
وزوجي ارتاح نفسيا ​

 

[cat^q8]

اعوذ بالله


الله يهديها ان شالله بس انتي نهاااائي اقطعي العلاقه

 

[al-musk]

زين سويتي افتكيتي منها...يامعودة لايحوشك..وزوجج اكيد خاف عليج من هالأشكال.

الله يهديها إلي طريق الصواب وماتضيع نفسها

 

[فانتا ستروبري]

واااي قطيعة شالاشكال من وين طالعتلج استغفر الله

اشووه انج افتكيتي منها وريلج زين يسوون فيها ​

 

[مملوحة_الوصايف]

رد : دقت علي 1الفجر

الحمدالله افتكييتي منها والحلو ان ريلج كلمها عشان يتطمن اكثر وحتى لا شفتيها بالدوام لا تسلمين احسن لان هالاشكال ما تنعطا وييي ولا حتى كفو تسلمين عليها

 

[غنوة ستايل]

احسن شي سويتيه ان ريلج تدخل بالموضوع وزفها
والحمد الله ان عنده فكره عن الاشكال القذره هذه

 

[So0oKaRa]

اهم شي انج ماخشيتي على ريلج وصارحتيه
وانتي ماغلطتي وايد ننخدع بالناس خاصه بالدوام
انتي لا تعطينها ويه ابد ولو سوتلج اي شي خبري ريلج لا تخشين عنه شي اخاف تطلع راعيه مشاكل وتوهقج باجر فخلي ريلج على درايه بكل شي يصير معاج
والله يبعدها عنج يارب ويهديها

 

[هيبة ملك]

الله يكفيج شرها

والله يهديه ويستر عليها

 

[أحلى~من~الورد]

أعوذ بالله

الله يهديها ان شاءالله

وزين سويتي انج علمتي زوجج... وزفها

بس ماتخافين تسويلج مشكله بالدوام

هالاشكال كل شي يطلع منهم.... الله يستر عليج منها ويفكج من شرها حبيبتي

 

[زلابيا]

الحمدالله والشكر

زين تجرأتي وكلمتيها لان مثل هالاشكال يبيلهم كلام مباشر

الله يكافيج شرها

 

[اهواك بلا امل]

اى والله الحمدالله
لوانا منج اغير رقمي ماتدرين باجر تدز عليج صبيان او شى

 

[عاشقه رويشد]

زين افتكيتي

 

[ناتشوو]

لو من زمان زافتها ابرك
بس اشوة زوجج عنده خبر بخرابيطها
الله يكفينا الشر
ويهديها

 

[مناوي الكويت]

زين سويتي فيها ياما بنات خربوا بيوت صديقاتها وحطي بالج لا تقولين صديقتي وتعرفينها على ريلج الحده اتخاف بالزمن هذا

 

[بيبي بدر]

حمدي ربج ان زوجج عارف عشان مايظن فيج
والاشكال هذي الواحد المفروض مايستحي منها ولا يصادقها
الله يهديها

 

[~~soso~~]

قطييعه شهالاشكاال

الله يستر علينا منهم

 

[Tulips]

يا معوده فكه ‏...‏ هم وانزاح

 

[غلا عيوني]

رد : دقت علي 1الفجر

احسن شي سويتيه وريلج ماغلط بشي واذا صار اي شي بدوام وقالتلج شي قولي ريلج احسن عشان يعرف اول باول والله يستر عليج ويسر اموركم

 

[يا حبنـي له..}]

رد : دقت علي 1الفجر

المفروض من اول داقرتها..بس ميخالف زين افتكيتي منها

 

[BiiShOoO]

الله يكاففيج شرها و زين سويتي زفيتيها