دقات قلب البيبي

[فروح]

السسلام عليييكم ... :eh_s(17):

بناااات بغيت اسئلكم ... متى السونار يقدر يسمع دقات القلب .. يعني اي اسبوووع .. انا بالاسبوع السابع و5 اياام واليوم سويت سونااار وماسمعوا دقااات قلب !!

بلييييز ابي تجااربكم لان حدي خــــأأيفه ...

 

[ابدا يالغالي مانساك]

انا سمعته بالاسبوع العاشر
يمكن تبويضج متاااااخر فيه وش كثر بنااات جذيه ربي يطمن قلبج

 

[فروح]

مشكوووره حبيبتي .. والله ماادري حيل خوفتني وسئلتني اذا فيه دم او عوار ؟؟؟

وقالت لي راجعي الدكتوره باجر : (

 

[االفرس]

اذا الحمل متأخر عاااادي حبيبتي .......... نطري بعد اسبوع وانشاءالله خير

 

[فروح]

يعني شنو متأخر ؟؟ مشكووره حبوووبه قالت لي ارجعي الجمعه

 

[فروح]

شدعوى تقرون وتطلعون مابيطير نصكم اذا رديتوا

 

[قلبي مملكه]

يمكن الحمل كان متاخر يعني قبل دورتك بكم يوم

فيكون مايبان النبض بسرعه نطري لين الاسبوع العاشر حبيبتي

وسوي سونار وان شاءالله خير

 

[أم علي الرفاعي]

اذا تبين تتطمنين أكثر
خل تسويلج سونار داخلي

واذا مو مستعيلة
صبري شوي عليه

اذا كان التبويض متأخر تحملين متأخر

يعني مثلا انا اخر دورة كانت 30/8
وما حملت الا 1/10

المفروض عالطبيعي أحمل تقريبا 15/9

يعني تقريبا اسبوعين متأخرة عن الموعد الطبيعي
فالجنين يكون عمره أقل
والنبض يبيله بعد وقت على ما ينسمع

وان شالله خير

 

[فروح]

ان شاءالله خير ي رب ... انا سويت تحليل دم .. يسمونه هرمون الحمل ... وتقول الدكتوره انه مرتفع يعني تمااام ...

فديتكم كلامكم ريحني . مشكووره ...

 

[ام_ركون و دندون]

ربي يتمم عليج وتفرحين يارب طمنينا عليج

 

[Eng.Kokoro]

انا بالأسبوع السادس شافت فيه نبض وبالاسبوع التاسع سمعته لي

لا تحاتين ان شاءالله مافيه شي

 

[MzOoOn 22]

عسى الله يتمم عليج وعلي يارب

 

[om 7sony]

ويييي
انا سوت لي جذي الدكتوره لم رحت لها اول مره ... كان عمر البيبي 5 اسابيع
قالت اسويلج سونار داخلي عشان اسمع النبض (نصاااابه),,, بس ما خليتها
بس والله رحت بعدها الحكومه بالاسبوع التاسع تقريبا (اذا ما كنت غلطانه )
وسمعته الدكتوره الحمدلله .. بس قالت هي الحين تقدر تسمعه بس انا ما راح اعرف اميزه .. وقاست النبض وسجلته
والموعد الي بعده سمعتني النبض
لا تحاتين حبيبتي ... ان شاء الله ماكو الا العافيه
دام مافي الم او دم لا تحاتين
وان شاء الله كلها كم اسبوع وبتقدرين تسمعين قلب البيبي باذنج
والله يتمم لج على خير يارب

 

[Rasp Berry]

عادي في ناس يبين متأخر عندهم ,., انا ما شاء الله بين عالاسبوع الثالث

 

[Rasp Berry]

ام حسوني شلون نقدر نسمع نبض البيبي بالاذن ؟؟ اول مره اسمع هالمعلومه

 

[tbola]

ان شاء الله تسمعينه تووج نطري بعد اسبوعين وان شاء الله يبن معاج

 

[فروح]

فديتكم ... مشكووره ع نصاايحكم ..

 

[ام ساره 4]

الله يتمم لج على خير وتسمعين نبض البيبي باذن الله

 

[om 7sony]

لا حبيبتي مو بالاذن
بالسونار
ومره سوت لي بجهاز مثل الميكروفون
ههه شدعوه بالاذن صعبه شوي

 

[cute00]

انا بالاسبوع 11 سمعت النبض لمن كنت حامل بولدي